Në Qendrën e Numërimit dhe Rezultateve ka nisur procesi i numërimit të votave nga diaspora për zgjedhjet lokale, të cilat u realizuan përmes postës nga 17 shtatori deri më 11 tetor 2025.

Zëdhënësi i KQZ-së, Valmir Elezi, njoftoi se janë tërhequr gjithsej 33,841 pako të supozuara me fletëvotime, prej të cilave 29,636 janë aprovuar, ndërsa 3,977 janë refuzuar – kryesisht për mungesë të dëftesës së regjistrimit.

Arsyet e refuzimit janë kryesisht sepse mungon dëftesa e regjistrimit apo ndonjë dokument me të dhëna unike, që votuesi i regjistruar e pranon nga KQZ-ja, tha ai.

“Nga ky numër i përgjithshëm i pakove të supozuara me fletëvotime, nuk mund ta dijmë për momentin se sa është numri i saktë i fletëvotimeve që i takojnë zgjedhjeve për Kryetarë të Komunave dhe sa prej tyre i takojnë zgjedhjeve për Kuvende Komunale. Një votues ka pasur të drejtë të dërgojë nga një fletëvotim për secilin lloj të zgjedhjeve. Hapja e këtyre pakove/zarfeve do të bëhet nga ekipet e hapja dhe numërimi i pakove do të bëhet nga ekipet e QNR-së dhe më pas do të publikohen statistikat për çdo komunë.

Mijëra njerëz janë mbledhur në sheshin “Skenderbej”  në Tiranë, ku me thirrjen “Liri për çlirimtarët” u mbajt protesta në mbështetje të ish-eprorëve të Ushtrisë Çlirimtare të Kosovës, të cilët janë duke u gjykuar për krime lufte në Hagë.

Protesta në Sheshin “Skënderbej” në Tiranë filloi me himnin kombëtar shqiptar.

Hysni Gucati, kryetar i Organizatës së Veteranëve të Luftës së UÇK-së, tha se përmes kësaj proteste, populli ka ngritur zërin për drejtësi.

“Ne sot po protestojmë për të ngritur zërin për drejtësi. Jemi këtu që të mbrojmë luftën e shenjtë të Ushtrisë Çlirimtare të Kosovës, që të mbrojmë gjakun e derdhur për liri, që të mbrojmë nderin e çlirimtarëve tanë.

UÇK-ja nuk ka nevojë të dëshmojë se ka qenë ushtri çlirimtare, këtë e ka dëshmuar historia, e kanë dëshmuar varret e dëshmorëve të kombit”, u shpreh Gucati.

Në mbështetje të protestës, fjalim mbajti edhe ish-presidenti shqiptar, Alfred Moisiu.

“Jemi mbledhur për të mbrojtur dinjitetin tonë kombëtarë, përballë padrejtësive që po u bëhet bijve më të mirë të Kosovë, çlirimtarëve që luftuan për lirinë e vendit të tyre.  Në vitin 2022, isha në Hagë, për të takuar personalisht Presidentin Thaçi, Kadri Veselin, Jakup Krasniqi e Rexhep Selimi. Aty unë e pashë që këta burra nuk ishin të frikësuar. Ata ishin të qetë e të gatshëm për të sakrifikuar. Ata nuk kanë kryer krime, por kanë bërë detyrën më të lartë që njeh historia bashkëkohore, çlirimin e Kosovës dhe mbrojtjen e popullit të vet”, tha Moisiu.

Një nga themeluesit e UÇK-së, Ali Ahmeti, kërkoi unitet mes shqiptarëve në mbrojtje të vlerave të luftës dhe të Ushtrisë Çlirimtare të Kosovës, duke theksuar se “liria e Kosovës nuk duhet të shndërrohet në arenë për politika individuale e partiake”.

Ai u bëri thirrje forcave politike shqiptare që të shmangin përçarjet dhe të ruajnë unitetin kombëtar.

Manifestime të ngjashme kundër Gjykatës Speciale e në mbështetje të Hashim Thaçit, Kadri Veselit, Rexhep Selimit dhe Jakup Krasniqit, janë mbajtur në gusht në Prishtinë dhe në shtator te selia e Speciales në Holandë.

Thaçi, Veseli, Krasniqi dhe Selimi akuzohen nga Specialja për krime lufte e krime kundër njerëzimit.

Ata janë duke u mbajtur në paraburgim që nga viti 2020.

Mijëra njerëz janë mbledhur në sheshin “Skenderbej” në Tiranë,  ku nga ora 17:00 është planifikuar të mbahet protesta në mbështetje të pjesëtarëve të Ushtrisë Çlirimtare të Kosovës që po gjykohen në Hagë.

Me autobusë e vetura,  qytetarë nga Kosova, Maqedonia dhe  Lugina e Preshevës kaluan pikën e kufitare të Morinës në drejtim të Tiranës, që nga orët e para të mëngjesit .

Për të lehtësuar qarkullimin dhe pjesëmarrjen në protestë, është marrë vendimi që kalimi në “Rrugën e Kombit” të bëhet pa pagesë.

Protesta pritet të shënojë një pjesëmarrje të gjerë, ndërsa thirrjet për drejtësi dhe përkrahje ndaj figurave të UÇK-së po bashkojnë shqiptarët nga të gjitha trojet.

Manifestime të ngjashme kundër Gjykatës Speciale e në mbështetje të Hashim Thaçit, Kadri Veselit, Rexhep Selimit dhe Jakup Krasniqit, janë mbajtur në gusht në Prishtinë dhe në shtator te selia e Speciales në Holandë.

Thaçi, Veseli, Krasniqi dhe Selimi akuzohen nga Specialja për krime lufte e krime kundër njerëzimit.

Ata janë duke u mbajtur në paraburgim që nga viti 2020.