Ferizaj

Pushteti propozon zgjerimin e hapësirës për varreza në Fshatin e Vjetër

Published

8 years ago

26 July, 2018

Komiteti për Politikë dhe Financa në mbledhjen e sotme ka diskutuar për hapësirën e varrezave të qytetit në Fshatin e Vjetër. Pushteti propozoi që parcelës prej 5 hektarëve të ndarë për varreza t’iu bashkëngjiten edhe mbi 28 hektarë tjerë që ndodhen përreth asaj parcele, në mënyrë që problemi i varrezave të qytetit të zgjidhet për një kohë të gjatë. Megjithë mendimet për dhe kundër, anëtarët e këtij Komiteti vendosën që ky propozim të procedohet në Kuvend.

“Propozim i kryetarit të komunës ka qenë që të zgjerohet hapësira e varrezave dhe në kuadër të saj në vendimin paraprak është e shpallur rreth 15 hektarë interes i përgjithshëm, mirëpo për shkak të dizajnit apo formës adekuate është parë e udhës që ngastrat me të cilat kufizohet apo inkorporohen në kuadër të saj ngastre të shpallen interes i përgjithshëm të cilat janë në emër të personave fizik ose privat, po ashtu ngastra 579-13 është nën menaxhim të AKP-së dhe 567-1-2-3, krejt këto kanë një sipërfaqe prej 28 hektarë duke marrë për bazë edhe sipërfaqen e ngastrës paraprake diku është një sipërfaqe 34 hektarë që mund të shërbej për varrezat e qytetit”, tha Sabri Murseli, drejtor i Pronës.

“Ne nuk do të jemi në Kuvend për këtë pikë të rendit të ditës, nuk e dimë se çka ka nevojë tani që të shpronësojmë apo të shpallim interes të përgjithshëm edhe 13 hektarë të tjerë kur dihet se këto duhet të paguhen pasi ishin prona të personave privat”, tha Imri Hashani, LDK.

“Jeni kanë të kënaqur me ato 5 hektarë, çka është bërë tani me atë vend pse u dashtë me u shkaktu kaq shumë stres atyre banorëve, tani po del se keni në dispozicion 15 hektarë dhe po duhet me ua shtu edhe 13 hektarë me bë shpronësime e me harxhu para, ku ju jeni më të zëshëm si qeveri që jeni kursimtarë dhe kurseni para”, tha Burim Karameta, LDK.

“Kjo sipërfaqe e marrur nga persona privat për me ia bashkëngjit varrezave të qytetit është sipërfaqe jashtëzakonisht e madhe, unë e di se në disa vende është e domosdoshme që të merren për shkak të plotësimit, por të futen këto parcela që janë në periferi për mua është e pakuptimtë”, tha Rafiz Sejdiu, PDK.

Në këtë mbledhje, drejtori i Pronës Sabri Murseli, propozoi shpalljen edhe të disa ngastrave të tjera kadastrale si interes i përgjithshëm, për të cilat me shumicë votash u vendos që të shkojnë në Kuvend për diskutim.

“Këshilli i Bashkësisë Islame në Ferizaj ka kërkuar që të ndahet një pjesë e ngastrës me një sipërfaqe prej 10 ari për ndërtimin e xhamisë në fshatin Sojevë dhe në kuadër të saj pritet të ndërtohet edhe një objekt për ceremoni fetare, pjesa e sipërfaqes është afër varrezave të fshatit Sojevë dhe afër një ferme dhe shkollën nuk e ka afër është diku 300-400 metra larg shkollës dhe për mendimin tim është hapësirë adekuate për xhami. Drejtoria e Arsimit ka kërkuar nga sektori i pronës që të shpallë interes të përgjithshëm ngastrat kadastrale që janë pjesë e oborrit të shkollës në Prelez të Jerlive, mirëpo gjatë privatizimit kanë ka kaluar në emër të personave fizik, evidentohen në emër të Milot Misinit dhe Hasan Elezit që i kanë për 99 vite dhe e kemi parë të arsyeshme që t’i shpallim interes të përgjithshëm dhe në të ardhmen të shohim mënyrën e kompensimit, pasi në ato ngastra është pjesa dërmuese e oborrit të shkollës. Banorët e fshatit Zllatarë kanë kërkuar që të shpallet në interes të përgjithshëm një parcelë, pronë e Agjencisë Pyjore, me arsyetim se hapësira e varrezave është e stërmbushur dhe kjo ngastër duhet të destinohet për varreza dhe e kemi pa të rrugës që ta qesim në propozim që të bëhet kjo zgjidhje”, tha Sabri Murseli.

Në seancën e Kuvendit Komunal që do të mbahet më 31 korrik, do të diskutohet edhe për raportin financiar për periudhën Janar-Qershor 2018, si dhe është paraparë zgjedhja e nënkryetarit të komunës së Ferizajt nga radhët e komuniteteve.

Ferizaj

Premiera e dramës“Kush është Silvia?” shfaqet të premten në Teatrin e Gjilanit

Published

14 hours ago

15 May, 2026

Redaksia

Shfaqja teatrore “Kush është Silvia?” do të ketë premierën këtë të premte, më 15 maj 2026, nga ora 20:00 në Teatrin e Qytetit në Gjilan.

Shfaqja është realizuar sipas dramës “The Goat, or Who is Sylvia?” të autorit Edward Albee,ndërsa përshtatjen dhe dramaturgjinë e ka bërë Fjona Hyseni.

Regjinë e shfaqjes e ka bërë regjisori ferizajas Fatmir Hyseni kurse në role paraqiten Dardane Mehmeti, Kushtrim Qerimi, Xhelal Haliti dhe Valentin Mehmeti.

Organizatorët kanë njoftuar se, përveç premierës së sotme, publiku do të ketë mundësi ta ndjekë edhe reprizën e shfaqjes të shtunën, nga ora 20:00.

Projekti është mbështetur nga Ministria e Kulturës, Rinisë dhe Sportit, ndërsa në realizim kanë ndihmuar edhe Teatri i Qytetit në Gjilan dhe Teatri Adriana i Ferizajt.

Ferizaj

Një muaj paraburgim të dyshuarve për mashtrim me kriptovaluta në Ferizaj

Published

1 week ago

08 May, 2026

Redaksia

Gjykata Themelore në Ferizaj ka caktuar masën prej një muaj paraburgim kundër të pandehurve A.L. dhe R.J. që dyshohen për veprën penale të mashtrimit

Në njoftimin e gjykatës bëhet e ditur se vendimi për masën e paraburgimit u morr gjyqtarja e procedurës paraprake në Departamentin e Përgjithshëm – Divizioni Penal, Alba Makolli pas mbajtjes së seancës dëgjimore dhe analizimit të shkresave të lëndës.

“Ekziston dyshimi i bazuar se me datë 17 prill 2026, në një rrugë në Ferizaj, të pandehurit, me dashje dhe në bashkëveprim së bashku edhe me të pandehurin V.N., i cili gjendet në arrati, me qëllim të përfitimit të kundërligjshëm pasuror për vete, me anë të paraqitjes së rreme të fakteve dhe duke përdor emra të rreme (A. dhe B.), i vënë në lajthim të dëmtuarit E.F., A.F., dhe Rr.K., duke u paraqitur se posedojnë kriptovaluta të llojit USDT, dhe se do t’ua transferonin përmes portofolit digjital “wallet”, ashtu që për realizmin e kësaj skeme fillimisht sigurojnë një lokal me qira dhe caktojnë takim me të dëmtuarit, dhe në lokal arrijnë që të njëjtëve t’ua marrin shumën e të hollave prej 12,000.00 Euro, të cilat të holla sipas planit paraprak, i fusin në një çantë me ngjyrë të gjelbert, i vendosin në një dollap brenda lokalit, në të cilin paraprakisht kishin hapur një vrimë nga pjesa e pasme, përmes së cilës i marrin të hollat pa dijeninë e të dëmtuarve, dhe më pas largohen në drejtim të panjohur, me ç’rast pas veprimeve operative arrihet të zbulohet se të pandehurit përsëri do të vepronin skemën e njëjtë në një rrugë në Kaçanik, duke marr një lokal me qera dhe duke caktuar takimin në atë lokal, ashtu që pas reagimit të hetuesve policor arrihen që të njëjtit të arrestohen në vend ngjarje, ndërsa i pandehuri V.N., arrin të arratiset”, thuhet mes tjerash në njoftimim e gjykatës.

Ferizaj

Vdekja e foshnjës në Ferizaj: Rasti po hetohet si “vrasje e foshnjës gjatë lindjes”

Published

1 week ago

07 May, 2026

Redaksia

Prokuroria Themelore në Ferizaj ka njoftuar se kanë nisur hetimet për rastin e cilësuar si “vrasje e foshnjës gjatë lindjes” që ka ndodhur të martën mbrëma, kur një paciente kishte lindur foshnjën e saj në tualetin e Emergjencës në Ferizaj.

Spitali i Ferizajt, përmes një komunikate ka njoftuar se pacientja është paraqitur në spital me ankesa për obstipacion (kapsllëk) dhe, në një moment, ka hyrë në tualet duke e mbyllur derën.

“Pas insistimit dhe presionit nga stafi mjekësor, të cilët kishin dëgjuar zërin e një foshnjeje, dera është hapur. Nëna kishte prerë kordonin umbilikal të foshnjës dhe e kishte hedhur atë në koshin e mbeturinave, në gjendje të rëndë dhe hipotermike.

Menjëherë janë ndërmarrë masat emergjente për trajtimin e nënës dhe foshnjës, të cilat janë transferuar në repartet e Gjinekologjisë dhe Neonatologjisë. Ekipi multidisiplinar, me përfshirjen edhe të anesteziologut, ka filluar menjëherë të gjitha procedurat reanimatore.

Sapo është konstatuar rasti, stafi shëndetësor ka njoftuar organet kompetente, përkatësisht Policinë e Kosovës.

Foshnja është pranuar në gjendje shumë të rëndë shëndetësore dhe janë ndërmarrë të gjitha masat e nevojshme reanimatore nga ekipi multidisiplinar i spitalit. Pavarësisht përpjekjeve maksimale dhe trajtimit intensiv nga personeli mjekësor, foshnja ka ndërruar jetë”, thuhet në njoftim.

Më tej, Spitali i Përgjithshëm i Ferizajt bëri të ditur se është duke bashkëpunuar plotësisht me organet e drejtësisë dhe institucionet kompetente për zbardhjen e plotë të rrethanave të këtij rasti.

Në raportin e Policisë thuhet se “Me vendim të prokurorit, foshnja është dërguar në Institutin e Mjekësisë Ligjore në Prishtinë për obduksion, për procedura të mëtejshme hetimore, derisa e dyshuara ndodhet në spitalin e Gjinekologjisë, Ferizaj, për shkak të gjendjes së saj shëndetësore.”