Ferizaj

Shënohet 110 vjetori i Kuvendit të Ferizajt

Published

8 years ago

23 July, 2018

Me rastin e 110 vjetorit të Kuvendit të Ferizajt, u mbajt një tribunë shkencore në të cilën morën pjesë personalitete të ndryshme nga këtu e komuna të tjera. Ky aktivitetet në të cilin u treguan ngjarje të ndryshme që ndodhën në periudhën 5 deri më 23 korrik të vitit 1908, u vlerësua shumë i rëndësishëm, për faktin se gjeneratat e reja do të mësojnë për historinë e ngjarjes që shënoi edhe fitoren e revolucionit xhonturk. Këtë tribunë shkencore e hapi kryetari i komunës së Ferizajt Agim Aliu, i cili tha se qytetërimi shqiptar pati pothuaj gjatë tërë rrjedhës historike dy detyra të vështira, mbijetesën kulturore-nacionale dhe shpërndarjen e mesazheve të lirisë në formën dhe përmbajtjen më të virtytshme të saj.

“Fundi i shekullit XIX dhe fillimi i shekullit XX qartësuan deri në pathyeshmëri psherëtimat e fundit të Perandorisë Osmane në çastet e saja të fundit para rënies. Në rrethana të tilla të komploteve botërore, në fushatën e krijimit të një rendi të ri botëror, bashkë me një konstruksion të ri të gjeopolitikës planetare, u organizuan shumë konferenca e kongrese ndërkombëtare, u lidhën shumë aleanca të fshehta e të hapura politike, si dhe u nënshkruan shumë traktate kobzeza nga fuqitë e kohës. Në të gjitha këto projekte politike, pika e përbashkët ishte: marrëveshjet e njëpasnjëshme ndërkombëtare për zhbërjen e kulturës shqiptare, në favor të realizimit të apetiteve gjeopolitike të fuqive të kohës, nga Evropa dhe nga Azia, në favor edhe të satelitëve të tyre më të vegjël. Shqiptarët, të prirë nga fryma komb-emancipuese e Rilindësve të mëdhenj, me mençuri, urtësi, guxim e këmbëngulje u rreshtuan në pengim të realizimit të projekteve të padrejta dhe brutale të kohës”, tha Aliu.

Gjatë kësaj tribune shkencore me punimet e tyre për Kuvendin e Ferizajt të vitit 1908, kanë folur edhe profesor Liman Rushiti dhe Bujar Dugolli.

‘’Me 1908 qysh në fillim të korrikut filloi grumbullimi i patriotëve shqiptar nga trojet shqiptare në Ferizaj për dhënie të besës kundër hakmarrjes dhe për ruajtjen e tërësisë territoriale të trojeve shqiptare në përgjithësi e posaçërisht ne vilajetin e Kosovës me qendër ne Shkup“, tha Liman Rushiti.

‘’Ndonëse ishte e nevojshme që të arrihet një gjuhë e përbashkët për një qëndrim të qartë kombëtar, siç ishte insistimi i patriotit Hasan Prishtina në Kuvendin e Ferizajt shqiptarët manifestonin katër rryma relativisht të kundërta. E para në Ferizaj kishte zëra që kërkonin pavarësinë e Shqipërisë, e dyta kishte zëra që kërkonin autonominë e Shqipërisë në kuadër të Perandorisë Osmane, e treta kishte zëra që nuk mund të mendonin ekzistencën e shqiptarëve pa Perandorinë dhe pa sulltanin dhe e katërta ishte pjesa kur sulltanin e pranonin, por me përkufizime të absolutizmit të tij përmes zgjedhjeve parlamentare. Pra këto ishin fraksionet që ekzistonin në këtë Kuvend“, tha Bujar Dugolli.

Kuvendi i Ferizajt u organizua më 5 korrik të vitit 1908, ku pati jehonë të gjerë. Në të morën pjesë rreth 30 mijë shqiptarë nga Gjilani, Prishtina, Presheva dhe krahina të tjera të Kosovës. Historia shkruan që pjesëmarrësit u lidhen me komitetin patriotik “Bashkim e Përparim” në përkrahje të revolucionit xhonturk, që premtonte mbrojtën e tokave shqiptare. Nën drejtimin e Isa Boletinit dhe Bajram Currit u hartua telegrami drejtuar sulltanit ku kërkohej shpallja e kushtetutës dhe thirrja e parlamentit, gjë që u realizua më 23 korrik të vitit 1908.

Ferizaj

Një muaj paraburgim të dyshuarve për mashtrim me kriptovaluta në Ferizaj

Published

4 days ago

08 May, 2026

Redaksia

Gjykata Themelore në Ferizaj ka caktuar masën prej një muaj paraburgim kundër të pandehurve A.L. dhe R.J. që dyshohen për veprën penale të mashtrimit

Në njoftimin e gjykatës bëhet e ditur se vendimi për masën e paraburgimit u morr gjyqtarja e procedurës paraprake në Departamentin e Përgjithshëm – Divizioni Penal, Alba Makolli pas mbajtjes së seancës dëgjimore dhe analizimit të shkresave të lëndës.

“Ekziston dyshimi i bazuar se me datë 17 prill 2026, në një rrugë në Ferizaj, të pandehurit, me dashje dhe në bashkëveprim së bashku edhe me të pandehurin V.N., i cili gjendet në arrati, me qëllim të përfitimit të kundërligjshëm pasuror për vete, me anë të paraqitjes së rreme të fakteve dhe duke përdor emra të rreme (A. dhe B.), i vënë në lajthim të dëmtuarit E.F., A.F., dhe Rr.K., duke u paraqitur se posedojnë kriptovaluta të llojit USDT, dhe se do t’ua transferonin përmes portofolit digjital “wallet”, ashtu që për realizmin e kësaj skeme fillimisht sigurojnë një lokal me qira dhe caktojnë takim me të dëmtuarit, dhe në lokal arrijnë që të njëjtëve t’ua marrin shumën e të hollave prej 12,000.00 Euro, të cilat të holla sipas planit paraprak, i fusin në një çantë me ngjyrë të gjelbert, i vendosin në një dollap brenda lokalit, në të cilin paraprakisht kishin hapur një vrimë nga pjesa e pasme, përmes së cilës i marrin të hollat pa dijeninë e të dëmtuarve, dhe më pas largohen në drejtim të panjohur, me ç’rast pas veprimeve operative arrihet të zbulohet se të pandehurit përsëri do të vepronin skemën e njëjtë në një rrugë në Kaçanik, duke marr një lokal me qera dhe duke caktuar takimin në atë lokal, ashtu që pas reagimit të hetuesve policor arrihen që të njëjtit të arrestohen në vend ngjarje, ndërsa i pandehuri V.N., arrin të arratiset”, thuhet mes tjerash në njoftimim e gjykatës.

Ferizaj

Vdekja e foshnjës në Ferizaj: Rasti po hetohet si “vrasje e foshnjës gjatë lindjes”

Published

5 days ago

07 May, 2026

Redaksia

Prokuroria Themelore në Ferizaj ka njoftuar se kanë nisur hetimet për rastin e cilësuar si “vrasje e foshnjës gjatë lindjes” që ka ndodhur të martën mbrëma, kur një paciente kishte lindur foshnjën e saj në tualetin e Emergjencës në Ferizaj.

Spitali i Ferizajt, përmes një komunikate ka njoftuar se pacientja është paraqitur në spital me ankesa për obstipacion (kapsllëk) dhe, në një moment, ka hyrë në tualet duke e mbyllur derën.

“Pas insistimit dhe presionit nga stafi mjekësor, të cilët kishin dëgjuar zërin e një foshnjeje, dera është hapur. Nëna kishte prerë kordonin umbilikal të foshnjës dhe e kishte hedhur atë në koshin e mbeturinave, në gjendje të rëndë dhe hipotermike.

Menjëherë janë ndërmarrë masat emergjente për trajtimin e nënës dhe foshnjës, të cilat janë transferuar në repartet e Gjinekologjisë dhe Neonatologjisë. Ekipi multidisiplinar, me përfshirjen edhe të anesteziologut, ka filluar menjëherë të gjitha procedurat reanimatore.

Sapo është konstatuar rasti, stafi shëndetësor ka njoftuar organet kompetente, përkatësisht Policinë e Kosovës.

Foshnja është pranuar në gjendje shumë të rëndë shëndetësore dhe janë ndërmarrë të gjitha masat e nevojshme reanimatore nga ekipi multidisiplinar i spitalit. Pavarësisht përpjekjeve maksimale dhe trajtimit intensiv nga personeli mjekësor, foshnja ka ndërruar jetë”, thuhet në njoftim.

Më tej, Spitali i Përgjithshëm i Ferizajt bëri të ditur se është duke bashkëpunuar plotësisht me organet e drejtësisë dhe institucionet kompetente për zbardhjen e plotë të rrethanave të këtij rasti.

Në raportin e Policisë thuhet se “Me vendim të prokurorit, foshnja është dërguar në Institutin e Mjekësisë Ligjore në Prishtinë për obduksion, për procedura të mëtejshme hetimore, derisa e dyshuara ndodhet në spitalin e Gjinekologjisë, Ferizaj, për shkak të gjendjes së saj shëndetësore.”

Ferizaj

Sekuestrohet një revole me municion dhe shurdhues në Ferizaj

Published

1 week ago

04 May, 2026

Redaksia

Një person është shoqëruar në stacionin policor në Ferizaj pas një kontrolli në shtëpinë e tij, ku janë gjetur dhe sekuestruar një pistoletë me gaz, pesë fishekë dhe një shurdhues i armës së zjarrit.

Në raportin 24 orësh të policisë bëhet e ditur se rasti ka ndodhur mëngjesin e së dielës, më 3 maj 2026, rreth orës 8:30 në rrugën “Gucia” në Ferizaj .

Me vendim të prokurorit pas intervistimit, rasti vazhdon të hetohet në procedurë të rregullt.