Ferizaj

Në kolegjin ‘’Universum’’ mbahet ‘’Universiada 2018’’

Published

8 years ago

25 May, 2018

“Universiada 2018”, quhet aktiviteti i cili sot u zhvillua në kolegjin “Universum” në Ferizaj. Në këto gara diture ku morën pjesë shkollat fillore të Ferizajt, Kaçanikut dhe Vitisë, u përfshinë 400 nxënës të klasave të pesta dhe të nënta. Për më të suksesshmit e kësaj gare, kolegji ‘’Universum’’ do të ndajë rreth 50 bursa shkollore të cilat sipas niveleve janë prej 50-75% zbritje dhe pesë nxënësit më të mirë do ta kenë një vit shkollor falas në këtë kolegj.

Drejtues të kolegjit ‘’Universum’’ thanë se ky format i garave ka për qëllim që të mbjell frymën garuese tek të rinjtë e shkollave fillore dhe të bëhet një rifreskim i njohurive që ata kanë marrë nëpër shkollat ku vijojnë.

“Kjo garë është organizuar si përcjellje e vazhdimësisë së garave të mëhershme në nivel të Republikës së Kosovës që më herët organizonte ‘’Universum’’ dhe ka kuptimin nxitjen dhe ofrimin e frymës garuese tek nxënësit. Siç e dini jemi gati në përfundim të vitit shkollor dhe kjo garë është një stimulim për t’i përsëritur edhe njëherë njohuritë dhe dituritë e marra nëpër shkollat e tyre,” tha Sedat Berisha.

Mësimdhënësit e shkollave pjesëmarrëse në këto gara, vlerësuan se aktivitetet e këtij lloji janë të mirëseardhura për nxënësit për t’i sfiduar ata sa i përket lirshmërisë nëpër testime.

“Këto gara në përgjithësi janë të mirëseardhura për nxënësit jo vetëm për t’i përcjellë ato dituri çfarë i kanë arritur, por edhe një shkëmbim mendimesh. Ne besojmë që në të ardhmen gara të tilla të bëhen më shpesh edhe nga të tjera institucione”, tha mësuesi Hamdush Krasniqi nga Kaçaniku.

“Ne herë pas here edhe brenda shkollës organizojmë gara të ndryshme, por kjo është një sfidë shtesë për nxënësit, sepse është një mundësi e mirë për ta provuar veten para sfidave të tjera që do t’i vijnë në jetë për teste të diturisë. Është një mundësi shumë e mirë jo vetëm për të fituar bursë, por për t’u provuar si fëmijë për të ardhmen me qenë pak më të lirshëm, sepse ne e shohim që këta i frikohen shumë testimeve prandaj është mirë që t’i shohim edhe jashtë shkollës si gjenden ata”, tha Besa Jahiu-Reçica nga shkolla “Jeronim de Rada” në Ferizaj.

Ndërkaq, për disa nxënës pyetjet e këtij testi nuk ishin të vështira.

“Unë e përfundova, shumica e pyetjeve mu dukën të lehta, tri pyetje nuk arrita me i përfundu sepse nuk kisha ide për përgjigjet prandaj nuk humba fare kohë me to. Përndryshe këto gara janë shumë të qëlluara për ne nxënësit dhe urojmë që të fitojnë më të mirët”, tha Eroleta Dërguti.

“Edhe për mua pyetjet nuk qenë të rënda, kujtoj që ia kam dalë dhe do të jem një fitues për bursë“, tha Eros Kurtaliqi.

U tha se rezultatet e kësaj gare do të shpallen pas një jave.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

1 week ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

1 week ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

2 weeks ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar