Ferizaj

Shoqëria civile kritikon pushtetin lokal për mungesë të bashkëpunimit

Published

8 years ago

05 December, 2018

Fondacioni Kosovar për Shoqëri Civile në bashkëpunim me Organizatën Iniciativa për Progres, kanë prezantuar studimin e “Indeksit Kosovar për Shoqëri Civile 2018″, i cili vlerëson gjendjen e shoqërisë civile në Kosovë, në baza periodike. Sipas këtij studimi, shoqëria civile vazhdon të mbetet një faktor shumë i rëndësishëm në demokratizimin e vendit, duke u renditur ndër akterët më të besueshëm pas Policisë dhe FSK-së.

Dren Puka, drejtor i Programit për Hulumtim dhe Avokim, tha se ”Indeksi Kosovar për Shoqëri Civile 2018” ka identifikuar edhe problemet me të cilat ballafaqohet shoqëria civile, disa nga të cilat janë zvogëlimi i fondeve të huaja për këto organizata, por edhe mungesa e transparencës në ndarjen e fondeve publike.

“Si të gjetura kryesore të këtij edicioni është se përkundër që ekziston një numër shumë i madh i OJQ-ve të regjistruara në Kosovë, megjithatë numri aktiv i organizatave të shoqërisë civile sillet diku rreth 1 mijë OJQ. Për më tepër financimi i organizatave të shoqërisë civile vërehet se ka një rënie të financimit, më pak marrin fonde nga donatorët e huaj, në anën tjetër fondet publike për OJQ janë rritur, niveli qëndor dhe komuna japin më shumë fonde për OJQ-të, megjithatë kjo në raport me donacionet e huaja prapë është më e vogël, pasi shumat totale janë dukshëm më të vogla, po ashtu ka rënë numri i organizatave të shoqërisë civile që marrin pjesë në hartim të ligjeve dhe politikave”, tha Puka.

Kurse, përfaqësuesit e shoqërisë civile në Ferizaj, si problem thelbësor përmendën mungesën e bashkëpunimit të pushtetit lokal me OJQ-të e këtushme.

“INPO mundemi me thënë se qëndron mirë si organizatë joqeveritare në aspektin financiar dhe rregullimin e saj, mirëpo ne kosiderojmë se pushteti në nivel lokal duhet me pas bashkëpunim sa më të madh me organizatat joqeveritare dhe mund të them se kohët e fundit është në nivel të ulët bashëkpunimi mes pushtetit aktual të nivelit lokal dhe shoqërisë civile”, tha Arbenita Topalli nga INPO.

“Problemi që ne hasim është më tepër bashkëpunimi mes organeve lokale, pasi mungon një bashkëpunim i tillë dhe nga ky mosbashkëpunim mungojnë edhe projektet të cilat reflektojnë edhe në gjendjen financiare, të cilat po çojnë OJQ-të drejt shuarjes”, Albert Ramadani nga organizata “Veprimi për ligjin dhe demokracinë”.

Në Kosovë janë të regjistruara rreth 10 mijë organizata joqeveritare, prej të cilave, sipas këtij hulumtimi, vetëm 1 mijë janë aktive.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

1 day ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

2 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

5 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar