Ferizaj

Në krizën e paparë ekonomike, kryetari i Ferizajt i hedh 7.5 milionë euro në beton

Published

3 years ago

27 September, 2022

Projektbuxheti 2023-2025 i Ferizajt u votua sot në seancën e Kuvendit Komunal ku gjatë këtyre tri viteve qeverisja lokale ka ndarë dhe 7.5 milionë euro shtesë për projektin surrogat të ashtuquajtur “Bashkimi i Qytetit” (apo me akronimin “B.i.Q”) që është projekti që konsumon pjesën më të madhe të buxhetit komunal.

Vetëm në buxhetin mbi 38 milionësh të vitit 2023, për këtë nënkalim u ndanë 1.9 milionë euro apo 5% e buxhetit, derisa në dy vitet pasuese planifikohen te shpenzohen edhe 5.6 milionë euro për këtë projekt.

Kryetari i Komunës së Ferizajt, Agim Aliu paradoksalisht deklaroi se buxheti është i fokusuar në gjelbërim.

“Kryeprojekti i infrastrukturës rrugore që do i jap frymëmarrje të re dhe afatgjate qendrës së qytetit është pikërisht vazhdimi i ciklitit infrastrukturor të projekteve të quajtura simbolikisht “Bashkimi i Qytetit” e që kësaj radhe stacionohet pranë ndërtesës së Policisë në Ferizaj për të shpërndarë degët e saj edhe në pesë rrugë të tjera të qytetit“, deklaroi Aliu në seancë.

Ky buxhet u kundërshtua nga partitë opozitare në Kuvendin komunal, e kuvendari i LDK-së, Flamur Istrefi pati kritikë për shtimin e buxhetit për projektin “Bashkimi i Qytetit”.

“Janë rritur shumat, është rritur shuma e ndërtimit të nënkalimit për vetur adhe këmbësorë afër stacionit të Policisë në Ferizaj që në KAB(Korniza Afatmesme Buxhetore) ka qenë e planifikuar 5.5 milionë euro, tani e kemi për 7.5 milionë euro, pra 2 milionë më shumë për një nënkalim që për mua është i panevojshëm duke pasë parasysh problemet që kemi edhe me nënkalimin aktual që s’ka as pranim teknik“, deklaroi Istrefi.

Kuvendi pas diskutimit me 25 vota për, 11 kundër dhe 2 abstenime kaloi buxhetin për vitin 2023.

Related Topics:Buxheti Ferizaj kuvendi komunal

Up Next

Dita e Dëshmorëve përcillet me aktivitete në Ferizaj

Don't Miss

Të mërkurën, disa fshatra mbesin për pesë orë pa rrymë

Click to comment

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

1 day ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

2 days ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

6 days ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim