Ferizaj

Të shtunën dhe të dielën ndërprerje të rrymës në Ferizaj

Published

4 years ago

04 November, 2022

Të shtunën dhe të dielën do të ketë ndërprerje të rrymës në Ferizaj.

Sipas njoftimit nga KEDS, të shtunë nga ora 09:30 deri në ora 12:00 rryma do të ndalet për mirëmbajtje preventive në rrugët 12 Qërshori, 15 Shkurti (një pjesë), Agim Matoshi (një pjesë), Asim Vokshi (një pjesë), Avdyl Dura, Besim Rexhepi, Dëshmorët e Kombit, e Ilirisë, Ejup Statovci (një pjesë), Enver Topalli, Gjemajl Kada (një pjesë), Hamëz Jashari, Imri Halili (një pjesë), Indrit Cara (një pjesë), Metush Krasniqi (një pjesë), Rexhep Bislimi, Rifat Berisha (një pjesë), Xhemajl Kada (një pjesë) dhe Saranda (një pjesë).

Të dielën nga ora 10:30 deri në ora 15:30 pa rrymë, për shkak të punimeve nga palët e treta, mbesin Sheshi ,,Madeline Albraight ‘’, rr. Richard Powell, Sejdi Sejdiu, 12 Qershori dhe Isak Sadiku.

Njoftimi i plotë i KEDS:

05.11.2022

Punime të domosdoshme për siguri të sistemit

Nga NS 35/10[kV] Ferizaj III do të ndërprehet:

Dalja 10[kV] Ylli 3 me (kod: 40042017) nga ora 09:30 deri në ora 12:00

Vendet: Rrugët: 12 Qërshori, 15 Shkurti (një pjesë), Agim Matoshi (një pjesë), Asim Vokshi (një pjesë), Avdyl Dura, Besim Rexhepi, Dëshmorët e Kombit, e Ilirisë, Ejup Statovci (një pjesë), Enver Topalli, Gjemajl Kada (një pjesë), Hamëz Jashari, Imri Halili (një pjesë), Indrit Cara (një pjesë), Metush Krasniqi (një pjesë), Rexhep Bislimi, Rifat Berisha (një pjesë), Xhemajl Kada (një pjesë) dhe Saranda (një pjesë).

Arsyeja: Mirëmbajtje preventive, rritje e fuqisë së trafostacioneve të mbingarkuar.

06.11.2022

Punime nga palët e treta

NS 35/10kV Ferizaji 2 do të ndërprehet:

TS – 10/04(kV). ” 1 – Maji ” (kodi: 40041039001) nga ora 10:30 deri 15:30

Vendet: Sheshi ,,Madeline Albraight ‘’, rr. Richard Powell, Seidi Seidiu, 12 Qershori dhe Isak Sadiku.

Arsyeja: Punët që duhet të kryhen sipas pëlqimit elektro-energjetik dhe projektit të aprovuar.

Ferizaj

Arrestohen dy persona në Ferizaj për sulm dhe therje me thikë

Published

22 hours ago

24 June, 2026

Redaksia

Dy persona janë arrestuar nga policia në Ferizaj nën dyshimin se kanë sulmuar me thikë një burrë.

Sipas raportit 24 orësh të policisë, viktima ka pësuar lëndime dhe është dërguar për tretman mjekësor në QKUK në Prishtinë. Raportohet se ngjarja ka ndodhur në mesditën e së martës.

Të arrestuarit janë dërguar në mbajrje derisa rasti po hetohet si lëndim i lehtë trupor.

Ferizaj 23.06.2026 – 12:15.

“Janë arrestuar dy të dyshuar meshkuj kosovarë nën dyshimin se kanë sulmuar me thikë viktimën mashkull kosovar. Viktima ka pësuar lëndime dhe është dërguar për tretman mjekësor në QKUK. Me vendim të Prokurorit, të dyshuarit pas intervistimit janë dërguar në mbajtje”, thuhet në raport.

Ferizaj

Ferizajasi dorëzon në polici portofolin e gjetur me dokumente dhe 160 €

Published

6 days ago

19 June, 2026

Redaksia

Një qytetar nga Ferizaj ka gjetur një portofol me dokumente personale dhe 160 € të cilat i ka dorëzuar në polici. Portofoli ishte gjetur të enjten (18.06.2026), rreth orës 18:00.

Më pas në stacion është paraqitur edhe pronari i portofolit, të cilit i janë kthyer dokumentet dhe paratë.

“Më 18.06.2026, rreth orës 18:00, qytetari F.Abazi (34 vjeç), nga Ferizaji, ka treguar një shembull të lartë të ndershmërisë dhe përgjegjësisë qytetare, duke gjetur një portofol me dokumente personale dhe 160 euro në rrugën “Gjergj Fishta” në Ferizaj.

Menjëherë pas gjetjes, ai e ka dorëzuar portofolin në stacionin policor në Ferizaj.

Më pas, në stacionin policor është paraqitur qytetari E.A. (24 vjeç) nga Shtimja, i cili kishte humbur portofolin. Pas verifikimeve të kryera nga zyrtarët policorë, pronarit të ligjshëm i janë kthyer portofoli, dokumentet personale dhe shuma prej 160 eurosh”, ka njoftuar Policia e Kosovës në Facebook.

Ferizaj

Sekuestrohen 60 kg marihuanë dhe arrestohen katër të dyshuar

Published

7 days ago

18 June, 2026

Redaksia

Policia e Kosovës ka arrestuar 4 persona pasi zbuloi dhe sekuestroi rreth 60 kilogramë substancë narkotike të dyshuar të llojit marihuanë.

Kjo sasi e narkotikëve u sekuestrua pas një aksioni në dy lokacione në Prishtinë dhe në fshatin Babush të Ferizajt.

Aksioni i policisë u realizua në bashkëpunim me Prokurorinë Themelore Prishtinë dhe Agjencinë e Kosovës për Inteligjencë (AKI), pas zhvillimit të hetimeve disa mujore dhe zbatimit të masave të veçanta hetimore.

Të arrestuarve, një (1) shtetas i Republikës së Kosovës, dy (2) shtetas të Republikës së Serbisë dhe një (1) shtetas i Republikës së Shqipërisë, u është caktuar masa e ndalimit për 48 orë, për shkak se të njëjtit dyshohen për kryerjen e veprës penale “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge.”

Gjatë këtij aksioni janë sekuestruar edhe dy (2) vetura, dhe një (1) kamion.