Ferizaj

Familja Loku nga fshati Rakaj bëhet me shtëpi të re

Published

8 years ago

10 November, 2018

Familja 10 anëtarshe Loku nga fshati Rakaj i Ferizajt, i është gëzuar hyrjes në shtëpinë e re e cila u ndërtua nga kontributi i bashkatdhetarëve nga Zvicra dhe Gjermania si dhe shoqata humanitare “Feniks”.

Njëri ndër donatorët e ndërtimit të kësaj shtëpie, Rexhep Rifati, tha se shoqata “Feniks” po bën një punë të madhe, prandaj apeloi tek mërgimtarët që të kontribuojnë në këtë shoqatë në mënyrë që ndihma për familjet skamnore mos të ndalet.

“Ky është një kontribut i vogël familjar, sepse unë edhe familja ime e përcjellim në vazhdimësi këtë shoqatë dhe fondin e bursave për studentë ku mundohemi të kontribuojmë për to, sepse unë dhe familja ime e dimë se çka do të thotë të presësh për një bukë, po ashtu një punë të jashtëzakonshme po e bën edhe “Eli-Abi” dhe “Feniks”, të cilët kanë ndërtuar mbi 200 shtëpi që është për të marrë lakmi. Unë apeloj tek të gjithë bashkëmërgimtarët e mi që ta mbështesin “Feniks”-in, fondin e bursave dhe ardhmërinë e Ferizajt”, tha Rifati.

Kryetari i shoqatës humanitare “Feniks”, Milaim Jashari, u shpreh falënderues ndaj donatorëve të cilët po i besojnë kësaj shoqate.

“Kjo familje ka qenë në gjendje shumë të vështirë, donatorët e kësaj shtëpie janë nga Zvicra, nga Gjermania, që i përshëndes shumë, është Jakupi dhe Fadili me shokët e vet nga Gjermania, këta shokë nga Zvicra kanë participu me 12 mijë euro edhe në Kaçanik, po ashtu edhe Rexhep Rifati i cili ka kontribu me 700 euro dhe unë jam shumë i gëzuar që kemi kaq shumë miqë dhe dashmirë që na ndihmojnë, po ashtu truallin për këtë familje e kanë blerë fqinjtë e kësaj familje me ç’rast jam shumë mirënjohës nga të gjithë’’, tha Jashari.

Ndërtimin e kësaj shtëpie më së shumti e mirëpritën anëtarët e familjes Loku. E zonja e shtëpisë Nexhybe Asllani, tha se gëzim më të madh nuk ka përjetuar asnjëherë në jetën e saj.

“Jemi 10 anëtarë, kemi qëndruar në një shtëpi të huaj me qira dhe kemi marrë një social prej 100 eurove me të cilin e kemi pasur shumë vështirë të mbijetojmë, unë e falënderoj Milaim Jasharin i cili na ka vizituar dhe e ka kuptuar gjendjen tonë, unë i falënderoj të gjithë që kanë kontribu për ndërtimin e shtëpisë sime”, tha Asllani.

Shoqata ”Feniks” njoftoi se gjatë ditëve në vijim do të përuroj edhe tri shtëpi të tjera.

Ferizaj

Siguria juaj fillon me zgjedhjen e duhur të sigurimit

Published

2 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar

Ferizaj

Policia në Ferizaj ka arrestuar një person për posedim të narkotikëve

Published

2 days ago

09 October, 2026

Redaksia

Policia rajonale në Ferizaj ka arrestuar një burrë pasi gjatë kontrollit në shtëpinë dhe objektet përcjellëse, i janë gjetur dhe sekuestruar një sasi prej 21.1 gramë substancë narkotike e llojit marihuanë.

I dyshuari është arrestuar rreth orës 14:45 të së enjtes (08.10.2026), në rrugën Lekë Dukagjini në Ferizaj.

Në raportin ditor të policisë bëhet e ditur se në cilësi të provave materiale nga i dyshuari janë sekuestruar edhe 963.80 euro dhe 700 lekë para të gatshme, tre telefona celularë, një USB dhe një thikë.

Me vendim të prokurorit i dyshuari pas intervistimit është dërguar në mbajtje.

Ferizaj

Festim Ramadani dënohet me 16 vjet burgim për vrasjen në Bibaj të Ferizajt

Published

1 week ago

01 October, 2026

Redaksia

Gjykata Themelore në Ferizaj, departamenti për Krime të Rënda, e ka shpallur fajtor ish-policin Festim Ramadanin për veprën penale “Vrasje e rëndë”.

Ramadani është dënuar me 16 vjet burgim. Sipas aktgjykimit, në dënim do të llogaritet edhe koha e tij e kaluar në paraburgim, nga 16 gushti 2024. Dënimi do të ekzekutohet pas plotfuqishmërisë së aktgjykimit.

Sipas akuzës, ngjarja kishte ndodhur më 16 gusht 2024, rreth orës 19:21, në parkingun e oborrit të restorantit “F. Palace”, në fshatin Bibaj të Komunës së Ferizajt, gjatë një ceremonie martesore.

I pandehuri akuzohej se me dashje dhe paramendim, për motive të pretenduara familjare, kishte shtënë me një armë zyrtare automatike të policisë në drejtim të viktimës S.S., duke e privuar atë nga jeta në vendin e ngjarjes.

Gjykata ka vendosur që Festim Ramadanit t’i vazhdohet masa e paraburgimit deri në plotfuqishmërinë e aktgjykimit, por jo më gjatë se kohëzgjatja e dënimit të shqiptuar.

Kundër këtij aktgjykimi palët kanë të drejtë ankese brenda 30 ditësh nga dita e pranimit të aktgjykimit në formë të shkruar, thuhet mes tjerash në njoftim.