Ferizaj

Tahiri: Emërimi i ministrit nga Ferizaj i domosdoshëm

Published

8 years ago

16 October, 2018

Emërimi i një ministri nga Ferizaj në Qeverinë Haradinaj, po del të jetë meritë e deputetit Labinot Tahiri, i cili para një muaji kishte kërcënuar me dorëheqje nga posti i deputetit nëse nuk ndodhë një gjë e tillë. Tahiri thotë se nga komuna e Ferizajt është dashur të jetë një ministër qysh moti, meqë është kontribuesja më e madhe në arkën e shtetit.

“Ajo që nuk është bërë që 19 vite është bërë për një vit, unë kam qit flakë për goje me qenë një ministër nga Ferizaj. Ferizaj ka korporata të mëdha që janë taksapaguesit e parë të vendit dhe del kryeministri e presidenti krenohet me to, por kur krenohet duhet edhe me dhanë për këtë vend, se ne nuk jemi qytet që ia duam të keqen Kosovës dhe duhet të dinë që Ferizaj është zgjidhje për Kosovën. Për emërimin e ministrit përkrahjen e kam pasur nga kryeministri Haradinaj, por edhe presidenti Behgjet Pacolli të cilin e falënderoj pasi nuk ka qenë e lehtë për të me i ndërru ministrat. Ferizaj nuk është i përfaqësuar në qendër as 5%, imagjinoni sa punëtorë ka RTK-ja, ndërsa janë të punësuar aty 5 persona të Ferizajt, kjo është e dëmshme, pra unë e kam pasur përkrahjen për ministër nga Haradinaj dhe Pacolli, ndërsa këta të Ferizajt munden vetëm me uru”, tha Tahiri.

Tahiri theksoi se ka pasur kërkesa që ai vet të emërohet në këtë pozitë, mirëpo largimi i tij nga posti i deputetit do të ndihmonte në rrëzimin e Qeverisë.

“Kanë pasur dëshirë njerëzit, por e kam parasysh që me dalë unë si deputet vjen i LDK-së dhe rrëzohet Qeveria. Unë jam deputet që i kam sjellur 20 mijë vota AKR-së, poashtu jam njëri ndër njerëzit që është formu kjo Qeveri me votën time dhe këto kanë qenë sfida për mua, por unë uroj që Ferizaj të ndriçoj, sepse Ferizaj nuk është vetëm me marrë vota edhe në fund tepsijën me marrë me vete”, tha Tahiri.

Deputeti Tahiri, thotë se ashtu siç ka insistuar për emërimin e Ekrem Mustafës në postin e ministrit, njëjtë do të insitoj nëse ai nuk i kryen me dinjitet obligimet që ka marrë.

Ferizaj

Bëhet i ditur identiteti i viktimave të aksidentit tragjik në Gjermani

Published

5 days ago

07 August, 2026

Redaksia

Në aksidentin tragjik të komunikacionit, që ndodhi ditë më parë në afërsi të Nittendorfit, në rajonin e Regensburgut në Bavari, humbën jetën Tahir Tahiri, 61 vjeç, Gentian Tahiri, 34 vjeç dhe Laurent Aliu, 16 vjeç, që të tre nga lagjja Nuhaj e fshatit Komogllavë të Ferizajt.

Identiteti i të ndjerëve u bë i ditur në njoftimin mortor të publikuar në faqen e fshatit Komogllavë, ku më tej thuhet se data dhe koha e ceremonisë së varrimit do të bëhet e ditur sapo të merren vendimet përkatëse.

Të ndjerët humbën jetën teksa po ktheheshin nga Kosova drejt vendit ku jetonin në Gjermani.

Ferizaj

Arrestohen tre persona të dyshuar për trafikim të narkotikëve në Ferizaj

Published

5 days ago

07 August, 2026

Redaksia

Policia e Kosovës ka ndaluar tre persona në Ferizaj, nën dyshimin për blerjen, posedimin, shpërndarjen dhe shitjen e paautorizuar të narkotikëve, si dhe mbajtjen në pronësi të paautorizuar të armës.

Të dyshuarit u arrestuan të enjten, rreth orës 18:30, në Ferizaj derisa gjatë kontrollit u janë gjetur dhe konfiskuar substanca të dyshuara narkotike, përfshirë 485.27 gramë marihuanë, 181.7 gramë hashash dhe 2.1 gramë kokainë, para të gatshme, një pistoletë me gaz me një karikator dhe tri boca gazi.

Me vendim të prokurorit të shtetit, tre të dyshuarit, pas intervistimit nga Policia, janë dërguar në mbajtje për 48 orë.

Ferizaj 06.08.2026 – 18:30.

“Janë ndaluar tre të dyshuar meshkuj kosovarë, gjatë kontrollimit tek personat e dyshuar janë gjetur dhe konfiskuar: substancë e llojit Marihuanë rreth 485.27 gramë, substancë e dyshuar e llojit Hashash e gjetur në dy pjesë me peshë 181.7 gramë , substancë e dyshuar e llojit Kokainë 2.1 gramë, para të gatshme. një pistoletë me gaz me një karikator dhe tri boca gazi. Paketime të zbrazëta të qeseve të najlonit, dy peshore njëra digjitale dhe tjetra me tërheqje, dy mulli (grindera) për bluarje, tetë telefona celularë të llojeve të ndryshme, një DVR i kamerave. Me vendim të Prokurorit tre personat e dyshuar pas intervistimit dërgohen në mbajtje për 48 orë”, bëri të ditur Policia në raportin 24 orësh.

Ferizaj

Qytetarëve u vijnë mesazhe mashtruese – Policia apelon për kujdes

Published

7 days ago

05 August, 2026

Redaksia

Drejtoria Rajonale e Policisë në Ferizaj ka njoftuar se ditëve të fundit, disa qytetarëve u kanë ardhur mesazhe (SMS) mashtruese kinse të dërguara në emër të Policisë së Kosovës duke pretenduar se qytetarët kanë gjoba trafiku dhe duke i ftuar ata të klikojnë në lidhje (linke) për të kryer pagesën e tyre.

Sipas Policisë, këto mesazhe janë të rreme dhe nuk janë dërguar nga institucionet e rendit dhe ligjit, pra janë mesazhe të dërguara si tentativë për mashtrim.

Policia paralajmëron qytetarët që nëse pranojnë ndonjë e-mail apo mesazh të dyshimtë, të veprojnë si në vijim:

Mos klikoni në linkun e dyshimtë;

Mos i jepni të dhëna personale apo bankare;

Mos kryeni pagesa përmes lidhjeve të dërguara me SMS;

Raportojeni rastin në stacionin më të afërt policor;

Kontaktoni bankën tuaj nëse keni ndarë të dhëna personale ose bankare;

Fshijeni menjëherë mesazhin e dyshimtë;

Qytetarët mund të raportojnë raste të tilla përmes aplikacionit “Lajmëro Policinë” ose duke telefonuar në numrin 192.

Drejtoria Rajonale e Policisë në Ferizaj apelon për kujdes të shtuar ndaj mashtrimeve online dhe bashkëpunim me policinë për parandalimin e tyre.