Ferizaj

Salihaj: Rezultati i LDK-së nevojë për ndryshime edhe në degën e Ferizajt

Published

5 years ago

16 February, 2021

Njëri ndër themeluesit e Lidhjes Demokratike të Kosovës në Ferizaj Adem Salihaj, rezultatin e LDK-së në zgjedhjet e mbajtura të dielën e quan shkatërrim për LDK-në. Për këtë Salihaj fajëson Isa Mustafën, dorëheqjen e të cilit thotë se e ka kërkuar që sa kohë.

“Ishte një shembje e rëndë e LDK-së që u përjetua rëndë nga të gjithë. Ndonëse deri diku ishte e pritshme pasi për një kohë të gjatë elektorati ynë ka qenë i pakënaqur me mënyrën e udhëheqjes dhe ka qenë e pritshme, por jo deri në këtë masë. Fajtori kryesor është i pari i partisë sepse ai i ka krijuar politikat e koalicionet e LDK-së, pra e gjithë kjo ka bërë që të ndodhë kjo që LDK-ja të përgjysmohet. Unë e kam thënë edhe më herët që fajtori është kryetari i LDK-së dhe ai duhet të jap dorëheqje menjëherë, këtë ia kam thënë vazhdimisht“, tha Salihaj.

Salihaj thotë se ndryshimet janë të domosdoshme edhe në degën e Ferizajt, sepse në këtë mënyrë nuk mund t’i futen garës për zgjedhjet komunale.

“Ne do ta shqyrtojmë situatën në mënyrë zingjirore, fokusin tani e kemi tek kreu i LDK-së, sepse pa ndryshim atje nuk bëhet askund tjetër, ne tani do të shohim atje, por gjithsesi do të reflektojmë edhe këtu sepse rezultati na detyron me reflektu, sepse nuk mund të hymë në këtë formë në zgjedhjet lokale”, tha Salihaj.

Në zgjedhjet e 14 shkurtit LDK-ja mori vetëm 13.08% të votave në nivel vendi, ndërsa në Ferizaj 9.14%.

Ferizaj

Arrestohen 5 persona në Ferizaj, të dyshuar për “Vrasje në tentativë”

Published

2 days ago

12 August, 2026

Redaksia

Policia në Ferizaj ka njoftuar se 5 persona janë dërguar në mbajtje kurse një tjetër është dërguar për trajtim në QKUK, si pasojë e pjesëmarrjes në rrahje që ndodhi pas një mosmarrëveshjeje në orët e hershme të së martës.

Sipas policisë, në rrahjen e dhunshme ishin përfshirë pesë meshkuj kosovarë dhe një shtetas i huaj derisa në vendngjarje është sekuestruar një kaçavidë.

Tre nga të dyshuarit kanë pranuar tretman mjekësor në Ferizaj, ndërsa njëri nga ta është dërguar në QKUK për tretman të mëtutjeshëm.

Rasti po hetohet si “Vrasje në tentativë”. Me vendim të prokurorit, pesë të dyshuar janë intervistuar dhe dërguar në mbajtje, ndërsa i dyshuari që gjendet në QKUK nuk është intervistuar për arsye të gjendjes shëndetësore.

Ferizaj

Bëhet i ditur identiteti i viktimave të aksidentit tragjik në Gjermani

Published

6 days ago

07 August, 2026

Redaksia

Në aksidentin tragjik të komunikacionit, që ndodhi ditë më parë në afërsi të Nittendorfit, në rajonin e Regensburgut në Bavari, humbën jetën Tahir Tahiri, 61 vjeç, Gentian Tahiri, 34 vjeç dhe Laurent Aliu, 16 vjeç, që të tre nga lagjja Nuhaj e fshatit Komogllavë të Ferizajt.

Identiteti i të ndjerëve u bë i ditur në njoftimin mortor të publikuar në faqen e fshatit Komogllavë, ku më tej thuhet se data dhe koha e ceremonisë së varrimit do të bëhet e ditur sapo të merren vendimet përkatëse.

Të ndjerët humbën jetën teksa po ktheheshin nga Kosova drejt vendit ku jetonin në Gjermani.

Ferizaj

Arrestohen tre persona të dyshuar për trafikim të narkotikëve në Ferizaj

Published

7 days ago

07 August, 2026

Redaksia

Policia e Kosovës ka ndaluar tre persona në Ferizaj, nën dyshimin për blerjen, posedimin, shpërndarjen dhe shitjen e paautorizuar të narkotikëve, si dhe mbajtjen në pronësi të paautorizuar të armës.

Të dyshuarit u arrestuan të enjten, rreth orës 18:30, në Ferizaj derisa gjatë kontrollit u janë gjetur dhe konfiskuar substanca të dyshuara narkotike, përfshirë 485.27 gramë marihuanë, 181.7 gramë hashash dhe 2.1 gramë kokainë, para të gatshme, një pistoletë me gaz me një karikator dhe tri boca gazi.

Me vendim të prokurorit të shtetit, tre të dyshuarit, pas intervistimit nga Policia, janë dërguar në mbajtje për 48 orë.

Ferizaj 06.08.2026 – 18:30.

“Janë ndaluar tre të dyshuar meshkuj kosovarë, gjatë kontrollimit tek personat e dyshuar janë gjetur dhe konfiskuar: substancë e llojit Marihuanë rreth 485.27 gramë, substancë e dyshuar e llojit Hashash e gjetur në dy pjesë me peshë 181.7 gramë , substancë e dyshuar e llojit Kokainë 2.1 gramë, para të gatshme. një pistoletë me gaz me një karikator dhe tri boca gazi. Paketime të zbrazëta të qeseve të najlonit, dy peshore njëra digjitale dhe tjetra me tërheqje, dy mulli (grindera) për bluarje, tetë telefona celularë të llojeve të ndryshme, një DVR i kamerave. Me vendim të Prokurorit tre personat e dyshuar pas intervistimit dërgohen në mbajtje për 48 orë”, bëri të ditur Policia në raportin 24 orësh.