Ferizaj

Agjencia Austriake për Zhvillim premton mbështetje për Universitetin e Ferizajt

Published

8 years ago

15 May, 2018

Universiteti i Shkencave të Aplikuara në Ferizaj, ka pritur sot një delegacion nga Agjencia Austriake për Zhvillim. Gjatë këtij takimi u fol për mundësitë e bashkëpunimeve të reja si dhe për rezultatet e bashkëpunimeve që këto dy institucione kishin bërë viteve të kaluara. Rektori i Universitetit të Ferizajt, Agron Bajraktari, tha se në dekadën e fundit kjo agjenci e ka ndihmuar më së shumti këtë institucion.

“Ne tani siç e dini jemi përfitues të një projekti i cili është projekt për partneritet me Universitetin e Shkencave të Aplikuara të Salsburgut dhe është hera e tretë që jemi përfitues të këtij projekti në dhjetë vitet e fundit, si fakultet dhe tash si universitet. Ne me zotin Martin biseduam për mundësinë e bashkëpunimit në të ardhmen në mes të dy universiteteve. Ajo që ka ndodh në të kaluarën ka qenë organizimi i konferencave të përbashkëta si dhe punimet dhe kërkimet shkencore që janë shkëmbyer mes këtyre dy institucioneve”,tha Bajraktari.

Ndërsa, drejtori menaxhues në Agjencinë Austriake për Zhvillim Martin Ledolter, shprehu gatishmërinë për të vazhduar mbështetjen për këtë institucion arsimor.

“Jam shumë i lumtur që njohuritë e marra nga universitetet e shkencave te aplikuar në Austri po aplikohen edhe këtu tek Universiteti i Shkencave të Aplikuara në Ferizaj. Ne si Agjenci jemi të gatshëm që të ofrojmë edhe shumë bashkëpunime të tjera të cilat do të jenë në favor fillimisht të studentëve, stafit akademik dhe përgjithësi shoqërisë së këtushme. Ne po shohim që ky universitet ka të ardhme dhe ne shpresojmë që së bashku ta zhvillojmë këtë institucion”, tha Martin Ledolter.

Pas këtij takimi, drejtori menaxhues i Agjencisë Austriake për Zhvillim mbajti një ligjëratë para studentëve të Universitetit të Shkencave të Aplikuara në Ferizaj.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

1 week ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

1 week ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim