Ferizaj

Organizata “Kids for Kosovo” ndihmon shkollën “Naim Frashëri” në Doganaj

Published

5 years ago

14 December, 2020

Organizata “Kids for Kosovo” shpërndau dhurata për nxënësit e shkollës fillore “Naim Frashëri” në Doganaj. Përveç pakove për nxënës, kësaj shkolle kjo organizatë ia dhuroi edhe tre video-projektorë. Alma Topalli, nga organizata “Kids for Kosovo”, tregon se këtë donacion e kanë realizuar falë grumbullimit të të hollave në Shtetet e Bashkuara të Amerikës dhe në platforma sociale.

”Edhe pse këtë vit me pandeminë gjërat kanë qenë shumë të vështira, ne nuk kemi pas mundësi me kriju aktivitete përmes së cilave kemi mundur me i njoftu njerëzit për këto projekte, mirëpo nuk kanë mungu donacionet të cilat kanë ardhë prej ”Facebook”-ut dhe faqes sonë në “GoFundMe”. Unë dua t’i falënderoj të gjithë bashkatdhetarët tanë të cilët jetojnë në mërgim, ata në Gjermani, Zvicër, Francë dhe vende të tjera të cilët për ditëlindjet e tyre kanë rritur fonde në profilet e tyre në ”Facebook” dhe përmes atyre fondeve ata kanë arritë me na ndihmu neve që me realizu edhe këtë projekt. Brenda pakove ka fletore, lapsa dhe ushqim si dhuratë për këtë fundvit për fëmijët e kësaj shkolle”, theksoi Alma Topalli.

Kjo organizatë këtë shkollë e ka ndihmuar edhe me gjëra të tjera në vlerë prej 13,000€.

”Këtë vit ne kemi vendosë me i ndihmu kësaj shkolle me renovime të cilat kanë qenë shumë të nevojshme. Një ndër to është dritaret dhe dyert e reja që i kemi sjellë ne me donacionet që i kemi mbledh këtë vit. Për këtë shkollë donacionet që ne kemi arritë me i mbledh deri më tani janë 13,000€”, u shpreh Topalli.

Ndihmat që po i bëhen këtij institucioni arsimor nga kjo organizatë, u mirëpritën edhe nga stafi i shkollës.

”Ky donacion ka qenë shumë i mirëseardhur për këtë shkollë. Kjo shkollë është hap rreth 40 vite më parë. Në këtë shkollë nuk është investu më parë, falë këtij donacioni kemi fillu me investu në krejt këto çka po shihen tash në shkollë. Përveç pakove, të gjitha dritaret e shkollës, dyert kanë qenë pjesë e donacionit edhe janë ende duke punu në këtë drejtim. Gjithashtu edhe projektorët i kanë sjellë, kjo është një ndihmesë shumë e madhe për mësimin të cilin e bëjmë ne. Besojmë se projektorët kanë me hy shumë në punë në këtë shkollë. Ne i kemi pajisjet e tjera si kompjuterët andaj duke i përdorur edhe projektorët besoj se do të bëhet një mësim shumë më cilësor. Më herët i kemi pas dritaret shumë të vjetra të drurit, që e kanë leju të ftohtin dhe të nxehtin gjithashtu me hy brenda, e tash prej se janë vendosë është shumë më mirë këtu”, tha mësuesja e kësaj shkolle Fatime Jashari.

Organizata “Kids for Kosovo” vite më parë ka ndihmuar edhe shkollën “Mejdi Xhaferri” në fshatin Mirosalë me krijimin e librarisë, pajisjen me kompjuter dhe projektor, renovimin e toaleteve, ngjyrosjen e klasëve, e të tjera.

Kjo organizatë këtë shkollë e ka ndihmuar edhe me gjëra të tjera në vlerë prej 13,000€.

Ndihmat që po i bëhen këtij institucioni arsimor nga kjo organizatë, u mirëpritën edhe nga stafi i shkollës.

Ferizaj

Premiera e dramës“Kush është Silvia?” shfaqet të premten në Teatrin e Gjilanit

Published

3 mins ago

15 May, 2026

Redaksia

Shfaqja teatrore “Kush është Silvia?” do të ketë premierën këtë të premte, më 15 maj 2026, nga ora 20:00 në Teatrin e Qytetit në Gjilan.

Shfaqja është realizuar sipas dramës “The Goat, or Who is Sylvia?” të autorit Edward Albee,ndërsa përshtatjen dhe dramaturgjinë e ka bërë Fjona Hyseni.

Regjinë e shfaqjes e ka bërë regjisori ferizajas Fatmir Hyseni kurse në role paraqiten Dardane Mehmeti, Kushtrim Qerimi, Xhelal Haliti dhe Valentin Mehmeti.

Organizatorët kanë njoftuar se, përveç premierës së sotme, publiku do të ketë mundësi ta ndjekë edhe reprizën e shfaqjes të shtunën, nga ora 20:00.

Projekti është mbështetur nga Ministria e Kulturës, Rinisë dhe Sportit, ndërsa në realizim kanë ndihmuar edhe Teatri i Qytetit në Gjilan dhe Teatri Adriana i Ferizajt.

Ferizaj

Një muaj paraburgim të dyshuarve për mashtrim me kriptovaluta në Ferizaj

Published

7 days ago

08 May, 2026

Redaksia

Gjykata Themelore në Ferizaj ka caktuar masën prej një muaj paraburgim kundër të pandehurve A.L. dhe R.J. që dyshohen për veprën penale të mashtrimit

Në njoftimin e gjykatës bëhet e ditur se vendimi për masën e paraburgimit u morr gjyqtarja e procedurës paraprake në Departamentin e Përgjithshëm – Divizioni Penal, Alba Makolli pas mbajtjes së seancës dëgjimore dhe analizimit të shkresave të lëndës.

“Ekziston dyshimi i bazuar se me datë 17 prill 2026, në një rrugë në Ferizaj, të pandehurit, me dashje dhe në bashkëveprim së bashku edhe me të pandehurin V.N., i cili gjendet në arrati, me qëllim të përfitimit të kundërligjshëm pasuror për vete, me anë të paraqitjes së rreme të fakteve dhe duke përdor emra të rreme (A. dhe B.), i vënë në lajthim të dëmtuarit E.F., A.F., dhe Rr.K., duke u paraqitur se posedojnë kriptovaluta të llojit USDT, dhe se do t’ua transferonin përmes portofolit digjital “wallet”, ashtu që për realizmin e kësaj skeme fillimisht sigurojnë një lokal me qira dhe caktojnë takim me të dëmtuarit, dhe në lokal arrijnë që të njëjtëve t’ua marrin shumën e të hollave prej 12,000.00 Euro, të cilat të holla sipas planit paraprak, i fusin në një çantë me ngjyrë të gjelbert, i vendosin në një dollap brenda lokalit, në të cilin paraprakisht kishin hapur një vrimë nga pjesa e pasme, përmes së cilës i marrin të hollat pa dijeninë e të dëmtuarve, dhe më pas largohen në drejtim të panjohur, me ç’rast pas veprimeve operative arrihet të zbulohet se të pandehurit përsëri do të vepronin skemën e njëjtë në një rrugë në Kaçanik, duke marr një lokal me qera dhe duke caktuar takimin në atë lokal, ashtu që pas reagimit të hetuesve policor arrihen që të njëjtit të arrestohen në vend ngjarje, ndërsa i pandehuri V.N., arrin të arratiset”, thuhet mes tjerash në njoftimim e gjykatës.

Ferizaj

Vdekja e foshnjës në Ferizaj: Rasti po hetohet si “vrasje e foshnjës gjatë lindjes”

Published

1 week ago

07 May, 2026

Redaksia

Prokuroria Themelore në Ferizaj ka njoftuar se kanë nisur hetimet për rastin e cilësuar si “vrasje e foshnjës gjatë lindjes” që ka ndodhur të martën mbrëma, kur një paciente kishte lindur foshnjën e saj në tualetin e Emergjencës në Ferizaj.

Spitali i Ferizajt, përmes një komunikate ka njoftuar se pacientja është paraqitur në spital me ankesa për obstipacion (kapsllëk) dhe, në një moment, ka hyrë në tualet duke e mbyllur derën.

“Pas insistimit dhe presionit nga stafi mjekësor, të cilët kishin dëgjuar zërin e një foshnjeje, dera është hapur. Nëna kishte prerë kordonin umbilikal të foshnjës dhe e kishte hedhur atë në koshin e mbeturinave, në gjendje të rëndë dhe hipotermike.

Menjëherë janë ndërmarrë masat emergjente për trajtimin e nënës dhe foshnjës, të cilat janë transferuar në repartet e Gjinekologjisë dhe Neonatologjisë. Ekipi multidisiplinar, me përfshirjen edhe të anesteziologut, ka filluar menjëherë të gjitha procedurat reanimatore.

Sapo është konstatuar rasti, stafi shëndetësor ka njoftuar organet kompetente, përkatësisht Policinë e Kosovës.

Foshnja është pranuar në gjendje shumë të rëndë shëndetësore dhe janë ndërmarrë të gjitha masat e nevojshme reanimatore nga ekipi multidisiplinar i spitalit. Pavarësisht përpjekjeve maksimale dhe trajtimit intensiv nga personeli mjekësor, foshnja ka ndërruar jetë”, thuhet në njoftim.

Më tej, Spitali i Përgjithshëm i Ferizajt bëri të ditur se është duke bashkëpunuar plotësisht me organet e drejtësisë dhe institucionet kompetente për zbardhjen e plotë të rrethanave të këtij rasti.

Në raportin e Policisë thuhet se “Me vendim të prokurorit, foshnja është dërguar në Institutin e Mjekësisë Ligjore në Prishtinë për obduksion, për procedura të mëtejshme hetimore, derisa e dyshuara ndodhet në spitalin e Gjinekologjisë, Ferizaj, për shkak të gjendjes së saj shëndetësore.”