Ferizaj

Në fund të gushtit pritet të nis projekti “Bashkimi i Qytetit”

Published

8 years ago

10 July, 2018

“Bashkimi i Qytetit”, titullohet projekti që pushtetarët e Ferizajt po e konsiderojnë si më të madhin që deri më tani ka planifikuar ta zbatojë komuna e Ferizajt. Ky projektet ambicioz që përfshin zgjerim, rregullim, rrethrrotullim dhe nënkalim, do të shtrihet prej rrugës “Ahmet Kaçiku”, e deri tek kryqëzimi i rrugëve ‘’Naim Beka’’ dhe ‘’Epopeja e Jezercit’’. Ky projekt i madh u prezantua sot para një numri të vogël të të interesuarve. Drejtues të pushtetit thanë se projekti tani është në fazën e tenderimit, ku komunarët po presin ofertues serioz për këtë investim kapital për qytetin. Drejtori i Infrastrukturës Arbër Bytyqi, tha se ky projekt është i një rëndësie të veçantë pasi që do të bëj transformimin urban të qytetit dhe do të ngritë sigurinë e lëvizjes së këmbësorëve në qendër të Ferizajt.

“Siç e patë nga prezantimi projektuesi i ka paraparë të gjitha mundësitë dhe hapësirat ekzistuese të terrenit dhe ky projekt do të realizohet ashtu siç është paraparë në projekt. Ndryshe, ne kemi nënshkruar një memorandum me Ministrinë e Infrastrukturës dhe ata do të jenë financues të këtij projekti sikurse edhe shumë të tjerë që janë duke i mbështetur për komunën e Ferizajt. Mos rishikimi i buxhetit nuk do ta rrezikojë realizimin e këtij investimi, sepse tashmë mjetet janë të siguruara nga Ministria e Infrastrukturës dhe ne po besojmë se nga fundi i gushtit veç do të fillojë puna në praktikë dhe është projekt dy vjeçar”, tha Bytyqi.

Para të pranishmëve projekti ‘’Bashkimi i Qytetit’’ u prezantua nga arkitekti ferizajas Arsim Murseli. Ai tha se pavarësisht vështirësive që do të paraqiten gjatë realizmit të këtij projekti, projektuesit kanë paraparë që gjithçka të zbatohet në përshtatshmëri me terrenin.

“Fillimisht është bërë incizimi i terrenit dhe në bazë të kuotave të nivelit të terrenit dhe gjendjes ekzistuese me pas u hartua edhe ky projekt. Vështirësia është se vet puna do të bëhet në pjesën më frekuentuese të qytetit, kjo është vështirësia e parë që mund të jetë, sfiduese është hekurudha, por ajo është treguar se projekti mund të zgjidhet pa u ndërprerë ajo fare, te nënkalimi i këmbësorëve”, tha Murseli.

Se a ka firma serioze dhe me kapacitet të plotë për ta realizuar këtë projekt ambicioz të pushtetit aktual, komunarët po shprehen optimist.

“Besoj që komuna e Ferizajt është e njohur për numrin e kompanive që merren me ndërtime, kemi shumë kompani serioze që punojnë në këtë lloj të veprimtarisë, por që nuk janë të përjashtuar edhe ata të komunave të tjera, por prapë se prapë ne do të donim që tenderin ta fitoj ndonjë kompani e këtushme”, tha Arbër Bytyqi.

U tha se tenderi për këtë projekt që kap koston prej 6 milionë euro do të shpallet me 20 korrik , ndërsa parashihet të përfundoj brenda dy viteve.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

2 weeks ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

2 weeks ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim