Ferizaj

Banorët e rrugës “Ndre Mjeda” në hall me kanalizimin

Published

8 years ago

17 October, 2018

Banorët e rrugës “Ndre Mjeda” në Ferizaj, ka më shumë se një muaj që vuajnë nga kundërmimi i kanalizimit, i cili ka depërtuar nëpër oborret e tyre. Për gjithë këtë problem ata fajësojnë një fqinj të tyre, i cili, sipas banorëve ka bllokuar kanalizimin në atë pjesë. Banorët kërkojnë nga komuna që t’ua bëj një zgjidhje sepse në këtë gjendje nuk po mund të jetojnë.

“Ky problem është që një muaj, është mbyllur kanalizimi, unë nuk banoj në këtë hyrje, por është shtëpia e vëllaut këtu dhe një ditë kur hyra brenda në shtëpi prej erës nuk u durojke pasi kanalizimi ka hyrë edhe brenda. Kanë qenë të komunës e kanë këqyr kanë thënë e rregullojmë, por duket që e kanë lënë në harresë, ky problem ka ardhur kur një kojshi e ka mbyll kanalizimin, për vete e ka zgjidhjen, e ka maru një shtëpi mbi kanalizim e po i pengon era atij, është në pronë të tij, e tash ne jemi bllokuar, po vjen era në të gjitha anët”, tha banori Gani Tërstena.

“Jemi 15 shtëpi, shaktat janë izoluar, tani një shi me ra nuk kemi ku shkojmë as në këmbë as me kerre, ndoshta kojshia ka të drejtë se është në mexhë të vet, tani ne nuk kemi ku të shkojmë, kemi qenë në komunë thonë hajt se vijmë ndërsa nuk vijnë hiç, është keq kjo pasi mua më është mbyllur gypi krejt”, tha Sylejman Xhaferri.

“Që dy muaj ditë kanalizimin na e kanë mbyll, era na mbyti, me ba me ra shi mos vet për ne”, tha një banore tjetër.

“Kur është bërë kanalizimi ka ardhur nëpër oborr tonin, por nuk kemi pasur telashe, tash është bërë kjo telashe pa prit, na ka njoftuar kojshia që bllokohet kanalizmi na ka dhënë afat një muaj, por ne nuk kemi mundur me bë zgjidhje, komuna na thotë me bë zgjidhje mes veti, por ne nuk mundemi me bë zgjidhje se mundemi me pas telashe mes veti dhe me të vërtetë është shumë vështirë dhe nëse bjen një orë ose dy shi do na hyjë kanalizimi brenda në shtëpi”, tha Fitim Xhaferri.

Për të marrë një përgjigje nga komuna e Ferizajt, Tv Tema kontaktoi me drejtorin e Infrastrukturës Arbër Bytyqi, drejtorin e Shërbimeve Publike Arben Halili dhe Inspektoratin Komunal, mirëpo ata duke mos pranuar të prononcohen për këtë çështje hodhën përgjegjësinë tek njëri tjetri.

Ferizaj

Një burrë theret me kaçavidë nga dy persona në Ferizaj

Published

5 days ago

22 September, 2026

Redaksia

Një burrë është therur me kaçavidë nga dy persona të panjohur në Ferizaj.

Rasti është raportuar mbrëmjen e së hënës rreth orës 22:30. Sipas policisë, viktima ka pësuar lëndime të lehta trupore dhe pas trajtimit mjekësor është liruar.

Ferizaj / 21.09.2026 – 22:30.

‘Është raportuar se viktima mashkull kosovar ka kërkuar ndihmë mjekësore, pasi dyshohet se i njëjti është therur me një mjetë të mprehtë (kaçavidë) nga dy persona të panjohur. Pas tretmanit mjekësor i njëjti është liruar”, thuhet në raportin e policisë.

Ferizaj

Javën e kaluar Policia shqiptoi 1205 gjoba dhe pezulloi 30 patenta shoferi në Ferizaj

Published

6 days ago

21 September, 2026

Redaksia

Policia e Ferizajt gjatë javës së kaluar ka shqiptuar 1 mijë e 205 gjoba për kundërvajtje në trafik dhe ka pezulluar 20 patentë shoferi.

Në këtë hark kohor janë regjistruar 30 aksidente përfshirë edhe ato ku mbetën të lënduar 13 persona.

“Gjatë javës së kaluar, nga data 14-20.09.2026 janë shqiptuar 1.205 gjoba kundërvajtëse, si dhe janë pezulluar 20 patentë shoferë për shoferët e mjeteve që kanë kryer shkelje të rënda në trafik. Gjatë kësaj periudhe janë regjistruar gjithsej 30 aksidente, nga të cilat 9 aksidente me lëndime, ku kanë mbetur të lënduar 13 persona 21 aksidente me dëme materiale”- thuhet në komunikatën e së hënës (21.09.2026) të Zyrës për Informim dhe Marrëdhënie me Publikun të Policisë Rajonale të Ferizajt.

Ferizaj

Gjendet në Tiranë 80 vjeçari nga Ferizaj i raportuar i zhdukur që nga 17 gushti

Published

3 weeks ago

07 September, 2026

Redaksia

Shoqata e Kosovës për Kërkim Shpëtim njoftoi se 80-vjeçari Hamëz Ismali nga Ferizaj, i cili ishte raportuar i zhdukur që nga 17 gushti, është gjetur në Tiranë.

Ismaili aktualisht është në trajtim mjekësor në spitalin e Tiranës.

Gjetja e tij u bë e mundur falë kërkimeve intensive dhe bashkëpunimit të Shoqatës për Kërkim Shpëtim me policinë e Kosovës, atë të Shqipërisë, qytetarëve dhe ekipeve të angazhuara në këtë operacion.

Familjarët e Ismailit kishin bërë thirrje publike qytetarëve për informacion për vendndodhjen e tij, pasi për herë të fundit ishte parë më 18 gusht në Stacionin e Autobusëve në Tiranë, ku kishte mbërritur me një kompani transportuese nga Kosova.

“Shoqata e Kosovës për Kërkim Shpëtim njofton se, pas kërkimeve intensive së bashku me Policinë e Kosovës dhe angazhimit të ekipeve, është bërë e mundur gjetja e z. Hamëz Ismali, 80 vjeç, nga Ferizaj, i cili ishte raportuar i humbur që nga data 17 gusht.

Z. Hamëz është gjetur në Tiranë, ku aktualisht po merr trajtim në spital.

Shpresojmë që gjendja e tij të përmirësohet sa më shpejt dhe që së shpejti të rikthehet pranë familjes dhe në shtëpinë e tij. Falënderojmë Policinë e Kosovës, Policinë e Shqipërisë, si dhe të gjithë qytetarët, institucionet dhe personat e tjerë që kontribuuan dhe ndihmuan në gjetjen e z. Hamëz”, thuhet mes tjerash në njoftimin e Shoqatës së Kosovës për Kërkim Shpëtim.