Ferizaj

Mbahet mbledhje komemorative për mësimdhënësin dhe sportistin Jusuf Bytyqi

Published

8 years ago

01 September, 2018

Në teatrin e qytetit është mbajtur mbledhje komemorative në nderim të jetës dhe veprës së mësimdhënësit dhe sportistit Jusuf Bytyqi.

Drejtoresha e Kulturës, e Rinisë dhe e Sportit në Ferizaj, Xhemile Murati-Shabani, tha se ndarja nga jeta e profesor Bytyqit, është humbje për ferizajasit.

“Sot jemi mbledhur në këtë mbledhje komemorative të nderojmë jetën dhe veprën e profesor Bytyqit të cilin tinëzisht në moshë relativisht të re e mori vdekja. Familjarët humbën bashkëshortin, prindin e familjarin e dashur që padyshim ishte shëmbëlltyrë e tyre, shkolla mbeti pa profesorin që dha gjithë jetën e tij dije dhe sporti ferizajas me ikjen e profesorit humbi entuziastin që motivonte sportistët”, tha Shabani-Murati.

Për personalitetin e Jusuf Bytyqit folën edhe bashkëveprimtarët e tij.

“Të gjithë sportistët e Ferizajt në sportin e volejbollit kaluan nëpër duart e Jusufit, prandaj është shumë e madhe ajo çka bëri ai për këta volejbollistë dhe sot Ferizaj ka katër ekipe dhe sportistët të cilët dolën nga duart e Jusufit sot janë sportistë të shumë ekipeve të tjera, andaj ne e humbëm një punëtor të madh të volejbollit”, tha Abedin Ibrahimi, kryetar i Federatës së Volejbollit të Kosovës.

“Unë kisha fatin të jem nxënës i tij, e kisha kujdestar klase nga klasa e 5-8, e kisha drejtor shkolle për 12 vite dhe më pas për 18 vite edhe koleg, punuam bashkë, profesor Jusufi edhe si mësimdhënës edhe si drejtor, por edhe si koleg ishte bashkëpunues e i vlerësuar, pasnesër do të filloj mësimi dhe Jusufi do të na mungojë ashtu si nxënësve, por edhe kolegëve”, tha Imri Hashani.

“Si bashkëqytetarë tiparet që e karakterizonin ishin dashuria, vullneti, qetësia, mirëkuptimi e vendosmëria, këto dhunti e aftësi intelektuale i prezantoi denjësisht edhe në legjislaturën e parë të Kuvendit të Ferizaj paslufte, tek Isufi asnjëherë nuk është parë zhgënjim apo lodhje, por vetëm vullnet e dashuri për jetën, familjen, kombin, sportin e letërsinë”, tha Gazmend Bytyqi.

Krenarë që e patën u shprehën familjarët e Jusuf Bytyqit.

“Sot me mall dhe dhembje e përkujtojmë babin si një njeri që i kushtohej jetës, ndërsa se ai nuk është në mesin tonë nuk e besojmë, ne si familjarë jemi tej mase krenarë me një njeri si ai”, tha Drilon Bytyqi.

Jusuf Bytyqi ndërroi jetë dje në moshën 61 vjeçare. Ai ishte themelues i klubit të volejbollit në Ferizaj, si dhe mësimdhënës dhe drejtor i shkollës ”Ali Hadri” në fshatin Mirash. Bytyqi ishte marrë edhe me politikë.

Ferizaj

Siguria juaj fillon me zgjedhjen e duhur të sigurimit

Published

2 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

2 days ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.