Ferizaj

Shënohet Dita Botërore e Diabetit në Ferizaj

Published

8 years ago

14 November, 2018

14 nëntori, Dita Botërore e Diabetit u shënua edhe në Ferizaj. Arsyeja e shënimit të kësaj dite në tërë botën, por edhe në Kosovë është vetëdijësimi i qytetarëve për ta parandaluar dhe mbajtur nën kontroll këtë sëmundje.

Nga 100 qytetarë sa kishin bërë matjen e nivelit të sheqerit në gjak në sheshin e qytetit të Ferizajt, në 70 nga ta kishte rezultuar që vuajnë nga kjo sëmundje. Kështu njoftoi doktoresha e mjekësisë familjare Vjollca Dervishi–Pira.

“Kemi dalë në qytet këtu meqenëse është kampanja e ditës botërore kundër diabetit, qëllimi ynë kryesor është që të jemi në shërbim të popullatës dhe të shohim sa është numri i atyre që vuajnë dhe personat të cilët nuke dinë se e kanë këtë sëmundje, kështu që jemi dalë si ekip, fillimisht si faktor rreziku është tensioni arterial edhe në këtë rast diabeti, kemi marrë një numër diku rreth 100 pacientë, për 3 orë i kemi kontrollu dhe kemi parë që diku 60-70% të rasteve janë me sheqer, disa janë me terapi, ndërsa disa të tjerë nuk e dinë që e kanë këtë sëmundje”, tha Dervishi-Pira.

Ndërsa, qytetarët të cilët patën rastin të masin nivelin e sheqerit në gjak, thanë se këso kampanja do të ishte mirë të organizoheshin më shpesh.

“E mata shtypjen dhe sheqerin, shtypja më doli mirë, kurse sheqeri doli 14.8, por unë vuaj nga diabeti, është e vështirë kjo sëmundje, por po i rrimë gati, është mirë që kanë dalë këta këtu”, tha Habib Zejna.

“Edhe shtypja e gjakut edhe sheqeri më doli mirë, e kam mat sheqerin para një viti, ndërsa tani qenka rrit pak por jo shumë, kështu që e shfrytëzova rastin këtu me ba një vizitë, u kurseva me shku te mjeku”, tha Ilaz Kadriu.

Ndër simptomat e diabetit janë rritja e etjes dhe urinimi i shpeshtë, rritja e ndjenjës së urisë, humbje e papritur e peshës, dobësi dhe lodhje, shikim të paqartë, nervozizëm, e të tjera.

Ferizaj

Në Ferizaj raportohen katër bankënota të dyshuara nga 500 €

Published

8 hours ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

9 hours ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.