Ferizaj

Objekti i përuruar 2 vite më parë në gjendje të rëndë

Published

8 years ago

22 November, 2018

Objekti me një kosto mbi 2 milionë euro, i përuruar hiç më larg se dy vite më parë, po paraqet shqetësim për nxënësit dhe mësimdhënësit e shkollës ekonomike ”Faik Konica” në Ferizaj. Në këtë objekt, që u pat thënë se është ndërtuar sipas standardeve evropiane, reshjet e shiut janë shndërruar në trishtim për këtë shkollë, për shkak se i gjithë uji depërton brenda. Drejtori i kësaj shkolle Idriz Ademi, ankohet se problemet me objektin po ndikojnë në procesin mësimor.

“Edhe sot e kësaj dite ato probleme janë evidente, siç është pikja e kulmit, dyshemeja është e dëmtuar, nxemja ende nuk është ashtu siç duhet, dritaret nuk janë të mbyllura mirë, depërton i ftohti dhe të gjitha këto po ndikojnë edhe në procesin mësimor”, tha Idriz Ademi, drejtor i shkollës ekonomike “Faik Konica”.

Drejtori Ademi, tha se kërkesat drejtuar institucioneve kompetenete për këto probleme, janë të shumta.

“Kemi bërë kërkesa edhe njoftime në Drejtorinë e Arsimit dhe në Minsitrinë e Arsimit, por vetëm për nxemje kanë zgjuar interesim dhe kanë angazhuar një ekspert të nxemjes të cilët kanë bërë një raport, ndërsa për sanimet e tjera ende jo”, tha Idrizi.

Në Drejtorinë e Arsimit në Ferizaj, thonë se mosintervenimi në këtë shkollë po ndodhë për shkak të mospranimit teknik të objektit.

“Ne e kemi njoftuar Ministrinë e Arsimit, kemi bërë edhe shkresë, por ata në vazhdimësi janë arsyetuar me atë se nuk është bërë pranimi teknik dhe derisa të evitohen ato defekte që janë paraqitur në shkollë nuk do të bëhet kjo. Së fundmi që kemi pasur takimin e fundit, unë kam kërkuar që së paku nxemja të na rregullohet, ata kanë kërkuar nga ne që ne të gjejmë një ekspert të termos dhe ta konstatojmë gjendjen se si është, ne e kemi bërë një gjë të tillë, e kemi dërguar një ekspert në shkollën ekonomike dhe tashmë është bërë një raport dhe e ka drejtori i shkollës dhe atë raport do ta dërgojmë në ministri në mënyrë që ata të na lejojnë që së paku të intervenojmë në nxemje, edhe pse në fakt neve nuk na takon, por ata na kanë sugjeruar që ne ta bëjmë një raport të tillë dhe ata me na leju neve që së paku me intervenu te nxemja, ndërsa për intervenime të tjera kemi mbetur në proces”, tha Afrim Llabjani.

Probleme me depërtimin e shiut brenda shkollës po paraqiten edhe në shkollën fillore “Vezir Jashari”, e cila gjendet jo shumë larg asaj ekonomike.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

6 hours ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

23 hours ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

4 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar