Ferizaj

IPKO dhuron donacion për gjimnazin ”Dr.Shaban Hashani”

Published

8 years ago

10 October, 2018

16 dyer të reja janë vendosur në gjimnazin “Dr.Shaban Hashani” në Ferizaj, si donacion nga operatori i telefonisë mobile në vend IPKO.

Arianit Duraku, drejtor i shitjes në kompaninë IPKO, tha se ky donacion ka ardhur si rezultat i bashkëpunimit që kjo kompani ka me komunën e Ferizajt.

“Për hir të relacionit të mirë që kemi me komunën e Ferizajt edhe në të kaluarën kemi pasur projekte të tilla, kemi ndërtuar shkolla, normalisht në kuadër të mundësive që kemi si kompani, investimi i fundit ka qenë në fund të vitit të kaluar ku kemi blerë disa pajisje për QKMF-në e Ferizajt. Edhe kjo kërkesë ka ardhur nga drejtori i Arsimit dhe për hir të partneritetit jemi munduar t’i ndihmojmë, ne jemi prezent në tregun e Ferizajt edhe në komunë jemi të shpërndarë shumë mirë edhe në shërbimet fikse dhe mobile dhe për hir të këtyre zhvillimeve i kemi pru edhe këto investime”, tha Duraku.

Ndërsa, drejtori i Arsimit Afrim Llabjani, tha se këto donacione ndikojnë në përmirësimin e infrastrukturës shkollore, derisa bëri të ditur se të premtën do të filloj ndërtimi i një shkolle, por nuk tregoi se për çfarë shkolle bëhet fjalë.

“Ne jemi falënderues dhe mirënjohës ndaj IPKO, duke e besuar se ne do ta vazhdojmë bashkëpunimin e tillë, sepse mundësitë e tilla do të na krijojnë hapësirë të mirë për të pasur një proces sa më të rregullt, fatmirësisht komuna e Ferizajt ka bërë hapa për të përmirësuar infrastrukturën shkollore, por shtimi i numrit të popullsisë dhe numrit të nxënësve që është në vazhdimësi, po krijojnë probleme të vazhdueshme dhe ne si rezultat i kësaj kemi filluar ndërtimin e një shkolle profesionale, do të fillojmë të premtën edhe me një tjetër dhe ndërtimi i këtyre shkollave do të na krijoj hapësirë më të mirë për mbajtjen e mësimit”, tha Llabjani.

Kurse, drejtori i gjimnazit “Dr. Shaban Hashani”, Naser Osmani, tha se ky donacion ka qenë shumë i nevojshëm, duke shprehur shqetësim për mungesën e hapësirës në këtë shkollë.

“Pas një kërkese që kemi pasur në Drejtorinë e Arsimit, pasi kishim disa dyer të klasave të dëmtuara, drejtori na tregoi se është një donacion dhe ramë dakord që të vjen në shkollën tonë, natyrisht që kontribuon në procesin mësimor se pamja e dyerve të dëmtuara ka ndikim tek nxënësit, ndërsa siç dihet nevojë imediate për gjimnazin “Dr.Shaban Hashani” është hapësira shkollore, mungesa e hapësirave na krijon vështirësi në punën tonë, duke filluar nga salla e profesorëve, ku salla është me 8 karrige, ndërsa në një ndërrim janë 22 profesorë, po ashtu edhe këtë vit janë shtuar dy paralele të reja, për njërën paralele kemi pasur hapësirë, ndërsa për tjetrën paralele e shfrytëzojmë hapësirën e shkollës së mjekësisë”, tha Osmani.

Vlera e 16 dyerve të vendosura në gjimnaz, kap shumën e rreth 2500 eurove.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

1 week ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

1 week ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

2 weeks ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar