Ferizaj

Mirëpritet themelimi i Këshillit Drejtues të Teatrit ‘’Adriana’’

Published

8 years ago

25 July, 2018

Bazuar në Ligjin për Teatrot, si dhe kërkesën e komunitetit të aktorëve dhe menaxhmentit të Teatrit Profesionist “Adriana” në Ferizaj, u themelua Këshilli Drejtues i Teatrit të këtushëm. Këshilli Drejtues i teatri “Adriana” ka kompetencë në mbikëqyrjen e punës së teatrit, hartimin e statutit të teatrit, aprovimin e politikave afatgjata të zhvillimit të teatrit, politikën artistike dhe kompetenca të tjera të parapara sipas ligjit në fuqi për teatrot. Ky këshill përbëhet nga Nexhat Xhokli, Dije Demiri – Frangu, Albion Sherifi, Mevlan Saraçi,dhe Besim Ugzmajli.

“Është një strukturë që po themelohet për herë të parë në komunën e Ferizajt, me një përbërje konsiderojmë të kënaqshme në kuptimin që janë emra me eminentë që ka fusha e kulturës, gjegjësisht e teatrit të këtushëm. Ky këshill si rol të tij parësor ka mbikëqyrjen e punës së tetarit, aprovimin ose më mirë të themi kalimin e dokumenteve të ndryshme që kanë të bëjnë me veprimtarinë e teatrit si dhe hartimin e statutit që është baza e organizimit ligjor e gjithë këtij institucioni. Natyrisht që do të ketë edhe kompetenca më të shumta, si dhe do të jetë një trup kontrollor i aktiviteteve teatrore në nivel lokal”, tha Albion Sherifi, anëtar i këtij këshilli.

Themelimi i Këshillit Drejtues të teatrit është mirëpritur nga komuniteti i artistëve në Ferizaj. Aktori Nexhat Xhokli, tha se kjo është një nismë e mbarë në mënyrë që aktivitetet teatrore në këtë qytet të realizohen sipas dispozitave ligjore.

“Unë mendoj se është një lëvizje e mirë përpara, sepse është obligative edhe nga ana ligjore. Ende nuk e di se cilat janë autorizimet e këtij këshilli, por me të dëgjuar e kam që ky këshill do të kujdeset për repertorin e teatrit tonë, për përzgjedhjen e teksteve, për sugjerime të ndryshme me qëllim që tetari të ecë përpara, fundi i fundit është një qëllim i mirë. Në mungesë të këtyre këshillave profesional ne veç kemi improvizuar, si këshillat organizativ për festivale, gjithashtu ka ndodhë që i kemi improvizu edhe juritë. Kështu që mendoj se është një punë shumë e mirë themelimi i këtij këshilli, ku do të ketë njerëz profesionistë të fushave të caktuara që kanë të bëjnë me teatrin”, tha Xhokli.

U tha se ky këshill ka mandat 4 vjeçar dhe parashihet të funksionojë në kuadër të organizimit të brendshëm të institucionit të Teatrit.

Ferizaj

Arrestohen 5 persona në Ferizaj, të dyshuar për “Vrasje në tentativë”

Published

2 days ago

12 August, 2026

Redaksia

Policia në Ferizaj ka njoftuar se 5 persona janë dërguar në mbajtje kurse një tjetër është dërguar për trajtim në QKUK, si pasojë e pjesëmarrjes në rrahje që ndodhi pas një mosmarrëveshjeje në orët e hershme të së martës.

Sipas policisë, në rrahjen e dhunshme ishin përfshirë pesë meshkuj kosovarë dhe një shtetas i huaj derisa në vendngjarje është sekuestruar një kaçavidë.

Tre nga të dyshuarit kanë pranuar tretman mjekësor në Ferizaj, ndërsa njëri nga ta është dërguar në QKUK për tretman të mëtutjeshëm.

Rasti po hetohet si “Vrasje në tentativë”. Me vendim të prokurorit, pesë të dyshuar janë intervistuar dhe dërguar në mbajtje, ndërsa i dyshuari që gjendet në QKUK nuk është intervistuar për arsye të gjendjes shëndetësore.

Ferizaj

Bëhet i ditur identiteti i viktimave të aksidentit tragjik në Gjermani

Published

1 week ago

07 August, 2026

Redaksia

Në aksidentin tragjik të komunikacionit, që ndodhi ditë më parë në afërsi të Nittendorfit, në rajonin e Regensburgut në Bavari, humbën jetën Tahir Tahiri, 61 vjeç, Gentian Tahiri, 34 vjeç dhe Laurent Aliu, 16 vjeç, që të tre nga lagjja Nuhaj e fshatit Komogllavë të Ferizajt.

Identiteti i të ndjerëve u bë i ditur në njoftimin mortor të publikuar në faqen e fshatit Komogllavë, ku më tej thuhet se data dhe koha e ceremonisë së varrimit do të bëhet e ditur sapo të merren vendimet përkatëse.

Të ndjerët humbën jetën teksa po ktheheshin nga Kosova drejt vendit ku jetonin në Gjermani.

Ferizaj

Arrestohen tre persona të dyshuar për trafikim të narkotikëve në Ferizaj

Published

1 week ago

07 August, 2026

Redaksia

Policia e Kosovës ka ndaluar tre persona në Ferizaj, nën dyshimin për blerjen, posedimin, shpërndarjen dhe shitjen e paautorizuar të narkotikëve, si dhe mbajtjen në pronësi të paautorizuar të armës.

Të dyshuarit u arrestuan të enjten, rreth orës 18:30, në Ferizaj derisa gjatë kontrollit u janë gjetur dhe konfiskuar substanca të dyshuara narkotike, përfshirë 485.27 gramë marihuanë, 181.7 gramë hashash dhe 2.1 gramë kokainë, para të gatshme, një pistoletë me gaz me një karikator dhe tri boca gazi.

Me vendim të prokurorit të shtetit, tre të dyshuarit, pas intervistimit nga Policia, janë dërguar në mbajtje për 48 orë.

Ferizaj 06.08.2026 – 18:30.

“Janë ndaluar tre të dyshuar meshkuj kosovarë, gjatë kontrollimit tek personat e dyshuar janë gjetur dhe konfiskuar: substancë e llojit Marihuanë rreth 485.27 gramë, substancë e dyshuar e llojit Hashash e gjetur në dy pjesë me peshë 181.7 gramë , substancë e dyshuar e llojit Kokainë 2.1 gramë, para të gatshme. një pistoletë me gaz me një karikator dhe tri boca gazi. Paketime të zbrazëta të qeseve të najlonit, dy peshore njëra digjitale dhe tjetra me tërheqje, dy mulli (grindera) për bluarje, tetë telefona celularë të llojeve të ndryshme, një DVR i kamerave. Me vendim të Prokurorit tre personat e dyshuar pas intervistimit dërgohen në mbajtje për 48 orë”, bëri të ditur Policia në raportin 24 orësh.