Ferizaj

Fillon së zbatuari marrëveshja për ndërtimin e shtëpive për nevojtarët

Published

6 years ago

11 September, 2020

Kjo shtëpi në ndërtim e sipër po bëhet gati për familjen Limani nga fshati Slivovë i Ferizajt, e cila jeton në kushte jo të mira banimi.

Kjo familje e cila të ardhur të vetme e ka ndihmën sociale, është përzgjedhur në mesin e 10 familjeve që do t’u ndërtohen shtëpi nga shoqata “Jetimat e Ballkanit” dhe komuna e Ferizajt, në bazë të një marrëveshje që ata e kanë nënshkruar para 2 muajsh.

E zonja e shtëpisë Mirvete Limani, thotë se çdo ditë zgjohet me gëzim kur e di se së shpejti do të jetoj në shtëpi të re.

“Jemi duke qëndruar me një dhomë së bashku me burrin. I kemi çu letrat në komunë dhe ke kismet u nis shtëpia. Jam shumë e lumtur që do të dalë në shtëpi të re, falënderoj Halil Kastratin dhe komunën e Ferizajt që na kanë shti në listë neve”, tha Limani.

Koordinatori i memorandumit të bashkëpunimit midis shoqatës ”Jetimat e Ballkanit” dhe komunës së Ferizajt, Agon Zhinipotoku, tha se shumë shpejt 10 familjet përfituese do të hyjnë nëpër shtëpi të reja, ndërsa janë duke e përpiluar listën edhe për 5 shtëpi të tjera, të cilat i ka premtuar Halil Kastrati jashtë marrëveshjes.

“Punët janë duke shkuar shumë mirë, shumica e shtëpive janë afër finalizimit dhe shumë shpejt pritet të dorëzohen çelësat për secilën familje përfituese. Po ashtu jemi duke përpiluar listën edhe për 5 familje shtesë që do të jenë nga shoqata ”Jetimat e Ballkanit”, tha Zhinipotoku.

Zhinipotoku thotë se ka qenë e vështirë të bëjnë përzgjedhjen e familjeve përfituese, meqë kërkesat janë të shumta.

“Është një punë shumë e vështirë pasi nuk e dimë se ku mund të gabosh, por jemi munduar që rastet më të rënda t’i përzgjedhim“, tha Zhinipotoku.

Sipas memorandumit të bashkëpunimit që është nënshkruar nga humanisti Halil Kastrati dhe kryetari Agim Aliu, secila shtëpi do të kushtoj nga 20 mijë euro, ku nga 15 mijë euro sigurohen prej shoqatës “Jetimat e Ballkanit”, ndërsa komuna e Ferizajt është participuese me nga 5 mijë euro.

Ferizaj

Siguria juaj fillon me zgjedhjen e duhur të sigurimit

Published

2 hours ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

2 hours ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.