Ferizaj

Fillon ndërtimi i shkollës profesionale në Ferizaj

Published

7 years ago

04 October, 2018

Pamjet e lopatave me beton vazhdojnë të jenë imazhet kryesore të investimeve kapitale në Kosovë. Kjo ndodhi edhe sot në Ferizaj me rastin e vënies së gurthemelit të një shkolle të mesme profesionale. Për ta nisur këtë objekt arsimor që financohet nga Qeveria e Kosovës me një kosto prej 2 milionë euro, kishte ardhë edhe ministri i Arsimit Shyqeri Bytyqi. Ai tha se investimet e kësaj natyre janë prioritet i politikave shtetërore të vendit, ndërsa u zotua se kjo ministri do ta monitorojë kohën dhe cilësinë e punimeve të ndërtimit të kësaj shkolle.

“Jemi zotu edhe si ministri që të bëjmë angazhime që të rinjve tanë t’iu sigurojmë jo vetëm një edukim të mirë, por edhe një orientim të drejtë për të ardhmen e tyre dhe konsideroj se orientim më i drejtë sesa shkollat profesionale nuk do të ketë. Kjo është edhe arsyeja kyçe pse kemi vendosë prioritet shkollat profesionale”, tha ministri Bytyqi.

Idea bazë për një shkollë profesionale, sipas kryetarit të komunës Agim Aliu, vjen pikërisht nga kërkesat e bizneseve në Ferizaj për të pasur kuadro të profileve të ndryshme profesionale. Aliu tha se së shpejti komisioni profesional do të hulumtoj terrenin për të parë nga afër se cilat janë nevojat kryesore për profilet që në të ardhmen do të jenë në këtë shkollë.

“Gjithsesi ka pasur gjëra të munguara, pasi që shpesh ne fiksohemi pas disa drejtimeve të caktuara pa provuar diçka të re. Unë mendoj se duhet të kemi një shoqëri më sfiduese dhe duhet të kemi nxënës me sfidantë dhe ne po e ofrojmë pikërisht këtë mundësi. Përderisa në Agjencinë Kombëtare janë mbi 400 profesione ne shumë pak nga ato kemi nxjerrë dhe shumë pak kemi aplikuar, prandaj besoj që me një studim që do të bëhet bashkërisht këshilli i arsimit dhe trupat e tjera profesional do të nxjerrin pikërisht ato profesione që iu përshtaten kërkesave të tregut”, tha Aliu.

Në këtë hapësirë prapa gjimnazit “Kuvendi i Arbrit”, ku sot filloi ndërtimi i shkollës së re profesionale, në një të ardhme të afërt u tha se do të ndërtohet edhe pishina gjysmë olimpike, e cila sipas komunarëve, do të shërbej pikërisht për shkollat e këtushme.

Gjatë kohës sa qëndroi në Ferizaj, ministri Bytyqi vizitoi edhe Qendrën e Kompetencës në këtë qytet.

Art & Showbiz

Nis edicioni i 55-të jubilar i Festivalit të Teatrove Ferizaj

Published

2 weeks ago

01 September, 2025

Redaksia

Nga sot deri më 7 shtator 2025, në Ferizaj do të mbahet Festivali i Teatrove, i cili sivjet shënon edicionin e 55-të jubilar.

Hapja zyrtare e festivalit bëhet nga ora 19:00 me shfaqjen “13” me regji të Sulejman Rushitit, në teatrin “Adriana”, derisa ditëve në vijim, para publikut ferizajas,do të prezantohen disa shfaqje të prodhuara dhe ngjarje të veçanta nga konceptet “Retroteatri” dhe “FTF Skena”.

Festivali i Tetarove Ferizaj, është prej festivaleve më të vjetra në Kosovë, i cili që nga viti 1970, përmes shfaqjeve nga vende të ndryshme jo vetëm vendore por edhe ndërkombëtare, bashkon profesionistë të teatrit dhe artdashës.

Hapjes zyrtare të festivalit do t’i paraprijë shfaqja për të rinj “Black Box” të cilën artdashësit mund ta shohin në Galerinë e qytetit të Ferizajt.

Këtë vit, në programin zyrtar të festivalit, do të jenë shfaqjet: “13” (më 1 shtator), “Bëje ose vdis” (2 shtator), “Djali” (3 shtator), “Hijet e Kohës” dhe “Komedia e zezë” (4 shtator), “God blesh America” (5 shtator), “Kjo është rinia jonë” dhe “PRISHTINA. Vrasja e paralajmëruar e një ëndrre” (6 shtator) si dhe shfaqja “Të vërtetat tona” (7 shtator).

Ky edicion jubilar i festivalit do të përmbyllet më 7 shtator, me shfaqjen jashtë konkurrence “Të bardhët”.

Tradicionalisht, çdo ditë të festivalit organizohen edhe debate për teatrin, punëtori krijuese me artistë ndërkombëtar dhe ndeja pas çdo shfaqjeje në oborrin e Teatrit.

Ferizaj

Arrestohet për vjedhje të trotineteve dhe biçikletave në Ferizaj

Published

3 weeks ago

23 August, 2025

Redaksia

Hetuesit e stacionit policor në Ferizaj, kanë arrestuar të dyshuarin B. T, 28 vjeç, i cili gjatë periudhës 01.07.2025 – 19.08.2025 ka kryer disa raste të vjedhjeve në banesa dhe objekte banesore në qytetin e Ferizajt.

Sipas policisë, nga hetimet është vërtetuar se i dyshuari ka vjedhur dy trotinete elektrike dhe dy biçikleta, me vlerë totale prej rreth 4.220 €, të cilat më pas i kishte shitur personave tjerë, duke iu treguar se ishin të vjedhura.

Me urdhër të prokurorit të shtetit, i dyshuari B. T. është ndaluar për 48 orë për procedura tjera hetimore.

Sendet e vjedhura janë sekuestruar dhe do t’u kthehen pronarëve ligjorë.

Ndërsa ndaj dy personave të tjerë, G .B, 33 vjeç dhe B. H.,25 vjeç, është iniciuar rasti penal “Blerja, pranimi ose fshehja e sendeve të përfituara nga vepra penale”, pasi kanë pranuar se ishin në dijeni për origjinën e tyre.

Ferizaj

Digjen rreth 13 hektarë me të mbjella dhe mal në Lloshkobare të Ferizajt

Published

3 weeks ago

21 August, 2025

Redaksia

Në fshatin Lloshkobare të Ferizajt, nga zjarri janë djegur disa hektarë me të mbjella të ndryshme. Viktimat dyshojnë për zjarrëvënie të qëllimshme nga persona të panjohur.

Në raportin 24-orësh të Policisë së Kosovës, thuhet se të mërkurën pasdite, viktimat kanë raportuar se nga zjarri atyre u janë djegur 5 hektarë mjedër, 3 hektarë të mbjella me dredhëza, 1 hektar me arra dhe 3 hektarë mal.

“Ferizaj 20.08.2025-16:30. Raportohet se persona të panjohur i kanë vënë zjarrin pronës se dy viktimave meshkuj kosovarë, ku janë djegur rreth 3 hektarë me mal, 5 hektarë mjedër, 4 hektarë me dredhëza dhe 1 hektar me arra, që janë djegur në tërësi”, njoftoi Policia e Kosovës.