Ferizaj

Mbahet pjesa e parë e testit të maturës në Ferizaj

Published

8 years ago

28 May, 2018

2 mijë e 375 maturantë të komunës së Ferizajt, i janë nënshtruar pjesës së parë të testit të maturës.

Për të parë nga afër ecurinë e zhvillimit të këtij testi të rëndësishëm për maturantët, gjimnazin ‘’Kuvendi i Arbërit’’ e vizitoi ministri i Arsimit, i Shkencës dhe i Teknologjisë, Shyqiri Bytyqi, i shoqëruar nga kryetari i Ferizajt Agim Aliu.

Ministri Bytyqi, tha se kanë bërë të gjitha përgatitjet e nevojshme që ky test të shkoj mirë, duke shfaqur shpresën për rezultate pozitive.

“Pas përgatitjeve që janë bërë nga Komisioni Shtetëror i Maturës, sot është dita e parë e fillimit të testit të maturës, unë ju uroj gjithë maturantëve të kenë sukses në këtë test dhe gjithë nxënësit të cilët kanë obligim dhe kanë përgatitje të mirë t’i marrin rezultatet e merituara dhe të duhura dhe ky ka qenë synimi ynë kur kemi filluar të merremi me këtë çështje që vërtet kësaj radhe testi i maturës të dalë një test i suksesshëm në mbarëvajtje, ndërsa rezultatet janë ato të për cilat kanë bërë kontribut së pari mësimdhënësit, pastaj drejtues të shkollave dhe padyshim kanë pasur një përkrahje edhe nga kryetarë të komunave, por edhe nga Ministria e Arsimit”, tha Bytyqi.

Ndonëse nuk është lejuar që nxënësit të futën në qendër të testimit me telefona, ata janë parë me ta brenda nëpër klasë, madje disa teste kanë qarkulluar edhe nëpër rrjete sociale.

“Secili nxënës që do të zihet duke përdor telefon në klasë ai do të largohet nga testi,e përsëritëm këtë kërkesë edhe me administratorë që aty ku ka këso gjëra duhet të evitohen. Janë gjëra që duhet parë, sepse këto janë defekte që kanë qenë në të kaluarën, ne jemi munduar me i zvogëlu këto defekte, por nuk është e lehtë që menjëherë të gjitha defektet të eliminohen, konsideroj se është bërë një hap pozitiv, por do shohim tutje se si ka rrjedhur deri tek testi dhe si do të jetë ndikimi i këtij testi në rrjetet sociale”, u shpreh ai.

Kurse, kryetari i komunës së Ferizajt Agim Aliu, tha se do të angazhohen që të krijojnë kushte për ngritjen e cilësisë në arsim.

“Urojmë që të kenë suksesin e duhur, ajo që ne si komunë është sot dhe do të jetë edhe nesër angazhim që të krijojmë kushte dhe mundësi në mënyrë që të bëjmë atë që duhet të bëhet, të përmirësohet cilësia në arsim, sepse tashmë një kohë të gjatë kemi pasur investime bazike të ndërtimit të infrastrukturës, por është koha e fundit që ne të përmirësojmë kushtet dhe të jemi të përkushtuar në ngritjen e cilësisë në arsim”, tha Aliu.

Këtë vit testi i maturës do të mbahet në katër regjione, në katër ditë të ndryshme, ku pyetjet e testit nuk do të jenë të njëjta për asnjërin rajon.

U bë e ditur se për rajonin e Ferizajt dhe të Gjilanit, pjesa e dytë e testit do të mbahet më 5 qershor.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

1 week ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

1 week ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

2 weeks ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar