Ferizaj

Vazhdon seanca gjyqësore ndaj ish-drejtorit Faik Grainca

Published

8 years ago

06 November, 2018

Seanca shqyrtuese ndaj ish-drejtorit të Urbanizmit Faik Grainca, i cili akuzohet për keqpërdorim të detyrës zyrtare dhe falsifikim të dokumentit, ka vazhduar edhe sot në Gjykatën Themelore të Ferizajt.

Deklaratën e lënë në gjysmë e vazhdoi dëshmitari Imri Haliti, i cili është edhe palë e dëmtuar dhe bartës i peticionit të pronarëve të shtëpive në rrugën ”Astrit Bytyqi”. Ai tha se kërkesën kundër miratimit të Planit Zhvillimor Komunal, i cili parasheh destinimin e tokave nga ndërtimi i ulët në atë të lartë, e ka tërhequr dikush tjetër në emër të tij.

“Ne nuk kemi paraqitur kërkesë për shfuqizm të këtij vendimi, kush e ka paraqit atë kërkesë ne nuk e dimë, edhe pse aty është thirrë në emrin tim, pasi ka qarkulluar informata se është shfuqizuar vendimi për pezullimin ne kemi shkuar në Ministrinë e Planifikimit Hapësinor dhe jemi interesuar mandej ata na e kanë ofruar një kopje të këtij vendimi, do të thotë edhe komisioni edhe vendimi janë marrë në mënyrë urgjente një ditë para mbledhjes së Kuvendit, kush e ka bërë këtë nuk e dimë, por nga sekretari na është thënë personalisht se është duke u bërë e padrejtë, por kemi presione po ju ndjekne rrugën ligjore”, u shpreh Haliti.

Haliti akuzoi ish-drejtorin Grainca se një kërkesë të një familjes që jeton në rrugën ”Astrit Bytyqi” e ka shndërruar në peticion dhe në bazë të atij peticioni janë miratuar ndryshimet e destinimit të tokave në atë zonë.

“Te peticionet e kundërta aq sa i kemi parë ka pasur edhe fëmijë, por ajo nuk ka qenë peticion, por kërkesë e anëtarëve të familjes, por drejtori e ka shndërruar në peticion, ajo ka qenë kërkesë e Izer Ramadanit ku e ka përfshi familjen e vet, por jo edhe nënshkrimet, pasi fëmija nuk dinë me nënshkru, por Drejtoria e Urbanizmit për ta rritur numrin e peticionit të kundërt e ka shndërru në peticion, këtu mendoj se nuk ka falsifikim, por ka keqpërdorim të detyrës zyrtare, se falsifikim këtu nuk ka, pasi nuk ka nënshkrime të falsifikune, por i ka marr për bazë këta fëmijë për me rrit numrin”, tha Haliti.

Seanca gjyqësore ndaj ish-drejtorit të Urbanizmit Faik Grainca dhe dy personave të tjerë, është ndërprerë me kërkesë të prokurorit Arben Ismaili, për shkak të angazhimeve që ai kishte. Seanca e radhës është caktuar për 29 dhe 30 nëntor.

Ferizaj

Siguria juaj fillon me zgjedhjen e duhur të sigurimit

Published

1 day ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

1 day ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.