Ferizaj

OJQ-të të painteresuara për debatin ku flitej për to

Published

7 years ago

21 September, 2018

“Indeksi i qëndrueshmërisë së organizatave joqeveritare në Kosovë për vitin 2017”, është raporti që sot u publikua në Ferizaj nga IQ consulting. Ky indeks që çdo vit matë performancën e shoqërisë civile, përkatësisht organizatave joqeveritare në vend, në fokus ka dimensionet e mjedisit ligjor, kapacitetet e OJQ-ve, realizueshmërinë e financave, avokimin, ofrimin e shërbimeve si dhe imazhin publik. Në bazë të asaj çfarë u publika, del se edhe në vitin 2017 nuk ka ndonjë progres të performancave në këto fusha, sa i përket krahasimit me dy vitet paraprake. Hartuesit e këtij indeksi thanë se në disa raste Kosova ka shënuar arritje, por që niveli i kënaqshmërisë lë shumë për të dëshiruar.

“Prej kur ka filluar ky publik në Kosovë në vitin 1999 shoqëria civile këtu ka shënuar një progres të dukshëm i cili nuk duhet të mohohet, mirëpo ka 5-6 vite që kemi arrit me një stad që assesi nuk po mundemi me kalu në hapin tjetër të qëndrueshmërisë më të lartë. Kjo po ndodhë për shumë faktorë, e kryesisht për shkak të ambientit veprues. Përndryshe ambienti ligjor dhe realizueshmëria financare janë dy dimensione që kanë shënuar përmirësim në vitin 2017, ku gjatë këtij viti janë hartuar ligji për sponsorizim, ligji për lirinë e asoccimit, kemi pas ligjet për ndërmarrjet shoqërore, rregullorja e Ministrisë së Financave për shpërndarje të grandeve të OJQ-ve dhe të gjitha këto kanë leju që ambienti ligjor të vlerësohet me një përmirësim të dukshëm. Po ashtu ka pasur edhe ngritje të qasshmërisë për fonde, e kështu me radhë“, tha Kushtrim Shaipi nga IQ consulting.

Indeksi i qëndrueshmërisë së OJQ-ve në Kosovë, financohet nga USAID-i. Përfaqësues të saj, thanë se shoqëria civile duhet të fokusohet edhe në lokalitete të tjera dhe jo vetëm në kryeqytet.

Kristina Davis, ushtruese e e detyrës së zëvendësdrejtoreshës së USAID-it në Kosovë, tha se aktivitetet që USAD-i i ka prioritet janë ato që kanë të bëjnë me fuqizimin e femrës, aktivitetet që zhvillojnë shoqërinë, e të ngjashme.

”Ky indeks që sot na jep një pasqyrë të performancës së OJQ-ve në vitin 2017, lë të kuptoj se gjërat nuk kanë lëvizur shumë as për të keq e as për të mirë. Ky lloj indeksi që realizohet në mbi 20 vende të ndryshme, krahason Kosovën si të ngjashme në këtë aspekt me vendet e rajonit”, tha Davis.

Në publikimin e këtij indeksi, u tha se janë ftuar dhjetëra organizata të kësaj komune dhe komunave përreth, por pjesëmarrja e tyre ishte shumë e vogël.

Ferizaj

Javën e kaluar u raportuan 56 aksidente trafiku në rajonin e Ferizajt

Published

2 days ago

16 June, 2025

Redaksia

Policia në rajonin e Ferizajt ka njoftuar se javën e kaluar ka shqiptuar 1 mijë e 347 gjoba kundërvajtëse dhe janë pezulluar 13 patentë shoferë.

Gjatë periudhës nga 09.06.2025 deri më 15.06.2025, janë shqiptuar 1,347 gjoba kundërvajtëse, si dhe janë pezulluar 13 patentë-shoferë për drejtuesit e mjeteve që kanë kryer shkelje të rënda në trafik, thuhet në njoftim.

Gjithashtu janë raportuar 56 aksidente trafiku, në një prej tyre në person ka vdekur.

– 1 aksident me fatalitet në Kaçanik, ku ka mbetur një person i vdekur

– 24 aksidente me lëndime , ku kanë mbetur të lënduar 30 persona

– 31 aksidente me dëme materiale

Ferizaj

Teatri “Adriana”reagon ndaj pengesave institucionale: “Një premierë përtej censurës”

Published

3 weeks ago

26 May, 2025

webmaster

Teatri “Adriana” ka njoftuar se premiera e shfaqjes “Fluturimi mbi teatrin e Kosovës” është shtyrë për datën 14 qershor 2025, shkaku i pengesave institucionale që trupa ka hasur gjatë përgatitjes së kësaj premiere.

Sipas deklaratës për media, gjatë përgatitjeve për premierën e kësaj shfaqjeje, të caktuar fillimisht për 7 qershor, trupa është përballur me kërkesa për ndërhyrje në tekstin e shfaqjes, mungesë të papritur të buxhetit për materiale skenike dhe pengesa të tjera që, sipas tyre, përbëjnë “një sabotim të heshtur” ndaj artit dhe lirisë krijuese.

Megjithatë, nga teatri konfirmojnë se premiera e shfaqjes “Fluturimi mbi teatrin e Kosovës”, me tekst të Jeton Nezirajt dhe regji të Agon Myftarit, do të mbahet në datën e re, edhe nëse u duhet të riciklojnë kostume dhe skenografi nga prodhime të mëparshme.

Teatri thekson se këto pengesa janë një formë e censurës indirekte ndaj lirisë krijuese, duke theksuar rëndësinë e mbrojtjes së lirive artistike dhe të shprehjes në Kosovë.

“Është paradoksale dhe shqetësuese se si disa individë marrin bajrakun e patriotizmit duke akuzuar tërthorazi artistët si antikombëtarë, dhe në emër të një lloj nacionalizmi primitiv, përpiqen të kufizojnë të drejtën krijuese — për të cilën të njëjtët kanë luftuar në vitet 1998–1999”, thuhet më tej në deklaratë, përmes së cilës, aktorët dhe regjisori i bëjnë thirrje publikut dhe komunitetit artistik të mbështesin shfaqjen dhe të qëndrojnë kundër çdo censure.

“Më 14 qershor, në skenën e Teatrit ‘Adriana’, nuk do të shfaqet vetëm një vepër. Do të shfaqet vetë qëndrimi ynë ndaj lirisë”, thuhet mes tjerash në deklaratë.

Ferizaj

Policia në Ferizaj brenda javës shqiptoi 1310 gjoba trafiku

Published

1 month ago

19 May, 2025

Redaksia

Policia e Ferizajt, gjatë javës së kaluar, ka shqiptuar 1 mijë e 310 gjoba trafiku, si dhe ka pezulluar 14 patentë-shoferë për drejtuesit e mjeteve që kanë kryer shkelje të rënda në trafik.

Gjatë kësaj periudhe, policia ka bërë të ditur se kanë ndodhur gjithsej 36 aksidente, nga të cilat, 13 ishin me të lënduar kurse 23 aksidente të tjera ishin vetëm me dëme materiale.