Ferizaj

15 vjeçarët nga Shtimja hapin biznes për krijimin e logove

Published

5 years ago

24 May, 2021

administrator

Të rinjtë e moshës 15 dhe 16 vjeçare nga komuna e Shtimes, kanë hapur një biznes të tyrin.

Këta të rinj përmes printerit 3 Dimensional po krijojnë logo për bizneset.

15 vjeçarët tanimë ndërmarrës, tregojnë për punën e tyre në mënyrë që produkti i bërbashkët të dalë sa më cilësor.

Ata tregojnë për procesin e punës së tyre nga hapja e deri më tani.

“Para katër muajsh e kemi hapur, tash e kemi ndërmend që në krejt Kosovën të shesim dizajne të ndryshme”, tha Leonis Kolgeci.

Ne bëjmë dizajne të logove të firmave të klientëve që porosisin. Klientët e parë kanë qenë nga Ferizaj. Ka qenë “Mamma Mia” e cila është kafene dhe ka kërku dizajne, ku na e kanë dërgu se çfarë dizajni e duan dhe iu ka shku porosia me postë. Jemi ndjerë krenarë sepse nuk kemi pritur me pas kaq shumë sukses dhe na ka pëlqy qysh ka shku“, tha Diar Shala.

Procesi se si “Dekoi” funksionon është se klienti e dërgon logon që do me e pa në shabllon, ne e marrim dizajnin dhe e shohim se a është i krijueshëm sepse ka dizajne që nuk munden me u kriju. Shumica e shablloneve kanë nevojë për mbështetëse, kryesisht ato me tekst në to, pastaj shkon procedura e dizajnimit 3 dimensional, pas kësaj vjen printimi me 3D Printer, printimi zgjatë prej 30 minuta deri në 1 orë, varet nga kualiteti që duam, kualiteti më i ulët printim më i shpejtë. por ne kemi vendosur që produkti me marrë më shumë kohë”, tha Eroll Qorrolli.

“Kam shiku video se si me e përdor Instagramin dhe Facebook-un për biznes, besoj që në të ardhmen do të jetë shumë faqe e zhvillune me foto e video të ndryshme. Klientët na kanë kontaktu shumë përmes Instagramit, ka pas disa që na kanë shkru, disa kanë ba porosi e disa vetëm kanë dashtë me u informu. Kemi qenë shumë shumë të shpejtë, për momentin nuk kemi edhe shumë porosi, por ato që kanë qenë deri tash kanë qenë në kohë”, tha Edi Canolli.

Këta të rinj të Shtimes mentorohen nga inxhinieri britanez i elektrotektinës Andy Moxon.

Moxon i cili është edhe përfaqësues i “Alpha&Omega” në Kosovë, thotë se teoria që mësohet nga nxënësit duhet të zbatohet në praktikë.

“Nuk jam biznesmen i fortë, ideja ka ardhë prej anës së arsimit, se unë me këta nxënës jam marrë që tri vjet me arsim, kemi marrë pjesë në gara të ndryshme të roboktikës, por kemi pas fokusin tek arsimi. Kur na ka ardhë printeri 3D prej “Bone Vet”, na ka ardhë ideja me kriju një produkt që shitet brenda Kosovës që nxënësit të marrin vesh që edhe pse të rinjtë nga 15 e 16 vjeç kanë mundësi me kriju diçka që shitet me teknologjinë më të fundit. Ideja ka qenë se mos po merremi me diçka që mundet me shfaqë shpresë që brenda Kosovës, brenda një qyteti si Shtimja ka mundësi me kry diçka të mirë”, tha Andy Moxon.

”K Dekoi” u ofron klientëve edhe udhëzues se si të përdoren produktet e tyre, krejt kjo përmes përdorimit të teknologjisë dhe QR kodit.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

1 week ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

1 week ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

2 weeks ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim