Ferizaj

‘’Comodita Home’’ hap dyqanin në Ferizaj

Published

8 years ago

25 July, 2018

Comodita Home ka zgjeruar edhe më shumë rrjetin e saj me pikën më të re në Ferizaj. Sot në hapësirat e ‘’The Village – Shopping and Fun”në rrugën “Ahmet Kaçiku’’, është bërë hapja solemne e këtij dyqani.

Menaxherja e “Comodita Home”, Ariana Katana, tha se synojnë që ferizajasve t’u ofrojnë cilësi e çmime të lira, duke theksuar se kërkesat për hapjen e “Comodita Home” në Ferizaj, kanë qenë shumë të mëdha.

“E kemi pa të arsyeshme, madje jemi vonuar me hapjen e pikës në Ferizaj për shkak se kërkesat e konsumatorëve kanë qenë të shumta gjithmonë kemi pasur pyetje se kur do të vijmë në Ferizaj dhe jemi shumë të kënaqur edhe ne që tani operojmë në Ferizaj, por shpresoj që edhe qytetarët e Ferizajt. Në ‘’Comodita’’ konsumatorët mund të gjejnë gjithçka që u nevojitet për shtëpi, për nderë të hapjes kemi bërë shumë zbritje, shumë oferta, munden konsumatorët me ardh me na vizitu me pa çka ka, ka prej kategorive të gjumit, kuzhinës, banjove, për fëmijë, gjëra të udhëtimit e aksesorë”, tha Ariana Katana.

Drejtori i qendrës “The Village-Shopping and Fun”, Mauro Abruzzese, tha se kjo qendrës do të vazhdoj të sjellë risi për qytetarët ferizajas.

“Së shpejti do të fillojmë me fazën e dytë, aty do të kemi disa kompani të njohura, IAS, restorante të njohura të peshkut, do të ketë klube, në katin e parë do të jetë i pozicionuar edhe fakulteti i UBT-së me mbi 800 studentë dhe faza e tretë do të jetë një objekt veçmas ku kati i parë do të jetë i komercializuar sikurse të tjerët me dyqane të ndryshme me brende të ndryshme italiane e botërore që do të jenë surprizë, mandej do të bëhet një MultiCinema, e cila do të bëhet për herë të parë që do të jetë me 4-5 salla të kinemasë me brende të njohura italiane, mandej do të jetë një bar-restorant “Lavaza”, po ashtu do të bëhet FoodCourt që do të bëhet afër KFC dhe ky projekt nuk është i ngjashëm me ato italiane, por është një projekt në vete, projekt shumë kompleks që në Ballkan është në nivelin më të lartë që ekziston”, tha ai.

Drejtues të kësaj qendre thanë se deri më tani kanë dhënë në shfrytëzim më shumë se 16 mijë metra katrorë, kurse deri në shtator të shfrytëzueshme do të jenë të gjitha hapësirat, që në total janë 45 mijë metra katrorë.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

2 weeks ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

2 weeks ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim