Ferizaj

Punimet në projektin “Bashkimi i Qytetit” dëmtojnë rrjetin e kanalizimit

Published

4 years ago

20 April, 2021

Punimet që janë duke u zhvilluar në projektin “Bashkimi i Qytetit” në Ferizaj, po u shkaktojnë telashe banorëve të këtij qyteti.

Banorët e ndërtesës ku aktualisht janë duke u zhvilluar punimet në këtë projekt, po ankohen se u është dëmtuar sistemi i kanalizimit, ku si pasojë e kësaj prishje bodrumet e dy hyrjeve të kësaj ndërtese janë mbushur me ujëra të zeza.

Ata tregojnë se problemet me ujëra të zeza në bodrume i kanë vërejtur prej më shumë se një javë, por se komuna e Ferizajt akoma nuk ka ndërmarrë asgjë për ta sanuar problemin.

Banorët të cilët nuk deshën të flasin para kamerës, thanë se ujërat e zeza në këtë bodrum janë mbi gjysmë metre dhe kanë bllokuar gjithë hapësirën.

Ndërkaq, Nazif Asllani, kryeshef i kompanisë së ujësjellësit dhe kanalizimit “Bifurkacioni”, tregon se vazhdimisht kanë probleme me punëkryesit në të gjithë qytetin të cilët e dëmtojnë sistemin e kanalizimit, nuk i pastrojnë pusetat, e madje dhe i mbyllin ato. Ai bën apel tek operatorët ekonomik, por edhe tek qytetarët që të tregojnë kujdes me puseta dhe në raste të mbylljes të ftojnë këtë kompani për t’i pastruar ato.

“Kompania është në dijeni, para një jave kemi marrë ankesën nga një banor. Ekipet e tona kanë dalë në vendin e ngjarjes me automjetet të cilat i kemi, por cisterna që e kemi për momentin në gjendje të rregullt ka tentu, por nuk ka pas sukses. Ne, sot ose nesër do ta rregullojmë cisternën dhe po shpresojmë që nesër me të dy automjetet do ta rregullojmë edhe këtë defekt dhe do e bëjmë debllokimin e kanalizimit”, tha ai.

Rreth kësaj çështje Televizioni Tema ka tentuar të flasë edhe me drejtorin e Infrastrukturës në Ferizaj Arbër Bytyqin, zëdhënësin e komunës së Ferizajt Albion Sherifin dhe përgjegjësin e projektit “Bashkimi i Qytetit”, Meriton Hajdini, por që të tre nuk pranuan të deklarohen.

Art & Showbiz

Nis edicioni i 55-të jubilar i Festivalit të Teatrove Ferizaj

Published

2 weeks ago

01 September, 2025

Redaksia

Nga sot deri më 7 shtator 2025, në Ferizaj do të mbahet Festivali i Teatrove, i cili sivjet shënon edicionin e 55-të jubilar.

Hapja zyrtare e festivalit bëhet nga ora 19:00 me shfaqjen “13” me regji të Sulejman Rushitit, në teatrin “Adriana”, derisa ditëve në vijim, para publikut ferizajas,do të prezantohen disa shfaqje të prodhuara dhe ngjarje të veçanta nga konceptet “Retroteatri” dhe “FTF Skena”.

Festivali i Tetarove Ferizaj, është prej festivaleve më të vjetra në Kosovë, i cili që nga viti 1970, përmes shfaqjeve nga vende të ndryshme jo vetëm vendore por edhe ndërkombëtare, bashkon profesionistë të teatrit dhe artdashës.

Hapjes zyrtare të festivalit do t’i paraprijë shfaqja për të rinj “Black Box” të cilën artdashësit mund ta shohin në Galerinë e qytetit të Ferizajt.

Këtë vit, në programin zyrtar të festivalit, do të jenë shfaqjet: “13” (më 1 shtator), “Bëje ose vdis” (2 shtator), “Djali” (3 shtator), “Hijet e Kohës” dhe “Komedia e zezë” (4 shtator), “God blesh America” (5 shtator), “Kjo është rinia jonë” dhe “PRISHTINA. Vrasja e paralajmëruar e një ëndrre” (6 shtator) si dhe shfaqja “Të vërtetat tona” (7 shtator).

Ky edicion jubilar i festivalit do të përmbyllet më 7 shtator, me shfaqjen jashtë konkurrence “Të bardhët”.

Tradicionalisht, çdo ditë të festivalit organizohen edhe debate për teatrin, punëtori krijuese me artistë ndërkombëtar dhe ndeja pas çdo shfaqjeje në oborrin e Teatrit.

Ferizaj

Arrestohet për vjedhje të trotineteve dhe biçikletave në Ferizaj

Published

3 weeks ago

23 August, 2025

Redaksia

Hetuesit e stacionit policor në Ferizaj, kanë arrestuar të dyshuarin B. T, 28 vjeç, i cili gjatë periudhës 01.07.2025 – 19.08.2025 ka kryer disa raste të vjedhjeve në banesa dhe objekte banesore në qytetin e Ferizajt.

Sipas policisë, nga hetimet është vërtetuar se i dyshuari ka vjedhur dy trotinete elektrike dhe dy biçikleta, me vlerë totale prej rreth 4.220 €, të cilat më pas i kishte shitur personave tjerë, duke iu treguar se ishin të vjedhura.

Me urdhër të prokurorit të shtetit, i dyshuari B. T. është ndaluar për 48 orë për procedura tjera hetimore.

Sendet e vjedhura janë sekuestruar dhe do t’u kthehen pronarëve ligjorë.

Ndërsa ndaj dy personave të tjerë, G .B, 33 vjeç dhe B. H.,25 vjeç, është iniciuar rasti penal “Blerja, pranimi ose fshehja e sendeve të përfituara nga vepra penale”, pasi kanë pranuar se ishin në dijeni për origjinën e tyre.

Ferizaj

Digjen rreth 13 hektarë me të mbjella dhe mal në Lloshkobare të Ferizajt

Published

3 weeks ago

21 August, 2025

Redaksia

Në fshatin Lloshkobare të Ferizajt, nga zjarri janë djegur disa hektarë me të mbjella të ndryshme. Viktimat dyshojnë për zjarrëvënie të qëllimshme nga persona të panjohur.

Në raportin 24-orësh të Policisë së Kosovës, thuhet se të mërkurën pasdite, viktimat kanë raportuar se nga zjarri atyre u janë djegur 5 hektarë mjedër, 3 hektarë të mbjella me dredhëza, 1 hektar me arra dhe 3 hektarë mal.

“Ferizaj 20.08.2025-16:30. Raportohet se persona të panjohur i kanë vënë zjarrin pronës se dy viktimave meshkuj kosovarë, ku janë djegur rreth 3 hektarë me mal, 5 hektarë mjedër, 4 hektarë me dredhëza dhe 1 hektar me arra, që janë djegur në tërësi”, njoftoi Policia e Kosovës.