Ferizaj

Në 20 vjetorin e ”Epopesë së Jezercit” familjarët kërkojnë të mos harrohet amaneti i dëshmorëve

Published

8 years ago

28 September, 2018

Për çdo komb të qytetëruar dëshmorët janë lavdia e krenaria e tij, ndër vlerat më të çmueshme që nderohen nga të gjithë. Në historitë, enciklopeditë e botimet e ndryshme, atyre u kushtohet vëmendje e veçantë. Për ta janë shkruar e vazhdojnë të shkruhen libra, monografi e artikuj pafund. Megjithatë, dhembja e malli veç sa vjen e shtohet për ata që ia falën më të dashurit e tyre atdheut.

“Jemi krenarë për vëllezërit që patëm dhe për të gjithë dëshmorët që dhanë jetën për këtë vend, fjalë kemi shumë për ta, por kemi edhe emocione se ata vet kanë folur me rënien e tyre, por besoj se të gjallët duhet të punojnë më shumë dhe mos ta harrojnë gjakun e tyre”, tha Sanije Sylejmani, motra e dëshmorëve Bajram e Gursel Sylejmani.

“Sa më vonë mërzia është më e madhe, mirëpo si familje e dëshmorit jemi të kënaqur me atë çka është arritur, edhe pse disa zëra që i dëgjoj më shqetësojnë kur thonë kurrë më keq s’ka qenë, por kjo nuk është e vërtetë, Kosova kurrë ma mirë s’ka qenë se sot, normal duhet me kërku populli njerëz të mirë me i zgjedhë, për atë çka kanë luftuar është arrit më 12 qershor, e tash sa jemi ne të aftë më përparu si shtet është problem i joni, por jo i dëshmorëve më ”, tha Kadri Islami, babai i dëshmorit Driton Islami.

”Më shumë krenarë se gjithë të tjerët, unë i përshëndes të gjithë që na përkrahin deri më sot, edhe qytetarët edhe të gjithë, po shpresojmë se do të bëhemi edhe më mirë”, tha Bekim Hetemi, vëllai i dëshmorit Kemajl Hetemi.

Familjarët e dëshmorëve apeluan që të mos harrohet amaneti i atyre që dhanë më të shtrenjtën për lirinë dhe pavarësinë e vendit.

Ferizaj

Bëhet i ditur identiteti i viktimave të aksidentit tragjik në Gjermani

Published

4 days ago

07 August, 2026

Redaksia

Në aksidentin tragjik të komunikacionit, që ndodhi ditë më parë në afërsi të Nittendorfit, në rajonin e Regensburgut në Bavari, humbën jetën Tahir Tahiri, 61 vjeç, Gentian Tahiri, 34 vjeç dhe Laurent Aliu, 16 vjeç, që të tre nga lagjja Nuhaj e fshatit Komogllavë të Ferizajt.

Identiteti i të ndjerëve u bë i ditur në njoftimin mortor të publikuar në faqen e fshatit Komogllavë, ku më tej thuhet se data dhe koha e ceremonisë së varrimit do të bëhet e ditur sapo të merren vendimet përkatëse.

Të ndjerët humbën jetën teksa po ktheheshin nga Kosova drejt vendit ku jetonin në Gjermani.

Ferizaj

Arrestohen tre persona të dyshuar për trafikim të narkotikëve në Ferizaj

Published

4 days ago

07 August, 2026

Redaksia

Policia e Kosovës ka ndaluar tre persona në Ferizaj, nën dyshimin për blerjen, posedimin, shpërndarjen dhe shitjen e paautorizuar të narkotikëve, si dhe mbajtjen në pronësi të paautorizuar të armës.

Të dyshuarit u arrestuan të enjten, rreth orës 18:30, në Ferizaj derisa gjatë kontrollit u janë gjetur dhe konfiskuar substanca të dyshuara narkotike, përfshirë 485.27 gramë marihuanë, 181.7 gramë hashash dhe 2.1 gramë kokainë, para të gatshme, një pistoletë me gaz me një karikator dhe tri boca gazi.

Me vendim të prokurorit të shtetit, tre të dyshuarit, pas intervistimit nga Policia, janë dërguar në mbajtje për 48 orë.

Ferizaj 06.08.2026 – 18:30.

“Janë ndaluar tre të dyshuar meshkuj kosovarë, gjatë kontrollimit tek personat e dyshuar janë gjetur dhe konfiskuar: substancë e llojit Marihuanë rreth 485.27 gramë, substancë e dyshuar e llojit Hashash e gjetur në dy pjesë me peshë 181.7 gramë , substancë e dyshuar e llojit Kokainë 2.1 gramë, para të gatshme. një pistoletë me gaz me një karikator dhe tri boca gazi. Paketime të zbrazëta të qeseve të najlonit, dy peshore njëra digjitale dhe tjetra me tërheqje, dy mulli (grindera) për bluarje, tetë telefona celularë të llojeve të ndryshme, një DVR i kamerave. Me vendim të Prokurorit tre personat e dyshuar pas intervistimit dërgohen në mbajtje për 48 orë”, bëri të ditur Policia në raportin 24 orësh.

Ferizaj

Qytetarëve u vijnë mesazhe mashtruese – Policia apelon për kujdes

Published

6 days ago

05 August, 2026

Redaksia

Drejtoria Rajonale e Policisë në Ferizaj ka njoftuar se ditëve të fundit, disa qytetarëve u kanë ardhur mesazhe (SMS) mashtruese kinse të dërguara në emër të Policisë së Kosovës duke pretenduar se qytetarët kanë gjoba trafiku dhe duke i ftuar ata të klikojnë në lidhje (linke) për të kryer pagesën e tyre.

Sipas Policisë, këto mesazhe janë të rreme dhe nuk janë dërguar nga institucionet e rendit dhe ligjit, pra janë mesazhe të dërguara si tentativë për mashtrim.

Policia paralajmëron qytetarët që nëse pranojnë ndonjë e-mail apo mesazh të dyshimtë, të veprojnë si në vijim:

Mos klikoni në linkun e dyshimtë;

Mos i jepni të dhëna personale apo bankare;

Mos kryeni pagesa përmes lidhjeve të dërguara me SMS;

Raportojeni rastin në stacionin më të afërt policor;

Kontaktoni bankën tuaj nëse keni ndarë të dhëna personale ose bankare;

Fshijeni menjëherë mesazhin e dyshimtë;

Qytetarët mund të raportojnë raste të tilla përmes aplikacionit “Lajmëro Policinë” ose duke telefonuar në numrin 192.

Drejtoria Rajonale e Policisë në Ferizaj apelon për kujdes të shtuar ndaj mashtrimeve online dhe bashkëpunim me policinë për parandalimin e tyre.