Ferizaj

Kërkohet asfaltimi i rrugës ”Idriz Islami” në Ferizaj

Published

7 years ago

06 November, 2018

Nuk është e gjatë as 100 metra, por për banorët e rrugës “Idriz Islami”, që gjendet përballë Fabrikës së Tubave në Ferizaj, mosrregullimi i saj është kthyer në problem serioz.

“Kjo është rrugë 50 vjeçare nuk është rrugë e arave, por ka mbetur në këtë gjendje, vitin e kaluar na patën premtuar, filloj një ditë bageri me punu, kubëzat kanë qenë në rrugë ditën tjetër i kanë larguar, kam qenë tek drejtori disa herë por ishte zënë, kanë mbetur pusetat e hapura, mandej ne banorët jemi detyruar t’i mbyllim vet pasi ishin rrrezik për fëmijët, ndërsa tani kur i kemi mbyllur kanë mbetur shumë lartë dhe po i dëmtojmë veturat, për 70 metra nuk ka buxhet komuna, ndërsa për me shtru rrugë të arave po ka”, tha Ramë Veseli.

“Të gjitha rrrugët afër nesh i kanë asfaltu, vetëm rrugën tonë e kanë lënë në gjysmë, jemi detyru ne vet banorët me rrafshu, por kanë mbetur pusetat shumë keq, unë vet kam qenë në komunë, por më kanë thënë ka kohë për këtë rrugë, ka pas problem me puseta, kishim frikë se rrezikohen fëmijët, e tash pasi i kemi mbyllur kanë mbet lartë e po i dëmtojnë veturat”, tha një banore e rrugës “Idriz Islami”.

“Prej vitit të kaluar tri herë më kanë shti me i heq skelet që kam qenë duke punuar se kanë me ardhë me i shtru kubëzat, por deri sot nuk i kanë shtru, ka qenë rrezik i pusetave pasi kanë qenë 3 metra thellë e tash i kemi mbuluar me kapakë që mos me ra fëmija bile”, tha një banor tjetër.

Në lidhje me shqetësimin e këtyre banorëve TV Tema tentoi të marrë një përgjigje nga drejtori i Infrastrukturës Arbër Bytyqi, mirëpo u tha se ai ndodhet jashtë shtetit.

Ferizaj

Arrestohen tre të dyshuar për hajni në disa markete të Ferizajt

Published

7 hours ago

19 December, 2025

Redaksia

Policia e Ferizajt ka arrestuar tre persona nën dyshimet se kanë kryer vjedhje në disa markete të Ferizajt.

Bëhet fjalë për katër raste të ndara vjedhjeje dhe atë në një shitore në rrugën “Brahim Ademi”, “Vëllezërit Gërvalla”, “Rexhep Bislimi”, si dhe në një shitore në fshatin Koshare.

Sipas policisë, pas një pune intensive hetimore në terren dhe analizimit të video-incizimeve, njësia e hetimeve në Ferizaj ka arritur të identifikojë dhe arrestojë kryesit e dyshuar të këtyre veprave penale. Në cilësinë e të dyshuarve janë intervistuar B.R. (61 vjeç), B.V. (44 vjeç) dhe K.R. (35 vjeç).

Vlera e produkteve të vjedhura është rreth 2,000 euro.

“Nga hetimet e deritanishme dyshohet se të njëjtit kanë përdorur një veturë Audi A3 me targa vendore dhe se kanë vepruar në data të ndryshme gjatë muajit nëntor 2025 në territorin e Ferizajt. Po ashtu, ekzistojnë dyshime të bazuara se të dyshuarit mund të jenë të përfshirë edhe në raste të tjera vjedhjeje, për të cilat hetimet janë duke vazhduar.

Pas intervistimit nga policët hetues dhe me vendim të prokurorit të shtetit, të dyshuarit janë liruar në procedurë të rregullt hetimore”, thuhet mes tjerash në njoftimin e policisë.

Ferizaj

Kosova goditet nga tërmeti 3.1 ballësh, epiqendra në afërsi të Kllokotit

Published

4 days ago

15 December, 2025

Redaksia

Një tërmet me magnitudë 3.1 ballë të shkallës Rihter është regjistruar sot në mëngjes në rajonin kufitar mes Kosovës, Serbisë dhe Maqedonisë së Veriut.

Epiqendra e tërmetit është lokalizuar rreth 11 kilometra në verilindje të Ferizajt dhe 9 kilometra në jug të Gjilanit, në zonën Viti-Gjilan në afërsi të Kllokotit.

Sipas të dhënave sizmologjike të Qendrës Euro-Mesdhetare (EMSC), lëkundja ka ndodhur më 15 dhjetor, rreth orës 07:20 sipas kohës lokale derisa tërmeti ka pasur një thellësi prej rreth 9 kilometrash.

Ferizaj

Policia në Ferizaj konfiskon mbi 4.6 kg kokainë dhe arreston katër të dyshuar

Published

6 days ago

13 December, 2025

Redaksia

Hetuesit policorë nga Njësia e Drejtorisë për Hetimin e Trafikimit me Narkotik (DHTN) në Ferizaj, ka arrestuar katër persona derisa edhe dy të tjerë janë në kërkim, të dyshuar për posedim dhe trafikim të lëndëve narkotike.

Gjatë realizimi të aksionit janë konfiskuar 4.62 kilogramë të substancës që dyshohet të jetë kokainë, një pistoletë me 14 fishekë, celularë, para në valuta të ndryshme dhe disa mjete motorike.

Në njoftimin e policisë thuhet se të arrestuar janë A.L., (mashkull, shtetas i Shqipërisë, viti i lindjes 1973), M.B., (mashkull, shtetas i Shqipërisë, viti i lindjes 1971), A.B., (mashkull, kosovar, viti i lindjes 1997) dhe A.B., (mashkull, kosovar, viti i lindjes 1993).

Të dyshuarit, pas intervistimit me aktvendim nga prokuroria janë dërguar në mbajtje për 48 orë.

Njoftimi i plotë: