Ferizaj

Për 10 muaj në Ferizaj u shqiptuan 22 gjoba mandatore për ndotësit e ambientit

Published

8 years ago

30 October, 2018

Ditë më parë ministri i Mjedisit dhe Planifikimit Hapësinor, Fatmir Matoshi, ka nënshkruar Udhëzimin administrativ për ndëshkime me gjoba mandatore, i cili parasheh që të gjithë personat të cilët hedhin mbeturina jashtë kontejnerëve apo i djegin ato do të gjobiten me gjobë prej 20 deri 100 euro.

Një udhëzim të tillë e ka mirëpritur komuna e Ferizajt, inspektorët e së cilës thonë se gjatë këtij viti kanë shqiptuar 22 gjoba mandatore për ndotësit e ambientit.

“Takimi ka qenë i thirrur për inspektorë, por në munges të koordinatorit ishim të pranishme ne si inspektore të mjedisit, ai takim ka qenë rreth njoftimit për zbatimin e udhëzimit administrativ për ndëshkim me gjoba mandatore, një udhëzim i ngjashëm ka qenë nga viti 2009, por dy shuma të gjobave i kanë larguar 5 dhe 10 euro edhe kanë mbetur nga 20 deri në 100, në këtë drejtim ne jemi shumë mirë krahasur me komunat e tjera që nuk e kishin zbatuar atë udhëzim administrativ, udhëzimi do të zbatohet në përpikëri jo se ne dëshirojmë t’i gjobisim qytetarët, mirëpo mendojmë vetëdijesimin e tyre pasi ndonjëherë janë të papërmirësueshëm. Shumat janë nga 20-100 gjoba mandatore, 20 është për hedhje të çamçakëzit dhe hedhjes së cigares në vende ku nuk janë të caktuara”, tha inspektorja e ambientit Nazlime Sejdiu.

Teksa në shumë pjesë të qytetit vërehet mungesa e kontejnerëve dhe shportave për hedhjen e mbeturinave, zyrtarët komunal vlerësojnë se ato janë të mjaftueshme.

“Duam të hyjmë në Bashkimin Evropian atëherë duhet edhe të vetëdijësohemi, t’i ndajmë mbeturinat, është orari i hedhjes së mbeturinave për atë është edhe mungesa e kontejnerëve, është orari i hedhjes së mbeturinave i vendos në qese dhe më momentin që del kompania i merr e jo të krijohen kontejnerë, në qytet ka mjaftueshëm kontejnerë, po ashtu edhe shporta ka, por ne duhet të vetëdijësohemi“, tha Sejdiu.

Sa i përket krijimit të deponive ilegale në komunën e Ferizajt, Sejdiu tha se në vazhdimësi janë duke shqiptuar gjoba, por se ato vazhdojnë të krijohen prapë.

Ferizaj

Siguria juaj fillon me zgjedhjen e duhur të sigurimit

Published

15 hours ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

15 hours ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.