Kosovë

Vuçiqi thotë se po niset drejt Brukselit për të folur për Asociacionin

Published

2 years ago

15 August, 2022

Presidenti i Serbisë, Aleksandar Vuçiq, ka thënë se nuk ka koment për njoftimin e djeshëm të Bashkimit Evropian, që ka shprehur shqetësimin për “rritje të retorikës nxitëse mes zyrtarëve të Beogradit dhe Prishtinës”.

“Sa i përket reagimit të BE-së, nuk kam asnjë koment, kjo është më e mira”, tha ai.

Kreu i shtetit serb shtoi se do të shkojë në Bruksel për siç tha “të ruajtur paqen dhe stabilitetin sepse, siç thotë ai, “ky është qëllimi ynë i vetëm”.

Vuçiq deklaroi se nuk e di se çfarë të presë sa i përket temave të diskutimit në Bruksel, por se janë të gatshëm të bisedojnë për gjithçka.

“Ne nuk kemi problem me temat, duam të flasim për Asociacionin e Komunave me shumicë serbe, por jo të flasim duke na thënë se ne mund të blejmë ngjitësa dhe t’i vendosim futbollistët në albume dhe të prodhojmë ambalazhe për çamçakëz dhe se dikush na thotë se Asociacioni duhet të jetë në në përputhje me Kushtetutën e Kosovës, atëherë ne nuk kemi nevojë për Asociacion, atëherë çdo qytetar mund të themelojë një Asociacion të tillë në baza ditore”.

“Kuptohej që këto kompetenca do të ishin shumë më të mëdha dhe më të gjera dhe për këtë arsye ne negociuam”, shtoi Vuçiq, raporton Kosovo Online, transmeton KK.

Ai shtoi se ata nuk janë të interesuar për Kushtetutën e Serbisë dhe siç tha “e pse ne të interesohemi për Kushtetutën e tyre”.

“Ne e kemi të qartë se çfarë është negociuar dhe si është negociuar dhe se po ecim përpara në atë drejtim”, tha Vuçiq.

Vuçiq ka theksuar se nuk dëshiron të komentojë kryeministrin e Kosovës Albin Kurti dhe politikën e brendshme të Kosovës.

“Unë nuk jam si ata që merren me të gjitha çështjet e mundshme, dhe situata me rrymën është e vështirë, shpresoj që ata të mos kenë nevojë të fikin rrymën, nuk e dua këtë për ta, kjo do të ishte keq për ta dhe për ne, për të gjithë njerëzit që jetojnë”, shtoi presidenti serb./KK

Related Topics:dialogu Kosova Serbia vuciq

Up Next

Dogana konfiskon mbi 1 mijë fishekë gjuetie kontrabandë

Don't Miss

Reduktimet e rrymës – Ministria e Ekonomisë: Po mirren hapa që t’i kthehemi normalitetit

Click to comment

Kosovë

Arratiset Enver Sekiraqa

Published

1 day ago

18 May, 2024

Redaksia

Policia e Kosovës ka njoftuar se Enver Sekiraqa është arratisur pasi nuk është gjetur në shtëpi gjatë të premtes dhe të shtunës. Ai duhej të kthehej në paraburgim pasi dy ditë më parë, Gjykata e Apelit vendosi për ndryshimin e masës së sigurisë ndaj tij.

Bazuar në aktvendimin e pranuar nga Gjykata e Apelit dhe mos gjetjes së Sekiraqës, policia ka ndërmarrë masat e nevojshme për informim dhe ndalim të tij, në të gjitha vendkalimet kufitare dhe drejtoritë rajonale policore.

Njoftimi i policisë:

“Policia e Kosovës, bazuar në aktvendimin e pranuar të Gjykatës së Apelit, të datës 17.05.2024, për ndryshim të masës së sigurisë së të pandehurit Enver Sekiraqa, sipas procedurave dhe mandatit të saj ligjor i ka dërguar ftesën të njëjtit, mirëpo i njëjti nuk është hasur në vendbanimin e tij në rrugën ‘Vëllezërit Fazliu’ Prishtinë.

Meqë i njëjti nuk është hasur në shtëpi, Policia e Kosovës, përmes zyrtarëve kompetent, ka njoftuar organet e drejtësisë se ftesa zyrtare i është dërguar të pandehurit Sekiraqa, mirëpo i njëjti nuk është hasur në shtëpi. Po ashtu sot me datën 18.05.2024, për të zbatuar aktvendimin e Gjykatës së Apelit, ku i dyshuari duhet të dërgohet në paraburgim, zyrtarët policorë e kanë kërkuar të njëjtin, por nuk e kanë hasur në shtëpi.

Veprimet e mëtejme policore, do të bazohen në procedurat e parapara ligjore, aktvendimin dhe rekomandimet e organeve të drejtësisë. Njëkohësisht Policia e Kosovës ka ndërmarrë masat e nevojshme për informim dhe ndalim në të gjitha vendkalimet kufitare dhe drejtoritë rajonale policore, ndaj të pandehurit”.

Kosovë

Deri më 24 maj regjistrimi i popullatës mund të kryhet vetëm nga stafi i ASK-së

Published

1 day ago

18 May, 2024

Redaksia

Agjencia e Statistikave së Kosovës ka njoftuar se regjistrimi i popullsisë është shtyrë deri më 24 maj 2024. Në njoftim bëhet e ditur se shtyrja e afatit u mundësua pas miratimit në Qeveri të propozimit nga ASK-ja bazuar në kërkesën e disa komunave .

“Meqenëse Regjistrimi i Popullsisë në terren, sipas Vendimin të Qeverisë të datës 21 nëntor 2023 ishte deri më 17 Maj 2024, bazuar në kërkesat e disa komunave dhe duke u bazuar në sistemin monitorues që ka ngritur Agjencia e Statistikave të Kosovës (ASK) për ta monitoruar ecurinë e procesit, vlerësuam se mund të ketë individë, ekonomi familjare ose edhe ata që kanë refuzuar (për momentin) dhe kërkuam nga Qeveria një shtyrje të afatit të Regjistrimit të Popullsisë (ReKos2024) deri më 24 Maj 2024 që është aprovuar nga ana e Qeverisë”, thuhet në njoftimin e ASK-së.

ASK thotë se gjatë kësaj periudhe, regjistrimi do të bëhet në çdo zonë regjistruese (fshat e komunë) të Kosovës dhe do të zhvillohen vetëm nga stafi i Agjencisë së Statistikave të Kosovës.

Po ashtu ASK bën thirrje për qytetarët që nuk janë regjistruar të kërkojnë të regjistrohen, duke inkurajuar ata që t’i kontaktojnë zyrtarët e Agjencisë së Statistikave të Kosovës.