Ferizaj

Asfaltohet rruga ‘’Astrit Bytyqi’’ në Ferizaj

Published

7 years ago

04 August, 2018

Një kërkesë e një djaloshi të rrugës “Astrit Bytyqi” drejtuar kryetarit të komunës përmes e-mailit, bëri që Agim Aliu t’i përshpejtoj procedurat për të nisur shtresën e dytë të asfaltimit të kësaj rruge. Aliu sot gjatë vizitës që ia bëri punimeve që po zhvillohen në këtë projekt, kishte ftuar djaloshin Endri Rexhepin për t’i treguar publikisht që kërkesat dhe ankesat e fëmijëve dhe qytetarëve në përgjithësi, do t’i marrë gjithmonë parasysh.

“Endri i ka disa kërkesa të cilat ne jemi detyruar t’i plotësojmë, sepse mbi të gjitha e kemi obligim të punojmë për gjeneratat e ardhshme dhe padyshim që ne do të punojmë që Endri të ndihet mirë në secilën punë dhe secilin angazhim tonin. Unë jam sot këtu për t’iu premtuar edhe fëmijëve të tjerë se projekte të ngjashme nuk do të lihen anash, por pushteti ynë do të punoj kështu nëpër shumë projekte të tjera”, tha Aliu.

Me këtë rast, kryetari Aliu ka vlerësuar se asfaltimi i rrugës “Astrit Bytyqi” ka një rëndësi të madhe për banorët e kësaj pjese të qytetit, por edhe për të tjerët.

“Një projekt shumë i rëndësishëm për qytetin e Ferizajt, një projekte shumë i rëndësishëm për këtë zonë urbane të qytetit. Është një projekt që ka gjatësi rrugore rreth 2 kilometra, në të cilën është punuar kanalizimi fekal dhe ai atmosferik, trotuari, ndriçimi, në një pjese ku ka qenë e mundur edhe shtegu për çiklistë. Pra, është një projekt me të gjitha parametrat modern dhe infrastrukturën me standarde të reja”, tha Aliu.

Infrastruktura e rrugës “Astrit Bytyqi”, buxhetit të komunës i ka kushtuar rreth 300 mijë euro.

Ferizaj

Në Ferizaj arrestohen dy të dyshuar për trafikim të kokainës

Published

1 day ago

29 October, 2025

Redaksia

Policia në Ferizaj ka arrestuar dy persona të dyshuar për trafikim narkotikësh.

Sipas raportit 24 orësh të policisë, gjatë kontrollit të disa objekteve janë gjetur dhe sekuestruar 734.4 gram substancë narkotike e llojit kokainë.

Pos drogës, policia ka sekuestruar edhe 15.005 €, 3950 franga zvicerane, dy telefona mobil, dy vetura dhe disa gjësende tjera që lidhen me rastin.

Me vendim të prokurorit të dyshuarit janë dërguar në mbajtje.

Ferizaj

Një valixhe e gjetur në rrugën Doganaj–Brezovicë, policia kërkon pronarin

Published

2 days ago

28 October, 2025

webmaster

Policia Rajonale e Ferizajt ka njoftuar se në rrugën magjistrale Doganaj–Brezovicë, afër fshatit Duraj, është gjetur një valixhe e zezë që dyshohet se i ka rënë ndonjë udhëtari nga automjeti.

Sipas njoftimit të policisë, qytetari B. B. nga Kaçaniku ka raportuar se më 26 tetor, rreth orës 17:30, gjatë qarkullimit në këtë rrugë, kishte vërejtur valixhen në mes të rrugës dhe më pas e ka dorëzuar në stacionin policor në Kaçanik.

Gjatë kontrollimit të valixhes, janë gjetur disa rroba personale dhe mjete pune.

Policia ka bërë të ditur se valixhja ndodhet aktualisht në stacionin policor në Kaçanik dhe fton personin që e ka humbur të paraqitet për verifikim dhe marrje të valixhes.

Ferizaj

Arrestohet një i mitur në Ferizaj për tentim vrasje

Published

5 days ago

25 October, 2025

Redaksia

Policia ka arrestuar një të mitur në Ferizaj për vrasje në tentativë.

I dyshuari pas një mosmarrëveshjeje kishte therur një person tjetër.

Viktima është dërguar për trajtim në Qendrën Klinike Universitare të Kosovës në Prishtinë, kurse i i mituri i dyshuar është dërguar në mbajtje.

“Është arrestuar i dyshuari mashkull kosovar-i mitur, pasi që pas një mosmarrëveshje kishte therur me thikë viktimën mashkull kosovar. Viktima është dërguar në QKUK për tretman mjekësor. Me vendim të prokurorit i dyshuari është dërguar në mbajtje”, thuhet në raportin 24 orësh të policisë.