Connect with us

Ferizaj

Shtrenjtohet edhe bërlloku

Published

on

Në mbledhjen e tetë të rregullt të Kuvendit Komunal të Ferizajt u vendos që të rriten tarifat për mbledhjen e mbeturinave.

Pas aprovimit të Rregullores për Menaxhimin e Mbeturinave në Komunën e Ferizajt, çmimi për mbledhjen e mbeturinave për amvisëri shkon nga 4.65 euro sa është tani në 6.50 euro, derisa për biznese rritja është edhe më e madhe.

Sipas postimit të Komunës së Ferizajt në facebook, për këtë pikë pati shumë diskutim por u aprovua me shumicë votash.

Në këtë mbledhje është diskutuar propozim-vendimi për miratimin e Rregullores për Menaxhimin e Mbeturinave. Me këtë rast drejtori i Drejtorisë së Shërbimeve Publike dhe Emergjencës Arben Halili, para anëtarëve të kuvendit ka thënë se kjo rregullore ka kaluar edhe përmes konsultimit me publikun dhe është kompletuar në mënyrën e duhur. Për këtë pike pati diskutime të shumta, por në fund u aprovua me shumicë votash” thuhet në postimin e Komunës së Ferizajt.

Kjo rregullore ishte diskutuar edhe në Komitetin për Politikë dhe Financa në kuadër të Kuvendit Komunal të Ferizajt:

Ferizaj

Arrestohen dy persona në Ferizaj për posedim të drogës

Published

on

Dy persona janë arrestuar të hënën mbrëma në fshatin Dardani e Ferizajt, pasi që gjatë kontrollit në veturën e tyre, janë gjetur dhe konfiskuar dy qese substancë që dyshohet të jetë narkotike e llojit marihuanë në peshë të përgjithshme 6.91 gramë.

Në raportin 24 orësh të policisë bëhet e ditur se në konsultim me prokurorin, të dyshuarit pas intervistimit janë liruar në procedurë të rregullt.

Continue Reading

Ferizaj

Arrestohen 4 persona pas plagosjeve me armë zjarri në Doganaj të Ferizajt

Published

on

Katër persona,  A.S., L.V., Sh.L., dhe L.K., janë ndaluar në kohëzgjatje prej 48 orësh për shkak të dyshimit të veprave penale “Vrasja në tentativë”, “Mbajtja në pronësi, kontroll ose posedim të paautorizuar të armëve”, “Shkaktimi i rrezikut të përgjithshëm” dhe “Pjesëmarrja në rrahje”.

Në njoftimin e Prokurorisë Themelore në Ferizaj thuhet se rasti ka ndodhur në orët e para të së hënës në fshatin Doganaj të Ferizajt, ku si pasojë e gjuajtjes me armë zjarri, janë lënduar dy persona.

Dy të lënduarit, pas dhënies së ndihmës së parë nga Emergjenca e Ferizajt, janë transferuar në Qendrën Klinike Universitare të Kosovës për trajtim të mëtutjeshëm mjekësor.

Nga hetimet fillestare mësohet se në incident ishin të përfshirë një qytetar me veturën “Golf 7” dhe një zyrtar policor jashtë detyrës zyrtare, me veturën  “BMW”. Për shkak të përfshirjes së zyrtarit policor, është njoftuar edhe Inspektorati Policor i Kosovës.

Në vendin e ngjarjes janë sekuestruar dy vetura të dyshuara, dy armë, 16 gëzhoja dhe një predhë që dyshohet të jenë shkrepur nga armët e përdoruara në këtë rast.

Continue Reading

Ferizaj

Aktakuzë ndaj dy personave për vrasjen e kryer vjet në Bibaj të Ferizajt

Published

on

Prokuroria Themelore në Ferizaj ka ngritur aktakuzë kundër F.R., dhe J.M., nga Ferizaj, për vrasjen e një personi  në oborrin e një salle dasmash në Bibajt të Ferizajt,  më 16 gusht 2024.

Sipas prokurorisë, i akuzuari F.R ,me dashje dhe me qëllim të hakmarrjes, e ka qëlluar me breshëri plumbash viktimën S.S., duke e lënë të vdekur në vend, kurse J.M. akuzohet për ndihmë në këtë vrasje.

“Ekziston dyshimi i bazuar “se i pandehuri F.R., më 16 gusht 2024, rreth orës 19:21, në parkingun e restorantit “Fron Palace”, në fshatin Bibaj, komuna Ferizaj, gjatë një ceremonie martesore, me dashje dhe paramendim, me qëllim hakmarrjeje për motive të pretenduara familjare të pabazuara dhe të pakonfirmuara juridikisht, në prani të dhjetëra personave përfshirë të mitur, me armë zyrtare automatike të policisë, me dashje dhe qëllim të privimit nga jeta, me breshëri plumba shtien në drejtim të viktimës S.S., duke e privuar nga jeta, ku, si pasojë e të shtënave është rrezikuar seriozisht edhe siguria e personave tjerë të pranishëm në atë moment, me këtë veprim kreu veprën penale të ”Vrasjes së rëndë” nga neni 173 paragrafi 1, nën paragrafi 1.8 dhe 1.11 të Kodit Penal të Republikës së Kosovës.” – thotë Prokuroria.

Kurse, J.M., akuzohet se me dashje e ka ndihmuar policin në privimin nga jeta të viktimës S.S., ashtu që i pajisur me mjet të forta, ka mbrojtur perimetrin e sulmit dhe ka parandaluar çdo ndërhyrje, në mënyrë që i akuzuari F.R., të realizonte pa pengesë veprën penale të vrasjes së rëndë.

Continue Reading

Trending