Ferizaj

Banorët e Fshatit të Vjetër protestojnë para komunës

Published

7 years ago

18 May, 2018

Dhjetëra banorë të Fshatit të Vjetër protestuan para Kuvendit në orët e paradites, kur pritej të fillonte mbledhja në të cilën ishte paraparë të miratohej vendimi që varrezat e qytetit të zhvendosen në Fshatin e Vjetër. Madje, këta banorë e paralajmëruan për gjendje të rrezikshme drejtorin e Urbanizmit Lulzim Aliun, i cili u takua me protestuesit.

“Po më dhimbesh se dikush këtu ka me ra viktimë, këtë gjë po ta them unë plaku edhe keni me dhënë përgjigje ju komuna se u dashtë me ardh ju bashkë me kryetarin e me na vet me ba muhabet me neve për këtë punë”, tha njëri nga protestuesit.

Banorët po kritikojnë pushtetarët që këtë projekt kanë paraparë të realizojnë në fshatin e tyre, duke u ankuar se aty është vendbanim dhe ka shtëpi përreth.

“Kemi arsye për kundërshtime, sepse vendi ku është caktuar më herët në fshatin Balaj është hapësira më e madhe, ndërsa në Fshatin e Vjetër janë paraparë vetëm katër hektarë, po ashtu vendi në të cilin është paraparë të vendosen varrezat është i banuar me fshatarë dhe atyre ju pengon për të jetuar në të ardhmen. Vendi për varreza është kodrinë, ndërsa shtëpitë janë nën to “, tha Naser Beqiri.

Përfaqësues të këtyre banorëve e konsiderojnë paradoksal arsyetimin e komunarëve që varrezat aty do të vendosen veç përkohësisht.

“Këta neve po na arsyetohen se dëshirojnë të bëjnë një zgjidhje të përkohshme, sepse varrezat e qytetit tashmë janë mbush, por ne nuk mendojmë që pushteti për këtë projekt duhet të bëj zgjidhje të përkohshme, por të përhershme. Ne po mendojmë se kjo nuk është zgjidhje dhe ky vendim të shtyhet në mënyrë që të gjendet një tjetër parcelë më e favorshme, sepse me këta pak hektarë zgjidhja mund të jetë për dy ose tri vjet, hiç më shumë” , tha Naser Beqiri.

Pavarësisht protestave të këtyre banorëve, Kuvendi Komunal me shumicë votash miratoi vendim për zhvendosjen e varrezave të qytetit në Fshatin e Vjetër. Kundër këtij vendimi votuan anëtarët e LDK-së dhe ata të Vetëvendosjes.

Art & Showbiz

Nis edicioni i 55-të jubilar i Festivalit të Teatrove Ferizaj

Published

2 weeks ago

01 September, 2025

Redaksia

Nga sot deri më 7 shtator 2025, në Ferizaj do të mbahet Festivali i Teatrove, i cili sivjet shënon edicionin e 55-të jubilar.

Hapja zyrtare e festivalit bëhet nga ora 19:00 me shfaqjen “13” me regji të Sulejman Rushitit, në teatrin “Adriana”, derisa ditëve në vijim, para publikut ferizajas,do të prezantohen disa shfaqje të prodhuara dhe ngjarje të veçanta nga konceptet “Retroteatri” dhe “FTF Skena”.

Festivali i Tetarove Ferizaj, është prej festivaleve më të vjetra në Kosovë, i cili që nga viti 1970, përmes shfaqjeve nga vende të ndryshme jo vetëm vendore por edhe ndërkombëtare, bashkon profesionistë të teatrit dhe artdashës.

Hapjes zyrtare të festivalit do t’i paraprijë shfaqja për të rinj “Black Box” të cilën artdashësit mund ta shohin në Galerinë e qytetit të Ferizajt.

Këtë vit, në programin zyrtar të festivalit, do të jenë shfaqjet: “13” (më 1 shtator), “Bëje ose vdis” (2 shtator), “Djali” (3 shtator), “Hijet e Kohës” dhe “Komedia e zezë” (4 shtator), “God blesh America” (5 shtator), “Kjo është rinia jonë” dhe “PRISHTINA. Vrasja e paralajmëruar e një ëndrre” (6 shtator) si dhe shfaqja “Të vërtetat tona” (7 shtator).

Ky edicion jubilar i festivalit do të përmbyllet më 7 shtator, me shfaqjen jashtë konkurrence “Të bardhët”.

Tradicionalisht, çdo ditë të festivalit organizohen edhe debate për teatrin, punëtori krijuese me artistë ndërkombëtar dhe ndeja pas çdo shfaqjeje në oborrin e Teatrit.

Ferizaj

Arrestohet për vjedhje të trotineteve dhe biçikletave në Ferizaj

Published

3 weeks ago

23 August, 2025

Redaksia

Hetuesit e stacionit policor në Ferizaj, kanë arrestuar të dyshuarin B. T, 28 vjeç, i cili gjatë periudhës 01.07.2025 – 19.08.2025 ka kryer disa raste të vjedhjeve në banesa dhe objekte banesore në qytetin e Ferizajt.

Sipas policisë, nga hetimet është vërtetuar se i dyshuari ka vjedhur dy trotinete elektrike dhe dy biçikleta, me vlerë totale prej rreth 4.220 €, të cilat më pas i kishte shitur personave tjerë, duke iu treguar se ishin të vjedhura.

Me urdhër të prokurorit të shtetit, i dyshuari B. T. është ndaluar për 48 orë për procedura tjera hetimore.

Sendet e vjedhura janë sekuestruar dhe do t’u kthehen pronarëve ligjorë.

Ndërsa ndaj dy personave të tjerë, G .B, 33 vjeç dhe B. H.,25 vjeç, është iniciuar rasti penal “Blerja, pranimi ose fshehja e sendeve të përfituara nga vepra penale”, pasi kanë pranuar se ishin në dijeni për origjinën e tyre.

Ferizaj

Digjen rreth 13 hektarë me të mbjella dhe mal në Lloshkobare të Ferizajt

Published

3 weeks ago

21 August, 2025

Redaksia

Në fshatin Lloshkobare të Ferizajt, nga zjarri janë djegur disa hektarë me të mbjella të ndryshme. Viktimat dyshojnë për zjarrëvënie të qëllimshme nga persona të panjohur.

Në raportin 24-orësh të Policisë së Kosovës, thuhet se të mërkurën pasdite, viktimat kanë raportuar se nga zjarri atyre u janë djegur 5 hektarë mjedër, 3 hektarë të mbjella me dredhëza, 1 hektar me arra dhe 3 hektarë mal.

“Ferizaj 20.08.2025-16:30. Raportohet se persona të panjohur i kanë vënë zjarrin pronës se dy viktimave meshkuj kosovarë, ku janë djegur rreth 3 hektarë me mal, 5 hektarë mjedër, 4 hektarë me dredhëza dhe 1 hektar me arra, që janë djegur në tërësi”, njoftoi Policia e Kosovës.