Ferizaj

Mbahet debat publik për shpronësimet shtesë në autostradën ”Arbën Xhaferi”

Published

8 years ago

03 October, 2018

Organizuar nga Ministria e Mjedisit dhe Planifikimit Hapësinor, në Ferizaj u mbajt një dëgjim publik për shpronësimet shtesë që do të ndodhin në autostradën Prishtinë-Hani i Elezit. Në këtë dëgjim morën pjesë dhjetëra pronarë të parcelave që ndodhen përreth kësaj autostrade, të cilët u informuan më detajisht për sipërfaqet e tokave që do t’u merren për këtë interes publik. Përfaqësues të Ministrisë së Mjedisit treguan se kjo është faza e parë e obligimeve ligjore që duhet ta kryej kjo ministri, e më pas me këta pronarë tokash do të merren edhe ministritë e tjera përkatëse.

“Kryesisht brengat që dalin nga këto tubime publike janë si të njëjta, pronarët e tokave ankohen për çmimet, tek nevojat për shfrytëzimin e parcelave, tek rrugët, qasjet tek shuma e kompensimit, e të tjera. Përndryshe, procedurat e shpronësimit nuk janë të zvarritura, gjithçka do të ndodhë brenda ligjeve në fuqi“, tha Samir Broqi nga MMPH.

Në këtë diskutim publik pati vlerësime të ndryshme sa i përket këtij procesi. Disa pronarë parcelash të cilët edhe në fazën e parë kishin dhënë tokën e tyre për këtë autostradë, treguan për kontestet gjyqësore që kishin për çmimin e shpronësimeve, e disa të tjerë këtë proces e kanë pranuar ashtu siç kishte paraparë Qeveria e Kosovës.

“Kam ardhë prej Gjermanisë, për katër herë me radhë marrë pjesë në seancën e gjykatës, por fatkeqësisht avokati i Qeverisë së Kosovës kurrë nuk ka marrë pjesë dhe për këtë arsye ende nuk ka epilog për kontestin tim gjyqësor. Kjo është për të ardhur keq se si funksionojnë këtu institucionet. Unë jam ankuar, sepse nuk e kam pranuar çmimin e shpronësimit që i është bërë tokës time që e kanë marrë për autostradë”, tha Baki Thaçi.

“Mua tani po m’i marrshin edhe 90 metra tokë, kështu që jam i kënaqur me këtë proces, edhe në herën e parë më kanë shpronësuar tokë këndej dhe më kanë paguar me kohë, kështu që jam i kënaqur edhe me çmimin kur kihet parasysh se autostrada është një investim për të gjithë“, tha Shaban Qorrolli.

Dëgjimi publik është mbajtur për zonat kadastrale Babush i Ri, Cërnillë, Mirash, Rahovicë, Papaz, Sazli, Softaj, Pojatë, Talinoc i Muhaxherëve, Bibaj, Fshati i Vjetër, Komogllavë, Gërlicë, Rakaj dhe Sojevë. U tha se se procedurat e shpronësimit për sipërfaqet shtesë që po i duhen Ministrisë së Infrastrukturës për këtë investim kapital, do të marrin kohë 7 deri në 8 muaj.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

1 week ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

1 week ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

2 weeks ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar