Ferizaj

Fillon çarja – Pas Gjakovës edhe Podujeva nuk i bindet SBASHK-ut

Published

3 years ago

15 September, 2022

Ndonëse greva e SBASHK-ut hyri në ditën e 23-të, disa shkolla në qytete të ndryshme të vendit kanë vendosur të ndërpresin grevën dhe të fillojnë vitin e ri shkollor.

Në komunën e Gjakovës, mësimi sot është zhvilluar në 5 shkolla fillore, ku në katër prej tyre mësimi ka filluar tërësisht derisa vetëm në një shkollë mësimi nuk filloi i plotë.

Fillimi i vitit shkollor ishte paralajmëruar dje nga drejtoria komunale e arsimit në Gjakovë.

Edhe në Podujevë mësimi ka filluar në të gjitha shkollat fillore kurse përkundër numrit jo të plotë të nxënësve dhe arsimtarëve, mësimi ka filluar pjesërisht edhe në dy shkollat profesionale të këtij qyteti.

“Shkollat fillore janë duke punuar me një numër të vogël të mësuesve deri në dy apo tre, si dhe me nga 30 apo 40 nxënës. Ndërsa, arsimtarët nga klasa e gjashtë deri në të nëntën kanë një hezitim në lëndë të caktuara. Në gjimnaz kishte nxënës por asnjë profesor nuk e zhvilloi mësimin, ndërsa në shkollat profesionale ka nxënës më pak por janë deri 10 deri në 11 profesorë që punojnë”, ka thënë Avni Fetahu, Drejtor i Arsimit në Komunën e Podujevës për KK.

Në Ferizaj sot është mbajtur protestë nga nxënësit dhe prindrit e shkollës “Gjon Serreçi” të cilët kërkuan rifillimin e mësimit.

*Fotografia ilustruese është pamje e TV Syri Vision.

Ferizaj

Në Ferizaj arrestohen dy të dyshuar për trafikim të kokainës

Published

2 days ago

29 October, 2025

Redaksia

Policia në Ferizaj ka arrestuar dy persona të dyshuar për trafikim narkotikësh.

Sipas raportit 24 orësh të policisë, gjatë kontrollit të disa objekteve janë gjetur dhe sekuestruar 734.4 gram substancë narkotike e llojit kokainë.

Pos drogës, policia ka sekuestruar edhe 15.005 €, 3950 franga zvicerane, dy telefona mobil, dy vetura dhe disa gjësende tjera që lidhen me rastin.

Me vendim të prokurorit të dyshuarit janë dërguar në mbajtje.

Ferizaj

Një valixhe e gjetur në rrugën Doganaj–Brezovicë, policia kërkon pronarin

Published

3 days ago

28 October, 2025

webmaster

Policia Rajonale e Ferizajt ka njoftuar se në rrugën magjistrale Doganaj–Brezovicë, afër fshatit Duraj, është gjetur një valixhe e zezë që dyshohet se i ka rënë ndonjë udhëtari nga automjeti.

Sipas njoftimit të policisë, qytetari B. B. nga Kaçaniku ka raportuar se më 26 tetor, rreth orës 17:30, gjatë qarkullimit në këtë rrugë, kishte vërejtur valixhen në mes të rrugës dhe më pas e ka dorëzuar në stacionin policor në Kaçanik.

Gjatë kontrollimit të valixhes, janë gjetur disa rroba personale dhe mjete pune.

Policia ka bërë të ditur se valixhja ndodhet aktualisht në stacionin policor në Kaçanik dhe fton personin që e ka humbur të paraqitet për verifikim dhe marrje të valixhes.

Ferizaj

Arrestohet një i mitur në Ferizaj për tentim vrasje

Published

6 days ago

25 October, 2025

Redaksia

Policia ka arrestuar një të mitur në Ferizaj për vrasje në tentativë.

I dyshuari pas një mosmarrëveshjeje kishte therur një person tjetër.

Viktima është dërguar për trajtim në Qendrën Klinike Universitare të Kosovës në Prishtinë, kurse i i mituri i dyshuar është dërguar në mbajtje.

“Është arrestuar i dyshuari mashkull kosovar-i mitur, pasi që pas një mosmarrëveshje kishte therur me thikë viktimën mashkull kosovar. Viktima është dërguar në QKUK për tretman mjekësor. Me vendim të prokurorit i dyshuari është dërguar në mbajtje”, thuhet në raportin 24 orësh të policisë.