Ferizaj

Hapet dyqani i syzeve ”Max Optika” në Ferizaj

Published

6 years ago

10 October, 2018

Dyqani i syzeve të diellit dhe optike “Max Optika”, është dyqani më i ri i cili u është bashkëngjitur dyqaneve që operojnë në kompleksin “The Village Shopping and Fun” në rrugën “Ahmet Kaçiku” në Ferizaj.

Menaxherja e këtij dyqani në Ferizaj Laura Hyseni, tha se synojnë të vendosin një standard të ri në shërbimin optik kosovar, duke ofruar produkte të cilësisë së lartë në nivele të përballueshme çmimi. Ndërsa, shtoi se bashkëpunimi me markat më prestigjioze ndërkombëtare të syzeve, është ai që i karakterizon ata.

“Punojmë me brendin më të njohur botëror prej xhamit “Hoya”, i cili ka cilësi shumë të lartë, ndërsa syzet e diellit ka të “”Ray Ban”, “Hugo Boss” “Vogue”, Gucci”, “Dolce & Gabbana”, “Boucheron”, “Police”, e brende të njohura të tjera. Çmimet ndoshta janë pak të larta, por janë origjinale, vlen të të thuhet se për nderë të hapjes kemi 50% zbritje, që vazhdon të jetë edhe nesër, besoj se klientët kanë me u nda gjithmonë të kënaqur si për syze të diellit ashtu edhe të dioptrisë, sepse është cilësia e lartë e xhamit”, tha Hyseni.

E veçanta e këtij dyqani, sipas Hysenit, është se aty kryhen edhe kontrolle mjekësore nga një mjek indian, specialist i kësaj fushe.

“Është mjeku indian specialist, ndërsa për nderë të hapjes vizitat tek ai do të jenë gratis një muaj”, tha Hyseni.

Rrjeti i dyqaneve ”Max Optika”, operon edhe në disa qytetet të tjera të Kosovës.

Ferizaj

Një grua raportoi në polici dhunimin e vajzës nga një i panjohur

Published

2 hours ago

03 May, 2024

Redaksia

Një grua ka raportuar në polici se vajza është marrë me veturë nga një person i panjohur dhe se ka kryer marrëdhënie seksuale. Dyshohet se rasti ka ndodhur më 01.05.2024 në magjistralen Kaçanik-Ferizaj.

Policia ka bërë të ditur se me vendim të prokurorit kanë nisur hetimet dhe viktima është dërguar në Institutin e Mjekësisë Ligjore ekzaminim.

Rasti është cilësuar si “dhunim”, ndërsa nuk raportohet për ndonjë të arrestuar.

Ferizaj

Policia në Ferizaj konfiskon motoçikleta dhe trotinete elektrike pa dokumente

Published

1 day ago

02 May, 2024

Redaksia

Policia në Ferizaj, të mërkurën 01.05.2024, ka konfiskuar disa motoçikleta dhe skuterë pa dokumentacion të rregullt.

Në zbatim të planit operativ ” Motoçikleta dhe Trotineti elektrik 2024″, në disa pika kontrolli në qytet dhe rrethinë të Ferizajt, policia ka kontrolluar dhe ka shqiptuar gjoba ndaj disa personave, të cilët po drejtonin motoçikletat dhe skuterët në kundërshtim me rregullat e trafikut.

Ferizaj

Qëndrim Januzi dënohet me 17 vjet burgim për vrasjen Gazmend Hysenit në Ferizaj

Published

3 days ago

30 April, 2024

Redaksia

Gjykata Themelore në Ferizaj ka dënuar me 17 vjet burgim të akuzuarin Qëndrim Januzi, për vrasjen e Gazmend Hysenit, më 28 maj 2022 në Ferizaj.

Për vrasje, Januzi u dënua me 16 vjet burgim, kurse për armëmbajtje pa leje me 1 vit e gjysmë burgim. Gjykata shpalli dënim unik me 17 vjet burgim.

Sipas aktakuzës, më 28 maj 2022, rreth orës 00:53, në Ferizaj, në rrugën “Rexhep Bislimi”, përkatësisht para hyrjes së marketit “Euro Market”, i pandehuri Qëndrim Januzi, me dashje dhe përgatitje paraprake kishte privuar nga jeta tani të ndjerin Gazmend Hyseni dhe me atë rast kishte vënë në rrezik edhe jetën e Maliq Latifit, i cili kishte qenë para hyrjes së marketit si dhe të personave tjerë brenda në market.

Të njëjtit i konfiskohet në mënyrë të përhershme arma e markës “SAUER model 38H”, me një karikator me kapacitet prej 8 fishekëve, me të cilën armë kishte kryer veprën penale.