Ferizaj

Zjarrfikësit pa kushte elementare për punë

Published

8 years ago

27 August, 2018

Brigada Zjarrfikëse në Ferizaj vazhdon të përballet me mungesë të kushteve elementare për punë. Komandati i kësaj Brigade, Halil Osmani, tregon për problemet me të cilat po ballafaqohen çdo ditë.

“Nuk kena uniforma zjarrfikëse, janë të vjetruara u ka skaduar afati që 5 vite dhe ne shkojmë me ato rroba dhe është rrezik punëtori, nuk kemi gypa të cilët na nevojiten për fikjen e zjarreve, radiolidhjet e komunikimit janë të dobësuara pasi kanë 15 vite dhe janë të shkatërruara dhe nuk funksionojnë, nuk kemi bateri dore, është një shkumë që i thojmë ne e cila e mbulon zjarrin, atë nuk e kemi, janë disa brentaq shpine që janë për zjarre malore i kemi 3 po nuk mjaftojnë, janë disa fshesa metalike që janë shumë të nevojshme për me fikë zjrrin nuk i kemi, nuk kemi aparate të frymëmarrjes mjaftueshëm që janë të nevojshëm për zjarre të brendshme, po ashtu problem kryesor është me punëtorët të cilët dalin në pension, ata nuk janë zëvendësuar asnjëherë, për fat të madh komuna na i ka pranuar disa zjarrfikës sezonal, por shumica nuk kanë përvojë pune, ne i rrezikojmë edhe vetë ata”, tha Osmani.

Osmani, thotë se në vazhdimësi kanë kërkuar që të pajisen me këto mjete, por një gjë e tillë nuk ka ndodhur asnjëherë.

“Kërkesat tona janë të panumërta, ne duhet patjetër t’i drejtohemi Kuvendit Komunal, Ministria buxhetin thotë se e ka dërgu në Kuvendin Komunal, Kuvendi Komunal mundohet në ato mundësitë e veta, por asnjëherë nuk na i ka plotësuar kushtet të cilat janë shumë domethënëse për njësinë zjarrfikëse dhe kemi problem dhe jemi jashtëzakonisht në kushte të vështira”, tha Osmani.

Mirëpo, ndryshe nga Osmani shprehet drejtori i Shërbimeve Publike në komunën e Ferizajt, Arben Halili.

“Në vazhdimësi të gjitha kërkesat që janë ditore dhe që komuna ka mundësi me i kry unë jam duke i kryer pa asnjë hezitim, kanë bërë kërkesë për punëtorë ua kemi mundësuar një gjë të tillë, kanë bërë kërkesë për gëlqerosje të objektit e kemi bërë, për çështje tjera më elementare po i kemi kryer, ndërsa për çështje më madhore kemi problem për shkak të mundësive financiare dhe kufizimeve nga AME, ndërsa për bateri të dorës asnjëherë nuk ka bërë kërkesë, kërkesat ditore të gjitha janë të realizuara, asnjë kërkesë nuk i është kthyer komandantit, ndërsa për tesha profesionale siç ka thënë edhe me dashtë ne si komunë nuk mundemi me ua sigurua”, tha Halili.

Drejtori Halili e pranon se zjarfikësit që kanë dalë në pension nuk janë zëvëndësuar asnjëherë, mirëpo thotë se kjo ka ndodhur ngase qeveria paraprake me konkurs të zjarfikësve ka rehatuar njerëz të vet nëpër institucione tjera.

“Diku janë 5 zjarrfikës që kanë dalë në pension dhe nuk janë zëvendësuar asnjëherë pasi në të kaluarën janë zëvendësuar me staf tjetër në kuadër të sektorëve të tjerë të komunës prandaj është mbyllur lista e pagave, prandaj ne kemi dërguar punëtorë dhe komandati nuk ka nevojë me u anku për punëtorë, po ashtu kanë mbajtur trajnim 3 ditë, andaj këta punëtorë që janë aty e kryejnë punën shumë mirë”, tha Halili.

Në Brigadën Zjarrfikëse të Ferizajt aktualisht janë të punësuar 22 zjarrfikës të rregullt.

Ferizaj

Një muaj paraburgim të dyshuarve për mashtrim me kriptovaluta në Ferizaj

Published

6 days ago

08 May, 2026

Redaksia

Gjykata Themelore në Ferizaj ka caktuar masën prej një muaj paraburgim kundër të pandehurve A.L. dhe R.J. që dyshohen për veprën penale të mashtrimit

Në njoftimin e gjykatës bëhet e ditur se vendimi për masën e paraburgimit u morr gjyqtarja e procedurës paraprake në Departamentin e Përgjithshëm – Divizioni Penal, Alba Makolli pas mbajtjes së seancës dëgjimore dhe analizimit të shkresave të lëndës.

“Ekziston dyshimi i bazuar se me datë 17 prill 2026, në një rrugë në Ferizaj, të pandehurit, me dashje dhe në bashkëveprim së bashku edhe me të pandehurin V.N., i cili gjendet në arrati, me qëllim të përfitimit të kundërligjshëm pasuror për vete, me anë të paraqitjes së rreme të fakteve dhe duke përdor emra të rreme (A. dhe B.), i vënë në lajthim të dëmtuarit E.F., A.F., dhe Rr.K., duke u paraqitur se posedojnë kriptovaluta të llojit USDT, dhe se do t’ua transferonin përmes portofolit digjital “wallet”, ashtu që për realizmin e kësaj skeme fillimisht sigurojnë një lokal me qira dhe caktojnë takim me të dëmtuarit, dhe në lokal arrijnë që të njëjtëve t’ua marrin shumën e të hollave prej 12,000.00 Euro, të cilat të holla sipas planit paraprak, i fusin në një çantë me ngjyrë të gjelbert, i vendosin në një dollap brenda lokalit, në të cilin paraprakisht kishin hapur një vrimë nga pjesa e pasme, përmes së cilës i marrin të hollat pa dijeninë e të dëmtuarve, dhe më pas largohen në drejtim të panjohur, me ç’rast pas veprimeve operative arrihet të zbulohet se të pandehurit përsëri do të vepronin skemën e njëjtë në një rrugë në Kaçanik, duke marr një lokal me qera dhe duke caktuar takimin në atë lokal, ashtu që pas reagimit të hetuesve policor arrihen që të njëjtit të arrestohen në vend ngjarje, ndërsa i pandehuri V.N., arrin të arratiset”, thuhet mes tjerash në njoftimim e gjykatës.

Ferizaj

Vdekja e foshnjës në Ferizaj: Rasti po hetohet si “vrasje e foshnjës gjatë lindjes”

Published

7 days ago

07 May, 2026

Redaksia

Prokuroria Themelore në Ferizaj ka njoftuar se kanë nisur hetimet për rastin e cilësuar si “vrasje e foshnjës gjatë lindjes” që ka ndodhur të martën mbrëma, kur një paciente kishte lindur foshnjën e saj në tualetin e Emergjencës në Ferizaj.

Spitali i Ferizajt, përmes një komunikate ka njoftuar se pacientja është paraqitur në spital me ankesa për obstipacion (kapsllëk) dhe, në një moment, ka hyrë në tualet duke e mbyllur derën.

“Pas insistimit dhe presionit nga stafi mjekësor, të cilët kishin dëgjuar zërin e një foshnjeje, dera është hapur. Nëna kishte prerë kordonin umbilikal të foshnjës dhe e kishte hedhur atë në koshin e mbeturinave, në gjendje të rëndë dhe hipotermike.

Menjëherë janë ndërmarrë masat emergjente për trajtimin e nënës dhe foshnjës, të cilat janë transferuar në repartet e Gjinekologjisë dhe Neonatologjisë. Ekipi multidisiplinar, me përfshirjen edhe të anesteziologut, ka filluar menjëherë të gjitha procedurat reanimatore.

Sapo është konstatuar rasti, stafi shëndetësor ka njoftuar organet kompetente, përkatësisht Policinë e Kosovës.

Foshnja është pranuar në gjendje shumë të rëndë shëndetësore dhe janë ndërmarrë të gjitha masat e nevojshme reanimatore nga ekipi multidisiplinar i spitalit. Pavarësisht përpjekjeve maksimale dhe trajtimit intensiv nga personeli mjekësor, foshnja ka ndërruar jetë”, thuhet në njoftim.

Më tej, Spitali i Përgjithshëm i Ferizajt bëri të ditur se është duke bashkëpunuar plotësisht me organet e drejtësisë dhe institucionet kompetente për zbardhjen e plotë të rrethanave të këtij rasti.

Në raportin e Policisë thuhet se “Me vendim të prokurorit, foshnja është dërguar në Institutin e Mjekësisë Ligjore në Prishtinë për obduksion, për procedura të mëtejshme hetimore, derisa e dyshuara ndodhet në spitalin e Gjinekologjisë, Ferizaj, për shkak të gjendjes së saj shëndetësore.”

Ferizaj

Sekuestrohet një revole me municion dhe shurdhues në Ferizaj

Published

1 week ago

04 May, 2026

Redaksia

Një person është shoqëruar në stacionin policor në Ferizaj pas një kontrolli në shtëpinë e tij, ku janë gjetur dhe sekuestruar një pistoletë me gaz, pesë fishekë dhe një shurdhues i armës së zjarrit.

Në raportin 24 orësh të policisë bëhet e ditur se rasti ka ndodhur mëngjesin e së dielës, më 3 maj 2026, rreth orës 8:30 në rrugën “Gucia” në Ferizaj .

Me vendim të prokurorit pas intervistimit, rasti vazhdon të hetohet në procedurë të rregullt.