Ferizaj

Promovohet libri “Vorbullave të Historisë” i autorit Abdullah Zymberi

Published

8 years ago

26 November, 2018

Në kuadër të aktiviteteve të sotme që u shënuan për 50 vjetorin e demonstratave të vitit 1968, në Qendrën e Kulturës të këtij qyteti, u promovua libri “Vorbullave të Historisë” nga autori ferizajas Abdullah Zymberi. Ky libër i cili përshkruan ngjarjet historike dhe sakrificën e popullit shqiptar prej vitit 1968 e deri në vitin 1999, u tha se lexuesit i sjellë fakte që tregojnë se komuna e Ferizajt la gjurmë në kohë, duke u bërë shpeshherë pikëtakim i shumë aktiviteteve me peshë historike për kombin shqiptar. Redaktori Rrahim Sadiku, vlerësoi se libri “Vorbullave të Hisotrisë” trajton kryesisht ngjarje madhore, luftëra që e nderuan kombin dhe ata udhëheqës që u shndërruan simbol për kombin.

“Ky libër shpalos guximin shqiptar gjatë shekujve dhe sakrificat madhore për liri dhe atdhe, ato janë të dukshme dhe të dokumentuara kudo. Qëndresa kundër pushtimit sllav e grek dhe dëshira për të pamundësuar ndarjen trojeve shqiptare nga vendimet që u morën në Shën Stefan, në Kongresin e Berlinit, shkaktuan një vrag të këqijash për shqiptarët, edhe pse këto troje të copëtuara shqiptarët nuk u nënshtruan kurrë plotësisht, nuk u dorëzuan, nuk u lodhën dhe nuk e ngushtuan respektin, krenarinë për qenien shqiptare”, tha Sadiku.

Vlerësime për librin, dhanë edhe kritik letrar të kësaj ane.

“Një pjesë e konsiderueshme e librit “Vorbullave të Historisë” lidhet me Ferizajn dhe me të kaluarën e me ngjarjet e rëndësishme historike që ndodhën në të. Autori na jep të dhëna për fillet e jetës së këtij qyteti, për lidhjet e menjëhershme të këtij vendbanimi me rrjedhat historike të kohës dhe me rolin e rëndësishëm që ka Ferizaj e rrethina me Lidhjen e Prizrenit, në kryengritjen e vitit 1900-1912 kundër synimeve të perandorisë osmane dhe shteteve fqinje”, tha Banush Imeri.

“Dikush ose shumëkush mund të shtroj pyetje pse shumë po merremi me të kaluarën dhe proceset e saja. Unë mendoj se duhet të merremi se shumë procese historike për dhjetëra arsye ende i kemi të paqarta, të paqëndrueshme në këmbët e veta dhe të mjegulluara që kërkojnë sqarime“, u shpreh Enver Zhinipotoku.

E, autori i librit “Vorbullave të Historisë”, Abdullah Zymberi, tha se këtë libër e ka shkruar duke u bazuar në përvojën e gjatë politike, nga leximi i shumë veprave, si dhe nga mbajtja e shënimeve personale.

“Viti 1968 ishte vit sharmant në të gjitha fushat dhe asnjëherë nuk mbeti borxh në lëvizjet e tyre. Ai vit edhe një herë i riaktualizoj shqiptarët e asaj kohe që janë ende skllavë të modernitetit evropian”, tha ai.

Në këtë promovim libri morën pjesë qytetarë të shumtë, shumica prej të cilëve pjesëmarrës të demonstratave të vitit 1968.

Ferizaj

Në Ferizaj raportohen katër bankënota të dyshuara nga 500 €

Published

9 hours ago

25 August, 2026

Redaksia

Policia në Ferizaj ka njoftuar se në një bankë janë dorëzuar katër bankënota në vlerë nga 500 €, të cilat dyshohet se janë falsifikuara.

Në raportin 24 orës, Policia ka njoftuar se kartëmonedhat e dyshuara janë sekuestruar për ekzaminim të mëtutjeshëm.

“Rr. Dëshmorët e Kombit, Ferizaj – Raportohet nga banka se kanë pranuar katër bankënota në vlerë nga 500 €, të cilat dyshohet se janë falsifikuara. Njësitet policore kanë dalë në vendin e ngjarjes dhe kanë sekuestruar kartëmonedhat e dyshuara për ekzaminime të mëtutjeshëm. Lidhur me rastin është informuar e konsultuar edhe prokurori.”

Ferizaj

Siguria juaj fillon me zgjedhjen e duhur të sigurimit

Published

9 hours ago

25 August, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni:

Selim Shabani B.I.

Bashkëpunëtor i kompanisë së sigurimeve PRISIG

Tel: +383 49 172 170

E-mail: selimshabani@prisig-ks.com

*Artikull i sponsorizuar

Ferizaj

Gjobitet me 500 € për ndezje zjarri në Sojevë të Ferizajt

Published

1 week ago

18 August, 2026

Redaksia

Një banor i fshatit Sojevë të Ferizajt është ndëshkuar me 500 € gjobë nga Policia e Kosovës për ndotje të mjedisit dhe rrezikim nga përhapja e zjarrit.

Në njoftimin e policisë bëhet e ditur se rasti është raportuar të dielën mbrëma, më 16.08. 2026.

“Zyrtarët policorë të stacionit në Ferizaj, me datën 16.08. 2026, rreth orës 22:00, kanë pranuar ankesa nga qytetarët për djegie të materialeve të ndryshme në një oborr, në rrugën “Bau Beiden”, në fshatin Sojevë.

Patrulla policore ka dalë menjëherë në vendin e ngjarjes, ku ka identifikuar personin e dyshuar, SH.SH., 55-vjeçar.

Për shkak të ndotjes së mjedisit dhe rrezikut që zjarri paraqiste për pronat përreth, ndaj tij, në bazë të Ligjit Nr. 08/L-071, neni 49, është shqiptuar gjobë në vlerë prej 500 eurosh” thuhet mes tjerash në njoftim.

Policia Rajonale e Ferizajt u ka bërë thirrje qytetarëve që të shmangin veprimet që mund të shkaktojnë zjarre, ndotje të mjedisit apo rrezikim të pronës dhe jetës së qytetarëve, veçanërisht gjatë temperaturave të larta.