Ferizaj

Askush nuk konkurron për drejtor në tri shkolla të komunës së Ferizajt

Published

2 years ago

25 July, 2024

Nëntë drejtorë të shkollave fillore dhe një zëvendësdrejtor janë zgjedhur ose rizgjedhur për shkollat fillore dhe të mesme të Ferizajt, me konkursin që Komuna e kishte shpallur më 23 maj. Prej tyre, shtatë kandidatë janë zgjedhur drejtorë për shkollat fillore të fshatrave, ndërkaq dy kandidatë për dy shkolla të qytetit. Një zëvendësdrejtor u zgjodh për shkollën e mesme të mjekësisë, “Elena Gjika”. Prej dhjetë të përzgjedhurve, vetëm tri janë gra.

Drejtoria e Arsimit ka bërë të ditur se nuk ka pasur asnjë ankesë për këto pozita, duke hapur rrugën për zyrtarizmin e tyre para fillimit të vitit të ri shkollor.

Por, në njoftimin e Drejtorisë komunale të Arsimit, bëhet e ditur se është anuluar përzgjedhja e drejtorëve dhe zëvendësdrejtorëve për shkollat “Ramadan Rexhepi” në Sojevë, “Bilall Shala” në Lloshkobare dhe “Skënderbeu” në Jezerc.

Drejtori i Drejtorisë Komunale të Arsimit, Afrim Llabjani, ka konfirmuar për Televizionin Tema se për këto tri shkolla nuk ka pasur asnjë kandidat. Andaj, derisa të shpallet konkursi i radhës dhe të përzgjidhen menaxherët e rinj, drejtorët aktualë do të vazhdojnë punën si ushtrues detyre. Llabjani tha se mos aplikimi i askujt përbën shqetësim jo vetëm për qeverisjen lokale, por edhe për sistemin arsimor në nivel vendi.

Një prej arsyeve pse ka mungesë të interesimit për të marrë menaxhimin e shkollave është edhe paga, e cila mesatarisht është për vetëm 50 euro më të lartë se ajo e mësimdhënësve.

Një drejtor shkolle ka thënë në kushte anonimiteti se përgjegjësia e madhe që kanë drejtorët për t’u marrë prej çështjeve pedagogjike deri te aspektet logjistike nuk përkon me nivelin e pagës. Sipas tij, ky është shkaku kryesor pse mësimdhënësit brenda shkollave e sistemit arsimor në përgjithësi po iu shmangen përgjegjësive udhëheqëse.

Ferizaj

Humb jetën një punëtor në një objekt në ndërtim në Ferizaj

Published

14 hours ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

4 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

4 days ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.