Ferizaj

Ministri Krasniqi viziton fabrikën ”PrimOil”, premton përkrahje për prodhuesit vendor

Published

3 years ago

15 December, 2020

Ministri i Tregtisë dhe Industrisë Vesel Krasniqi, ka vizituar fabrikën për prodhimin e vajrave motorike ”PrimOil” në Gërlicë të Ferizajt, nga ku u njoftua për veprimtarinë e këtij biznesi.

Ai premtoi përkrahje për prodhuesit vendor përmes Ligjit për Rimëkëmbje Ekonomike.

”Ne si MTI dhe Qeveri e Kosovës planifikojmë që edhe më tutje t’i mbështesim prodhuesit tanë vendor. Fokus të veçantë në agjendën tonë kemi mbështetjen e prodhuesve vendor përmes legjislacionit në fuqi dhe asaj që pritet të ndryshohet duke favorizuar produktet që prodhohen në vendin tonë. Inkurajoj për punë dhe në të ardhmen sigurisht me mbështetjen tonë që ta rritni kapacitetin e prodhimit të këtyre vajrave në mënyrë që të ketë produkte vendore për të gjithë qytetarët e Kosovës”, u shpreh ministri Krasniqi.

Fabrika për prodhimin e vajrave motorike ”PrimOil”, përveç tregut vendor prodhimet e saj i eksporton edhe në vendet tjera evropiane.

Kjo fabrikë ka të punësuar rreth 100 punëtorë.

Ferizaj

Një vajzë 16 vjeçe raportohet e zhdukur në Ferizaj

Published

11 hours ago

04 May, 2024

Redaksia

Policia në Ferizaj ka njoftuar për zhdukjen e një vajze 16 vjeçe. Për zhdukjen e vajzës, në Polici ka raportuar babai i saj, i cili ka bërë të ditur se nuk e di vendndodhjen e vajzës së tij që nga data 1 maj 2024.

“Me 03.05.2024 një mashkull kosovar ka raportuar se vajza e tij (16 vjeç) ishte larguar nga shtëpia dhe nuk kanë njohuri për vend ndodhjen e saj. Rasti në procedurë hetimore”, njofton Policia e Kosovës.

Ferizaj

Një grua raportoi në polici dhunimin e vajzës nga një i panjohur

Published

1 day ago

03 May, 2024

Redaksia

Një grua ka raportuar në polici se vajza është marrë me veturë nga një person i panjohur dhe se ka kryer marrëdhënie seksuale. Dyshohet se rasti ka ndodhur më 01.05.2024 në magjistralen Kaçanik-Ferizaj.

Policia ka bërë të ditur se me vendim të prokurorit kanë nisur hetimet dhe viktima është dërguar në Institutin e Mjekësisë Ligjore ekzaminim.

Rasti është cilësuar si “dhunim”, ndërsa nuk raportohet për ndonjë të arrestuar.

Ferizaj

Policia në Ferizaj konfiskon motoçikleta dhe trotinete elektrike pa dokumente

Published

2 days ago

02 May, 2024

Redaksia

Policia në Ferizaj, të mërkurën 01.05.2024, ka konfiskuar disa motoçikleta dhe skuterë pa dokumentacion të rregullt.

Në zbatim të planit operativ ” Motoçikleta dhe Trotineti elektrik 2024″, në disa pika kontrolli në qytet dhe rrethinë të Ferizajt, policia ka kontrolluar dhe ka shqiptuar gjoba ndaj disa personave, të cilët po drejtonin motoçikletat dhe skuterët në kundërshtim me rregullat e trafikut.