Ferizaj

Mbahet debat publik për hartat zonale me njohës të fushës së ndërtimit

Published

8 years ago

03 December, 2018

Debati publik rreth hartimit të hartave zonale të komunës së Ferizajt vazhdoi sot, kryesisht me njohës të fushës së ndërtimit. Drejtori i Urbanizmit Lulzim Aliu, para të pranishmëve propozoi disa ide që vlerëson se janë të domosdoshme për t’u inkorporuar në këtë dokument.

“I kam disa ide që koeficientin e ndërtimit me kushtëzu me sipërfaqe të parcelave, unë e kisha kufizu kënaqshëm 45 %, pastaj e kisha nda me sipërfaqe të shfrytëzimit të tokës, shembull 20 ari me qenë minimum, mirëpo tash prej 20 arit me qenë koeficineti në rritje, shembull në 20 ari koeficienti me qenë 4, në 30 ari koeficienti 5, me këtë i kishim eliminu edhe pengesat e banorëve të cilët po bëjnë ndërtime në 1-2 ari, ose ata që kanë pak ari mos me i vu kushte investitorit, le të mbetet me 5 apo 10 ari, por le të dihet se nuk mundet me ndërtu më, le të mbetet me 20 ari, por koeficientin do e ketë 4 dhe kështu do të bëhet interesi i të gjithëve me u bë 70 ari dhe kështu koeficienti me u bë 7”, tha Aliu.

Propozimet e tyre i paraqitën edhe njohësit e fushës së ndërtimit që morën pjesë më këtë diskutim publik.

“Rrugët paralele janë rrugë 6 metra dhe vija ndërtimore e përparme, prapa dhe anësore besoj se duhet me u trajtu me kujdes pasi vijmë tek fenomeni siç është në rrugën “Sejdi Sejdiu” ku nuk e kap as dielli”, tha një pjesëmarrës.

“Të gjithë po ndalemi tek një ndërtesë, ndërsa fare nuk po e përmendim një bllok banimor në bllokun urban, se kemi caktuar sa ndërtesa formojnë një bllok banimor, të gjitha këto fare nuk i kemi marrë që me iu fut hartave zonale, ndërsa koeficientin kisha dashur ta heqim prej rendit të ditës pasi është keqpërdor shumë, ne që merremi me këtë punë e dimë mirë sa është gjerësia e një objekti banimor, e dimë që nuk ka shans 60% i saj, ndërsa profilet e rrugës me largësi diktohen automatikisht, sa është lartësia aq dhe duhet të jesh i larguar nga rruga”, tha Arsim Murseli.

“Forma dhe dukja e fasadave është një linjë pothuajse e njëjtë në secilën formë ku thuhet se fasada duhet me qenë ngjyrë e bardhë dhe forma katore, me këtë nuk pajtohem, besoj se duhet me u ndryshu pasi fasada në zonat urbane duhet me iu përshtat dizajnit urban të asaj lagjeje, pra në bazë të parcelave fqinje”, tha një tjetër pjesëmarrës.

Ndërsa, nga Ministria e Mjedisit dhe Planfikimit Hapësinor treguan obiligimet që ka komuna e Ferizajt në hartimin e këtij dokumenti të rëndësishëm për qytetin.

“Pas secilës fazë jeni të obliguar ashtu siç e parasheh ligji të organizoni punëtori 2-3 ditore dhe të shtjellohen të gjitha problemet që i keni në komunë, besoj se edhe materialin nuk e ka pas askush këtu që të japin sugjerime, kështu që në bazë të ligjit ju sugjeroj që pas secilës fazë të organizoni punëtori”, tha Suzana Goranci nga MMPH.

Qytetarët e komunës së Ferizajt kanë kohë edhe 10 ditë t’i paraqesin propozimet e tyre për hartimin e hartave zonale.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

1 day ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

2 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

5 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar