Ferizaj

Shfaqja ”Kur hana del” së shpejti në teatrin e Ferizajt

Published

8 years ago

13 September, 2018

Me tekst të Ag Apollonit e regji të Ben Apollonit, shfaqja “Kur hana del”, e zhanrit tragjikomedi, ku trajton fatin e njerëzve me sëmundje mentale si pasojë e tmerreve të përjetuara gjatë luftës së fundit në Kosovë, është shfaqja e cila do të shfaqet së shpejti në teatrin “Adriana” në Ferizaj.

Regjisori Ben Apolloni, tha se për premierën e kësaj shfaqje përgatitjet kanë filluar që një kohë.

“Është një shfaqje që rrëfen historitë e fateve të disa personave që si pasojë e luftës që kanë përjetuar kanë përfunduar në një spital për të sëmurë mendor. Po besoj që nuk është shumë e çuditshme të shkoj mendja të krijosh një shfaqje të tillë, sepse shumica prej nesh e kemi përjetuar luftën dhe dikush më shumë e dikush më pak ka pësuar nga ajo luftë dhe është mirë që herë pas herë ta kujtojmë atë se çfarë na ka shkaktuar ajo, apo çka shkakton lufta si një e keqe shumë e madhe”, tha Apolloni.

Aktori Ali Krasniqi, njëri ndër personazhet kryesore, tregoi për rolin që e ka në këtë shfaqje.

“Roli im është Luli, është njëri nga kryepersonazhet e shfaqjes, është një njeri i tramatizuar i cili jeton brenda një “kafazi” me tendencë për të dalë jashtë por që nuk arrin të dalë asnjëherë, në anën tjetër është një personazh që ka shumë kthesa emocionale, është i dashuruar me një paciente brenda kampit që nuk arrin ta bëj për vete, po ashtu është një këngëtar që në të kaluarën ka qenë këngëtar, por për fatin e tij të keq lufta i ka lënë trauma pasi ia kanë djegur nënën në luftë dhe ky e ka parë ngjarjen dhe pas luftës gjendet në një spital neuropsikiatrik. Në fillim kur e kam marrë rolin më është dukur i vështirë, por tash kam nis me dashtë rolin dhe unë perosnalisht po mundohem të jap maksimumin”, tha Krasniqi.

Premiera e shfaqjes “Kur hana del”, në tetatrin e qytetit të Ferizajt do të jepet në fund të muajit shtator.

Ferizaj

Arrestohen 5 persona në Ferizaj, të dyshuar për “Vrasje në tentativë”

Published

5 days ago

12 August, 2026

Redaksia

Policia në Ferizaj ka njoftuar se 5 persona janë dërguar në mbajtje kurse një tjetër është dërguar për trajtim në QKUK, si pasojë e pjesëmarrjes në rrahje që ndodhi pas një mosmarrëveshjeje në orët e hershme të së martës.

Sipas policisë, në rrahjen e dhunshme ishin përfshirë pesë meshkuj kosovarë dhe një shtetas i huaj derisa në vendngjarje është sekuestruar një kaçavidë.

Tre nga të dyshuarit kanë pranuar tretman mjekësor në Ferizaj, ndërsa njëri nga ta është dërguar në QKUK për tretman të mëtutjeshëm.

Rasti po hetohet si “Vrasje në tentativë”. Me vendim të prokurorit, pesë të dyshuar janë intervistuar dhe dërguar në mbajtje, ndërsa i dyshuari që gjendet në QKUK nuk është intervistuar për arsye të gjendjes shëndetësore.

Ferizaj

Bëhet i ditur identiteti i viktimave të aksidentit tragjik në Gjermani

Published

1 week ago

07 August, 2026

Redaksia

Në aksidentin tragjik të komunikacionit, që ndodhi ditë më parë në afërsi të Nittendorfit, në rajonin e Regensburgut në Bavari, humbën jetën Tahir Tahiri, 61 vjeç, Gentian Tahiri, 34 vjeç dhe Laurent Aliu, 16 vjeç, që të tre nga lagjja Nuhaj e fshatit Komogllavë të Ferizajt.

Identiteti i të ndjerëve u bë i ditur në njoftimin mortor të publikuar në faqen e fshatit Komogllavë, ku më tej thuhet se data dhe koha e ceremonisë së varrimit do të bëhet e ditur sapo të merren vendimet përkatëse.

Të ndjerët humbën jetën teksa po ktheheshin nga Kosova drejt vendit ku jetonin në Gjermani.

Ferizaj

Arrestohen tre persona të dyshuar për trafikim të narkotikëve në Ferizaj

Published

1 week ago

07 August, 2026

Redaksia

Policia e Kosovës ka ndaluar tre persona në Ferizaj, nën dyshimin për blerjen, posedimin, shpërndarjen dhe shitjen e paautorizuar të narkotikëve, si dhe mbajtjen në pronësi të paautorizuar të armës.

Të dyshuarit u arrestuan të enjten, rreth orës 18:30, në Ferizaj derisa gjatë kontrollit u janë gjetur dhe konfiskuar substanca të dyshuara narkotike, përfshirë 485.27 gramë marihuanë, 181.7 gramë hashash dhe 2.1 gramë kokainë, para të gatshme, një pistoletë me gaz me një karikator dhe tri boca gazi.

Me vendim të prokurorit të shtetit, tre të dyshuarit, pas intervistimit nga Policia, janë dërguar në mbajtje për 48 orë.

Ferizaj 06.08.2026 – 18:30.

“Janë ndaluar tre të dyshuar meshkuj kosovarë, gjatë kontrollimit tek personat e dyshuar janë gjetur dhe konfiskuar: substancë e llojit Marihuanë rreth 485.27 gramë, substancë e dyshuar e llojit Hashash e gjetur në dy pjesë me peshë 181.7 gramë , substancë e dyshuar e llojit Kokainë 2.1 gramë, para të gatshme. një pistoletë me gaz me një karikator dhe tri boca gazi. Paketime të zbrazëta të qeseve të najlonit, dy peshore njëra digjitale dhe tjetra me tërheqje, dy mulli (grindera) për bluarje, tetë telefona celularë të llojeve të ndryshme, një DVR i kamerave. Me vendim të Prokurorit tre personat e dyshuar pas intervistimit dërgohen në mbajtje për 48 orë”, bëri të ditur Policia në raportin 24 orësh.