Ferizaj

Hapet Qendra e Karrierës në shkollën e mesme ”Zenel Hajdini”

Published

8 years ago

10 October, 2018

Në shkollën e mesme të Agrobiznesit dhe Teknologjisë ”Zenel Hajdini” në Ferizaj, u hap sot Qendra e Karrierës. Kjo qendër e cila ka për qëllim ndërtimin e marrëdhënieve ndërmjet punëdhënësve, shkollave dhe nxënësve, u vlerësua si një nga investimet më të duhura që ka pasur viteve të fundit në këtë institucion arsimor. Koordinatori i kësaj qendre Hyzri Hyseni, njëherit edhe njëri nga trajnerët, tha se përmes ligjëratave që do të zhvillohen në këtë qendër, krahas mësimit të rregullt nxënësit do të kenë mundësi t’i përmirësojnë shkathtësitë për menaxhim të karrierës, ndërlidhjen me tregun e punës, shkëmbimin e informacioneve mbi tregun e punës, si dhe shumë gjëra që lidhen me punësimin.

“Për momentin kjo qendër do të funksionoj vetëm për nxënësit tanë, por edhe për ata të cilët kanë braktisur shkollën e Agrobiznesit dhe Teknologjisë, si dhe ata që e kanë përfunduar shkollën e mesme tek ne. Pra, të gjithë këta nxënës dhe ish-nxënës do të kenë mundësi t’i ndjekin ligjëratat nga trajnerët dhe më pas ata do të aftësohen mjaftueshëm për t’iu qasur tregut të punës”, tha Hyseni.

Në përurimin e Qendrës së Karrierës morën pjesë përfaqësues të nivelit qendor e lokal, përfaqësues të bizneseve të këtushme, si dhe udhëheqës të shkollave të ndryshme të kësaj komune.

“Ministria e Arsimit është e fokusuar që nxënësit pas përfundimit të shkollës së obliguar t’i orientoj nëpër shkolla profesionale, gjë që në politikat tona kemi arritur që mbi 50 për qind në shkollat e mesme t’i orientojmë nëpër këto institucione arsimore, për arsye se është një mundësi për lidhje më të mirë dhe më të lirë për tregun e punës”, theksoi zëvëndësministri i Arsimit Azem Guri.

“Investimi në arsim padyshim që është nga investimet më të rëndësishme për zhvillimin e vendit dhe shoqërisë në përgjithësi, por investimi në aftësimin profesional tashmë është bërë edhe kërkesë e kohës”, tha drejtori i Arsimit në Ferizaj Afrim Llabjani.

“Uroj që hapja e këtyre qendrave mos të ngelet vetëm nëpër shkolla të mesme profesionale, por që të funksionojnë edhe nëpër shkolla fillore, sepse aty fillojnë hapat e parë të orientimit të nxënësve nëpër profesione”, tha drejtori i shkollës ”Zenel Hajdini”, Abdullah Imeri.

Hapja e Qendrës së Karrierës në shkollën e mesme të Agrobiznesit dhe Teknologjisë në Ferizaj, është financuar nga Zyra Zvicerane në Kosovë.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

1 week ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

1 week ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

2 weeks ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar