Ferizaj

Ndahet nga jeta atdhetari dhe veterani i arsimit, Njazi Hajdari

Published

2 years ago

08 September, 2023

Redaksia

Është ndarë nga jeta veterani i arsimit ferizajas, veprimtari dhe i burgosuri politik Njazi Hajdari.

Lajmi u bë i ditur nga familja e tij.

Njazi Hajdari, lindur më 20.04.1950, për 23 vjet punoi në arsim kurse për 6 vite me radhë në Këshillin Komunal të Financimit në Ferizaj , ku punoi deri në ditët e para të bombardimeve të NATO-s mbi Serbinë.

Gjatë viteve të 80-ta dhe të 90-ta, shtëpia e tij ishte vendtubim i veprimtarëve dhe vendstrehim për të përndjekurit nga policia sekrete serbe.

Më 9 Maj 1999, Hajdari me disa bashkëveprimtarë politik, burgoset nga pjesëtarë të sigurimit serb dhe dërgohet në burgun e Gjilanit, kurse pas nënshkrimit të Marrëveshjes së Kumanovës, më 11 Qershor 1999, dërgohet në burgun e Vranjës.

Pas kthimit nga burgu, Njaziu hapi punëtorinë “Infograph” ku merrej me riparimin, shitjen e kompjuterëve dhe faqosjen e librave për botim.

Varrimi i të ndjerit Njazi Hajdari, bëhet sot, më 8 shtator2023, në ora 17:00 në varrezat e qytetit në Ferizaj.

Up Next

Kosova nikoqire e Lojërave Mesdhetare “Prishtina 2030”

Don't Miss

Suspendohen tre policë në Ferizaj – dyshohen për futjen e dy femrave në veturën zyrtare

Click to comment

Ferizaj

Shuhet zjarri që shpërtheu në një mobilieri në Ferizaj

Published

2 days ago

27 November, 2025

Redaksia

Mbrëmjen e së mërkurës një mobilieri është përfshirë nga zjarri.

Rasti u raportua të ketë ndodhur rreth orës 21:35 në fshatin Greme të Ferizajt, thuhet në raportin ditor të policisë.

Në vendin e ngjarjes kanë intervenuar njësitë policore, zjarrfikësit dhe njësitë e KEDS-it.

Zjarrfikësit kanë arritur ta fiknin zjarrin derisa nuk raportohet për të lënduar.

Ferizaj

Arrestohet në person në Ferizaj i dyshuar për dhunë në familje

Published

2 days ago

27 November, 2025

Redaksia

Një person është arrestuar në Ferizaj, nën dyshimin se e ka sulmuar fizikisht motrën e tij.

Sipas raportit 24 orësh të policisë, viktima ka pësuar lëndime trupore dhe ka pranuar tretman mjekësor.

I dyshuari u arrestua të mërkurën dhe me vendim të prokurorit i dyshuari është dërguar në mbajtje.

Lidhur me rastin kanë nisur hetimet për veprën penale “Lëndim i lehtë trupor”.

Ferizaj 26.11.2025 – 12:11 “Është arrestuar i dyshuari mashkull kosovar, nën dyshimin se kishte sulmuar fizikisht motrën e tij. Viktima ka pësuar lëndime trupore dhe ka marrë tretman mjekësor. Me vendim të prokurorit i dyshuari është dërguar në mbajtje.”

Ferizaj

Pesë shoferëve u pezullohen patentat në rajonin e Ferizajt

Published

5 days ago

24 November, 2025

Redaksia

Njësitë e Komunikacionit Rrugor në Ferizaj kanë ndëshkuar pesë shoferë për kundërvajtje të rënda në trafik, në Shtime dhe në Ferizaj.

Sipas policisë, më datë 22.11.2025, në rrugën “Adem Jashari” në Shtime, janë ndaluar shoferët:

I.R., 31-vjeçar, i cili me veturën VW Golf është kapur duke lëvizur me 90 km/h në zonën me kufizim 40 km/h. Është ndëshkuar me gjobë prej 200 euro, 2 pikë negative dhe 3 muaj pezullim të patentë shoferit.

Y.B., 30-vjeçar, i cili me veturën Audi është kapur duke lëvizur me 93 km/h në zonën me kufizim 40 km/h. Është ndëshkuar me 200 euro, 2 pikë negative dhe 3 muaj pezullim të patentë shoferit.

B.T., 40-vjeçar, i cili me veturën Toyota është kapur duke kryer tejkalim në vijë të plotë dhe është ndëshkuar me 200 euro, 2 pikë negative dhe 3 muaj pezullim të patentë shoferit.

M.G., 30-vjeçar, i cili me veturën VW Caddy është kapur duke përdorur telefonin gjatë ngasjes. Pas verifikimit, u konstatua se kjo ishte përsëritje e kundërvajtjes dhe u ndëshkua me 200 euro, 2 pikë negative dhe 3 muaj pezullim të patentë shoferit.

Ndërsa në rrugën “Brahim Ademi” në Ferizaj, është ndaluar:

H.K., 39-vjeçar, i cili me veturën VW Golf është kapur duke lëvizur me 100 km/h në zonën me kufizim 50 km/h. Është ndëshkuar me 200 euro, 2 pikë negative dhe 3 muaj pezullim të patentë shoferit.

Policia Rajonale e Ferizajt apelon tek të gjithë shoferët që të respektojnë kufizimet e shpejtësisë dhe shenjat e komunikacionit.