Ferizaj

MAPL akoma pa përgjigje për LVV-në e Ferizajt

Published

8 years ago

11 May, 2018

Edhe pse kanë kaluar më shumë se 60 ditë, Lëvizja Vetëvendosje në Ferizaj akoma nuk ka marrë përgjigje nga Ministria e Administrimit të Pushtetit Lokal, lidhur me kërkesën që ata kanë parashtruar në këtë ministri, sa i përket numrit të anëtarëve që kjo parti duhet t’i ketë në Komitetin për Politikë dhe Financa të Kuvendit Komunal të Ferizajt. Enver Haliti nga Vetëvendosje, dyshon se këtu ka gisht politika, duke paralajmëruar se për këtë moskthim të përgjigjes do t’i drejtohen edhe organeve të drejtësisë.

“Ne ju kemi drejtuar Ministrisë së Administrimit të Pushteti Lokal edhe me një kërkesë tjetër në mënyrë që të sqaroj këtë situatë, mirëpo kemi informata që janë edhe intervenimet politike që nuk e lejojnë edhe Ministrinë që të jap një interpretim ligjor, siç e thonë edhe ligjet dhe udhëzimet administrative në mënyrë që LVV të ketë dy anëtarë në Komitet për Politikë dhe Financa, ne do të vazhdojmë të kërkojmë të drejtën tonë, pasi besojmë fuqishëm se LVV-së i takojnë dy anëtarë në KPF dhe presim përgjigje nga ana e Ministrisë në të kundërtën ne do t’i drejtohemi edhe gjykatave për shkak se ka kaluar edhe afati ligjor që sipas ligjit për procedura administrative është afati 30 ditë që Ministria është e obliguar të kthej përgjigje, mirëpo tani kanë kaluar mbi 60 ditë dhe ende nuk kemi përgjigje nga ana e Ministrisë”,tha Haliti.

Haliti shprehet i bindur se Vetëvendosjes i takojnë dy ulëse në Komitetin për Politikë dhe Financa, meqë thotë se këtë ua kanë garantuar votat e qytetarëve.

“Në bazë të votave që ka fitu LVV në zgjedhjet e kaluar dhe në bazë të ligjit dhe udhëzimeve administrative për formimin dhe funksionimin e komiteteve obligative, siç është KPF, LVV sipas fuqisë së votave dhe përfaqësimit në asamble komunale, është dashur të përfaqësohet me dy anëtarë në KPF, me çka nuk ka ekzistuar gatishmëri e subjekteve politike, gjegjësisht e qeverisë komunale që ka shumicën në Kuvendin Komunal që t’ia mundësoj LVV-së këtë përfaqësim që i takon me ligj dhe në shenjë pakënaqësie LVV deri më tani nuk është e përfaqësuar në këtë komunitet, ne gjithashtu kemi kërkuar edhe interpretim ligjor në MAPL, me çka është kërkuar nga kryesuesja e Kuvendit që të përfaqësohet me kuotën 50% të gjinisë femërore për shkak se thuhet qartë në vlerësimin e ligjshmërisë nga MAPL-ja, që ky komitet nuk prodhon efekt juridik derisa nuk kompletohet me kuotën gjinore prej 50%, mirëpo kjo ka hasur në vesh të shurdhër”,tha Haliti.

Ndërsa, kryesuesja e Kuvendit Komunal Kristina Gashi-Bytyqi, thotë se është pikërisht Ministria e Administrimit të Pushtetit Lokal ajo e cila ka vendosur se sa anëtarë nga secila parti duhet t’i ketë Komiteti për Politikë e Financa.

“Vetëvendosje qysh në fillim ka shprehur shqetësimet e tyre, ka bërë edhe kërkesë në ministri, ku është kthyer përgjigja nga ministria dhe ajo përgjigje e MAPL-së ka qenë po e njëjta që jemi bazuar ne kur e kemi bërë ndarjen që u takon se si të jenë pjesë e KPF-së, pra një anëtar i takon LVV, së, përndryshe përgjigjen e kemi nga ministria, poashtu dhe vendimin që e kemi marrë në Kuvend është i ligjshëm dhe nuk kemi arsye që të bëjmë ndonjë ndryshim në këtë aspekt”, tha Gashi-Bytyqi.

Lëvizja Vetëvendosje nuk ka marrë pjesë asnjëherë në mbledhjet e Komitetit për Politike e Financa që nga formimi i tij.

Ferizaj

Siguria juaj fillon me zgjedhjen e duhur të sigurimit

Published

3 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

3 days ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

2 weeks ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.