Ferizaj

Rreth 100 mijë euro investime në Spitalin e Ferizajt

Published

8 years ago

19 October, 2018

Në kuadër të renovimeve që po bëhen në Spitalin Rajonal të Ferizajt, ditëve të fundit ka pasur edhe donacione të shumta. Sot drejtues të këtij spitali kanë përuruar investimet e reja të bëra në repartin e Emërgjencës, si dhe disa pajisje të rëndësishme në repartin e Kirurgjisë. Drejtori Jeton Zeqiri, tregoi se me këto investime po i kthehet rëndësia shëndetësisë në këtë qytet.

“Emërgjenca e Spitalit të Ferizajt për herë të parë posedon oksigjenimin qendror, monitoring të ri, shtretër të ri dhe komplet është bërë edhe çështja e organizimit sa i përket Kirurgjisë së vogël që deri më tani ka qenë në repart, por tash e tutje do ta gëzojmë këtë shërbim edhe në kuadër të Emërgjencës, është renovuar edhe rentgeni. Sa i përket kostos këtu i kemi dy mënyra të financimit, me buxhet vetanak, ku kap shumën prej 64 mijë euro ku është blerë gastroskopi, kolonoskopi dhe inventari, kurse pjesa e donacionit kap vlerën prej 32 mijë eurove ku ka kontribuar firma ”Medika”, kompania ”Madekos”, si dhe fondacioni dr. Sami Spahiu”, tha drejtori Jeton Zeqiri.

Këto investime të reja në Spitalin Rajonal të Ferizajt, u panë nga afër edhe nga këshilltari i ministrit të Shëndetësisë, Ardian Ferizi. Ai tha se në bazë të hulumtimeve që po bëhen nga organizata të ndryshme të vendit po del që komuna e Ferizajt së fundi ka pasur ngritje të theksuar si në aspektin e cilësisë së shërbimeve, po ashtu edhe në infrastrukturën e brendshme të këtij institucioni.

“Ne jemi kthyer jo vetëm nga QKUK-ja, por edhe në investimet që i duhen spitaleve rajonale, ku edhe për vitin e ardhshëm planifikojmë të blejmë edhe të tjera pajisje të reja e të nevojshme duke plotësuar edhe planifikimin që jemi duke e bërë edhe për ngritjen e kapaciteteve për spitalin e ri, si në aspektin e burimeve njerëzore, por edhe ato të kapaciteteve menaxheriale. Jemi duke punuar shumë duke pasur parasysh që duhet të punësojmë edhe shumë specialistë të tjerë dhe staf të mesëm” , tha Ferizi.

Derisa këtë vit Spitali i Ferizajt u tha se ka punësuar rreth 60 punëtorë të ri, zyrtarë të Ministrisë së Shëndetësisë paralajmëruan se një numër tjetër i stafit shëndetësor do të angazhohet në vitin tjetër, ndërsa pjesa më e madhe e punësimit të punëtorëve shëndetësor do të bëhet gjatë vitit 2021, kur pritet të filloj së funksionuari spitali i ri.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

7 days ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

1 week ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

1 week ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar