Ferizaj

Blerina Murtezi boton librin e parë me poezi

Published

8 years ago

20 July, 2018

Blerina Murtezi nga fshati Rakaj i Ferizajt, ka përmbledhur poezitë e saja në një libër të titulluar ‘’Guxo’’, promovimi i të cilit do të bëhet më 24 korrik në Qendrën e Kulturës në Ferizaj. Këtë libër Blerina ia ka kushtuar vëllait të saj i cili njëjtë sikurse ajo vuante nga sëmundja Distrofia Muskulore dhe nuk jeton më.

“Forcë më dha dhimbja për vëllain tim që ka vdekë dhe kam fillu me shkru, aty e kam gjetur veten me poezitë e mija, kur kam fillu me shkru i kam shpreh gjërat që i kam mbajtur brenda dhe jam shumë e lumtur që u plotësua ëndrra ime dhe nuk e kam besu që mundet me mu realizu dhe jam shumë e befasuar sot, tre vitet e fundit kam biseduar me shoqet e mia Fitore Dervishi, ajo ishte si hajgare në fillim edhe më tha dërgomi poezitë t’i shoh dhe më thotë Blerinë nuk bën hiç pa i botuar këto dhe tani besoj që do të shkruaj më mirë, se më herët nuk më pëlqenin, nuk kisha dëshirë me ia tregu askujt, ndërsa tash besoj se do të shkruaj edhe më mirë”,tha Murtezi.

Redaktori i librit ‘’Guxo’’ Kemajl Aliu, tha se në këtë libër me poezi, autorja shpalos ndjenjat e personave me nevoja të veçanta.

“Libri ‘’Guxo’’ i poetes Blerinë Murtezi shquhet për një botë jashtëzakonisht të pasur poetike ku ka një emocion karakteristik, ajo flet për një botë për plotë vetmi, dramacitet, flet për rrugët e këputura, flet për stinët që e kanë fundin e luleve, flet për një rrugë të harruar ku engjëlli udhëton nëpër shi, flet për karrocën, jetën në karrocë të cilën nuk mund ta kuptojmë sa duhet, thjeshtë është fjala për një botë, një shtëpi pa dritare ku autorja falë guximit ka mbërri mbase në fund që të gjej yllin e shpresës ku komunikon në një mënyrë shumë të veçantë”, tha Aliu.

Kurse, udhëheqësja e shoqatës “Hendifer”, Fazile Bungu, tha se rasti i Blerinës është shembull i mirë për të gjithë personat me nevoja të veçanta, për t’iu treguar atyre se edhe ata munden.

“Blerina ka pasur fatin që në moshën 14 vjeçare të jetë person me aftësi të kufizuar, deri në moshën 14 vjeçare ka qenë mirë ndërsa në moshën 14 vjeçare e ka atakuar sëmundja dhe ka mbetur në karrocë, aty ka filluar ta humb vetëbesimin dhe ne kemi punuar shumë në këtë drejtim që t’ia kthejmë vetëbesimin Blerinës dhe të pajtohet me realitetin që atë tashmë e ka atakuar, kemi pasur vështirësi ta bindim që të ulet në karrocë, mandej kur e njëjta sëmundje e atakoi edhe vëllain e saj më të ri se Blerina dhe pas vdekjes së tij Blerina është mbyllur në vete dhe nuk donte me komuniku me askënd dhe sa herë kemi shku kërkesa jonë ka qenë që atë që e mundon Blerinën le ta shkruan dhe Blerina filloi me shkru”, tha Bungu.

Libri “Guxo” shtjellon tema të ndryshme dhe synon të trokasë në ndërgjegjen e shoqërisë mbi dukuri e situata të ndjeshme nëpër të cilat kalon secili njeri nëpër faza të ndryshme të jetës, përfshirë këtu edhe humbjen e më të dashurve, por edhe guximin e tejkalimit të sfidave me të cilat na përballë jeta, ashtu siç e përballi autoren e librit, e cila tash e disa vite vuan nga Distrofia Muskulore, sëmundje kjo që e ka lënë në karrocë.

Ferizaj

Një muaj paraburgim të dyshuarve për mashtrim me kriptovaluta në Ferizaj

Published

4 days ago

08 May, 2026

Redaksia

Gjykata Themelore në Ferizaj ka caktuar masën prej një muaj paraburgim kundër të pandehurve A.L. dhe R.J. që dyshohen për veprën penale të mashtrimit

Në njoftimin e gjykatës bëhet e ditur se vendimi për masën e paraburgimit u morr gjyqtarja e procedurës paraprake në Departamentin e Përgjithshëm – Divizioni Penal, Alba Makolli pas mbajtjes së seancës dëgjimore dhe analizimit të shkresave të lëndës.

“Ekziston dyshimi i bazuar se me datë 17 prill 2026, në një rrugë në Ferizaj, të pandehurit, me dashje dhe në bashkëveprim së bashku edhe me të pandehurin V.N., i cili gjendet në arrati, me qëllim të përfitimit të kundërligjshëm pasuror për vete, me anë të paraqitjes së rreme të fakteve dhe duke përdor emra të rreme (A. dhe B.), i vënë në lajthim të dëmtuarit E.F., A.F., dhe Rr.K., duke u paraqitur se posedojnë kriptovaluta të llojit USDT, dhe se do t’ua transferonin përmes portofolit digjital “wallet”, ashtu që për realizmin e kësaj skeme fillimisht sigurojnë një lokal me qira dhe caktojnë takim me të dëmtuarit, dhe në lokal arrijnë që të njëjtëve t’ua marrin shumën e të hollave prej 12,000.00 Euro, të cilat të holla sipas planit paraprak, i fusin në një çantë me ngjyrë të gjelbert, i vendosin në një dollap brenda lokalit, në të cilin paraprakisht kishin hapur një vrimë nga pjesa e pasme, përmes së cilës i marrin të hollat pa dijeninë e të dëmtuarve, dhe më pas largohen në drejtim të panjohur, me ç’rast pas veprimeve operative arrihet të zbulohet se të pandehurit përsëri do të vepronin skemën e njëjtë në një rrugë në Kaçanik, duke marr një lokal me qera dhe duke caktuar takimin në atë lokal, ashtu që pas reagimit të hetuesve policor arrihen që të njëjtit të arrestohen në vend ngjarje, ndërsa i pandehuri V.N., arrin të arratiset”, thuhet mes tjerash në njoftimim e gjykatës.

Ferizaj

Vdekja e foshnjës në Ferizaj: Rasti po hetohet si “vrasje e foshnjës gjatë lindjes”

Published

6 days ago

07 May, 2026

Redaksia

Prokuroria Themelore në Ferizaj ka njoftuar se kanë nisur hetimet për rastin e cilësuar si “vrasje e foshnjës gjatë lindjes” që ka ndodhur të martën mbrëma, kur një paciente kishte lindur foshnjën e saj në tualetin e Emergjencës në Ferizaj.

Spitali i Ferizajt, përmes një komunikate ka njoftuar se pacientja është paraqitur në spital me ankesa për obstipacion (kapsllëk) dhe, në një moment, ka hyrë në tualet duke e mbyllur derën.

“Pas insistimit dhe presionit nga stafi mjekësor, të cilët kishin dëgjuar zërin e një foshnjeje, dera është hapur. Nëna kishte prerë kordonin umbilikal të foshnjës dhe e kishte hedhur atë në koshin e mbeturinave, në gjendje të rëndë dhe hipotermike.

Menjëherë janë ndërmarrë masat emergjente për trajtimin e nënës dhe foshnjës, të cilat janë transferuar në repartet e Gjinekologjisë dhe Neonatologjisë. Ekipi multidisiplinar, me përfshirjen edhe të anesteziologut, ka filluar menjëherë të gjitha procedurat reanimatore.

Sapo është konstatuar rasti, stafi shëndetësor ka njoftuar organet kompetente, përkatësisht Policinë e Kosovës.

Foshnja është pranuar në gjendje shumë të rëndë shëndetësore dhe janë ndërmarrë të gjitha masat e nevojshme reanimatore nga ekipi multidisiplinar i spitalit. Pavarësisht përpjekjeve maksimale dhe trajtimit intensiv nga personeli mjekësor, foshnja ka ndërruar jetë”, thuhet në njoftim.

Më tej, Spitali i Përgjithshëm i Ferizajt bëri të ditur se është duke bashkëpunuar plotësisht me organet e drejtësisë dhe institucionet kompetente për zbardhjen e plotë të rrethanave të këtij rasti.

Në raportin e Policisë thuhet se “Me vendim të prokurorit, foshnja është dërguar në Institutin e Mjekësisë Ligjore në Prishtinë për obduksion, për procedura të mëtejshme hetimore, derisa e dyshuara ndodhet në spitalin e Gjinekologjisë, Ferizaj, për shkak të gjendjes së saj shëndetësore.”

Ferizaj

Sekuestrohet një revole me municion dhe shurdhues në Ferizaj

Published

1 week ago

04 May, 2026

Redaksia

Një person është shoqëruar në stacionin policor në Ferizaj pas një kontrolli në shtëpinë e tij, ku janë gjetur dhe sekuestruar një pistoletë me gaz, pesë fishekë dhe një shurdhues i armës së zjarrit.

Në raportin 24 orësh të policisë bëhet e ditur se rasti ka ndodhur mëngjesin e së dielës, më 3 maj 2026, rreth orës 8:30 në rrugën “Gucia” në Ferizaj .

Me vendim të prokurorit pas intervistimit, rasti vazhdon të hetohet në procedurë të rregullt.