Ferizaj

Marrëveshja e komunës me ”Caritasin” e paligjshme, thotë LDK

Published

7 years ago

02 November, 2018

Dega e Lidhjes Demokratike të Kosovës Ferizaj, përmes një konference me gazetarë ka reaguar sot edhe njëherë për zhvillimet që ndodhën në dy seancat e fundit të Kuvendit Komunal. Gëzim Kokollari nga kjo parti, ka paralajmërur se për legjitimitetin e mbajtjes së mbledhjes së dytë të Kuvendit do të kërkojnë përgjigje tek organet qëndrore. Me këtë rast, Kokollari ka përmendur disa nga arsyet pse marrëveshja mes komunës me ”Caritasin” nuk ka bazë ligjore.

“Rregullorja 04/2017 është rregullore që është nxjerr në fund të vitit 2017, ndërsa kontrata paraprake ka qenë në vitin 2016 dhe vitet e mëhershme, kështu që nëse kryetari Aliu do ta kishte kaq seriozisht çështjen e punësimit të qytetarëve të këtushëm do ta vazhdonte një kontratë të tillë, por tani më pasi që ekziston kjo rregullore në nenin katër të saj thotë se parimet e përgjithshme të financimit të projekteve të OJQ-ve, në pikën 1.1 është konkurrueshmëria, që do të thotë se për çdo shumë që komuna subvencionon organizata duhet të bëj thirrje publike për të mos iu mohuar e drejta askujt“, tha Kokollari.

Gjatë kësaj konference, dega e LDK-së tregoi se bashkë me Vetëvendosjen e këtushme do të thërrasin një senacë të jashtëzakonshme të Kuvendit Komunal të Ferizajt për projektin “Bashkimi i Qytetit”.

“Ne mendojmë që ky projekt nuk ka kaluar asnjëherë përmes Kuvendit Komunal si organi më i lartë dhe është një kontratë që mendojmë se nuk ka bazë ligjore. Në këtë kontekst në si opozitë pasi që nuk mund të kemi veprime ekzekutive mund ta sqarojmë qytetarin e Ferizajt, të kërkojmë sqarime shtesë se në çfarë baze ligjore është bërë kjo kontratë, prandaj këtu ka shumë hapësirë për dyshime dhe shumë pakënaqësi nga qytetarët, ndërsa në çdo seancë dhe çdo vendim që merr ky pushtet po shihet që kjo qeverisje është e shfrenuar pas shpenzimeve të tekeve të tyre në projekte jo të menduara dhe të studiuara mirë”, tha Kokollari.

Për këto akuza të LDK-së nuk deshi të prononcohet askush nga zyrtarët e qeverisë lokale të Ferizajt.

Ferizaj

Manifestimi qendror për Fitër Bajram mbahet në Xhaminë e Madhe në Prishtinë

Published

2 days ago

18 March, 2026

Redaksia

Bashkësia Islame e Kosovës bëri të ditur agjendën për festën e Fitër Bajramit, më 20 mars 2026.

Kështu, manifestimi qendror që do të mbahet në Xhaminë e Madhe në Prishtinë fillon në orën 05:03 me faljen e namazit të sabahut, pas të cilit do të mbahet ligjërata tematike kushtuar kësaj feste nga krye imami i KBI-së në Ferizaj, Ibrahim Beqiri.

Namazi i Fitër Bajramit falet në orën 06:18, të cilit do t’i prijë kryeimami i Bashkësisë Islame të Kosovës, Vedat Sahiti.

Hytben e Fitër Bajramit do ta mbajë Myftiu i Kosovës, Naim Tërnava, i cili do t’i drejtohet opinionit të gjerë me mesazhin e kësaj feste.

Me rastin e festës së Fitër Bajramit, ditën e parë, më 20 mars 2026, Kryesia e BIK-ut, sipas traditës, organizon pritje urimi në selinë e saj nga ora 09:00 deri në orën 12:00.

“Kryesia e Bashkësisë Islame të Kosovës ua uron festën e Fitër Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona.

Me fat festa e Fitër Bajramit!”, thuhet mes tjerash në njoftimin e BIK-ut.

Ferizaj

Nënshkruhet kontrata 24 milionëshe për Spitalin e Ferizajt

Published

3 days ago

17 March, 2026

Redaksia

Ministri i Shëndetësisë, Arben Vitia ka njoftuar se ka nënshkruar kontratën për vazhdimin e ndërtimit të objektit të ri të spitalit të Ferizajt.

Sipas njoftimit, kontrata për “ndërtimin e objektit të spitalit të përgjithshëm në Ferizaj – vazhdim projekti” ka vlerë prej 24 milionë euro dhe spitali parashihet të finalizohet për 30 muaj.

“Kam nënshkruar kontratën për vazhdimin e punimeve në Spitalin e Ferizajt.

Pas shumë sfidave dhe vështirësive të trashëguara e të reja, ky projekt do të finalizohet brenda 30 muajsh. Ky është një projekt shumë i rëndësishëm për këtë rajon, që do të realizohet sipas standardeve më të larta të infrastrukturës spitalore, me një kosto prej 24 milionë euro.

Urime për të gjithë qytetarët e Ferizajt për këtë projekt të shumëpritur” ka shkruar ministri Vitia në postim.

Ndryshe, objekti i ri i spitalit të Ferizajt kishte filluar në vitin 2018 dhe vlera e projektit fillestar ishte 10.2 milionë euro. Më vonë, kësaj kontrate iu shtuan edhe 1 milionë të tjera. Asokohe kishte përfunduar vetëm ndërtimi i vrazhdë i objektit.

Punimet u ndërprenë për shkak të padive ligjore të ndërsjella mes Ministrisë së Shëndetësisë dhe kompanisë ndërtuese.

Kontrata për vazhdimin e ndërtimit të spitalit është fituar nga Grupi i Operatorëve Ekonomik ADA CONSULTING GROUP SH.P.K., SHM Architecture SH.P.K. dhe Termo Consing SH.P.K”.

Ferizaj

Defekt në Nënstacionin Ferizaj 1, një pjesë e qytetit mbetet pa energji elektrike

Published

1 week ago

13 March, 2026

webmaster

KOSTT ka njoftuar se është shkaktuar një avari në Nënstacionin Ferizaj 1, konkretisht në transformatorin T3 (110 kV/10 kV).

Sipas njoftimit, si pasojë e kësaj avarie një pjesë e konsumatorëve që furnizohen nga ky transformator kanë mbetur pa energji elektrike, me një ngarkesë rreth 20 MW.

Nga KOSTT bëhet e ditur se ekipet teknike janë në koordinim me ekipet e KEDS për të siguruar furnizim alternativ me energji elektrike në kohën më të shpejtë të mundshme dhe në mënyrë të sigurt.

KOSTT u ka kërkuar mirëkuptim qytetarëve të prekur nga kjo ndërprerje e furnizimit me energji elektrike.

Foto – Ilustrim