Ferizaj

Prezantohet filmi dokumentar për Lorik Canën

Published

8 years ago

06 December, 2018

Në kuadër të kontributit për artin dhe kinematografinë, mbrëmë në Tiranë u prezentua premiera e filmit dokumentar “Lorik”. Ky dokumentar i rrallë sportiv, i kushtohet futbollistit të njohur shqiptar Lorik Cana, ku historia e karrierës së tij rrëfehet nga vet Loriku dhe personat e afërt që ndikuan në formimin dhe zhvillimin e tij si person dhe si futbollist. Për ta përcjell nga afër këtë ngjarje ishte edhe kameramani i Televizioni Tema, Hekuran Ibrahimi. Gjatë ceremonisë së kësaj premiere, u vlerësua se vlerat dhe rezultatet që shënoi Cana përgjatë viteve të tij në sport, i dhanë një kontribut të jashtëzakonshëm futbollit shqiptar në përgjithësi. Për dokumentarin foli autori Andi Deçka, i cili tha se nuk ka qenë e lehtë të realizohet një projekt i tillë.

“Si film është xhiruar në dhjetë vende, e kemi nisur në Romë ku në atë periudhë ishte shtëpia e Lorik Canës, më pas kemi vazhduar në Stamboll, në Marsej, Lozanë, në Prishtinë, Gjakovë, në Durrës, Shkodër, pra pak a shumë besoj që jemi përpjekur të sjellim të vërtetën dhe atë se çfarë ai përfaqëson. Titulli i filmit është Lorik pasi që nuk përfaqëson thjesht vetëm Lorik Canën si individ, por përfaqëson jetën dhe karrierën e një personi publik si dështimet, uljet, ngritjet dhe arritjet e këtij personi, për këtë arsye emri i filimit është Lorik dhe jo Lorik kapiteni”, tha Deçka.

Filmi dokumentar është i ndërtuar në një rend kronologjik dhe përshkon të gjithë etapat e rëndësishme në jetën dhe karrierën e Lorikut, që nga fëmijëria në Gjakovë, hapat e parë të futbollit e deri në kohën kur ishte kulmi i karrierës së tij. Cana, i lumtur për këtë vepër që do t’i mbetet në pasurinë e jetës së tij, tha se nuk e kishte menduar kurrë që një ditë do të ketë një dokumentar për të.

“Nuk ka qenë absolutisht në planet e mija, është komplet dëshirë dhe nisje e Andit i cili erdhi dhe më tregoi për iniciativën e tij. Isha me dy mendje dhe më pas i thash po do ta bëjmë dhe sot pas dy vitesh kur edhe e pash filimin e shoh që kam vepruar mirë që e kam pranuar këtë projekt, sepse përveç se ka dalë një material që unë mund ta mbaj për vete, ka dalë po ashtu një projekt nga një autor i cili ma ka përcjell gjithë karrierën mua. Kështu që besoj që është bërë një punë e jashtëzakonshme dhe jam shumë i lumtur që jam pjesë e këtij filmi”, tha Cana.

Filmi “Lorik” është një prodhim i “DigitAlb”, ndërkaq në kuadër të shumë donatorëve që e mbështetën këtë film dokumentar sportiv, është edhe fabrika e ujit ”Miros” nga Ferizaj. Përfaqësues të këtij biznesi thanë se janë të kënaqur që kanë arritur të japin kontribut në një projekt të tillë.

“Jemi të privilegjuar që jemi pjesë e këtij eventi, ”Miros” po kalon kufijtë e Kosovës dhe sot këtu në Tiranë po konsiderojmë se ky film është historik për një vepër historike të idhullit të shumë të rinjve të Kosovës, ku në këtë rast është Lorik Cana. Kompania ”Miros” po i jep edhe një vulë asaj që po mundohet ta bëjë çdo ditë e më tepër duke financuar sa më shumë aktivitete dhe evente sportive”, u shpreh menaxheri i ”Mirosit”, Adnan Ibrahimi.

Në promovimin e filmit dokumentar kushtuar futbollistit Lorik Cana, ishin të pranishëm shumë fytyra publike e politike nga Shqipëria e Kosova.

Ferizaj

Ndalohet për 48 orë një person për rastin e vdekjes të punëtorit në Ferizaj

Published

1 day ago

13 October, 2026

Redaksia

Prokuroria Themelore në Ferizaj, ka njoftuar për ndalimin e një personi me inicialet B.T. lidhur me rastin që ka ndodhur dje rreth orës 15:50, në rrugën ”Cen Dugolli” në Ferizaj, ku humbi jetën një punëtor derisa po punonte në një objekt ndërtimi. Viktima dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Sipas prokurorisë, i arrestuari B.T. është ndaluar nën dyshimin për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”.

Njoftimi i Prokurorisë:

Ndalohet një person për veprën penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”

Ferizaj, 13 Tetor 2026– Prokuroria Themelore në Ferizaj, njofton opinionin publik se me vendim të Prokurorit të Shtetit, ka ndaluar një (1) person të dyshuar me iniciale B.T., në kohëzgjatje prej 48-orësh, për shkak të dyshimit të veprës penale “Asgjësimi, dëmtimi ose heqja e pajisjeve mbrojtëse dhe rrezikimi i sigurisë në vendin e punës”nga neni 358 sipas Kodit Penal të Republikës së Kosovës.

Rasti në fjalë ka ndodhur në rrugën ”Cen Dugolli” në Ferizaj, rreth orës 15:50:, ku, një person, i cili po kryente punime në një objekt ndërtimi, dyshohet se ka rënë nga lartësia dhe ka pësuar lëndime të rënda, si pasojë e të cilave ka ndërruar jetë në vendin e ngjarjes.

Vdekjen e viktimës e ka konstatuar mjeku kujdestar i Qendrës Emergjente në Ferizaj, kurse, me urdhëresë të prokurorit të shtetit, trupi i pajetë i vitkimës është dërguar për obduksion në Institutin e Mjekësisë Ligjore në Prishtinë.

Prokurori i shtetit, pas daljes në vendin e ngjarjes, ka udhëzuar Policinë dhe Inspektoratin e Punës, për ndërmarrjen e veprimeve të nevojshme hetimore, me qëllim të zbardhjes së rrethaneve të këtij rasti.

Prokuroria Themelore në Ferizaj, ndaj të dyshuarit të lartëpërmendur, brenda afatit ligjor do të vazhdoj me procedurat e mëtejme ligjore.

Ferizaj

Humb jetën një punëtor në një objekt në ndërtim në Ferizaj

Published

2 days ago

12 October, 2026

Redaksia

Një punëtor 54 vjeç ka humbur jetën pasi dyshohet se gjatë punës të jetë rrëzuar në një objekt në ndërtim në Ferizaj.

Rasti është raportuar të ketë ndodhur pasditen e sotme rreth orës 15:40, në rrugën “Cen Dugolli”.

Në vendin e ngjarjes kanë dalë policia dhe ekipet e Emergjencës, të cilat kanë konstatuar vdekjen e tij. Sipas policisë dyshohet se gjatë punimeve ndërtimore viktima është rrëzuar nga kati përdhes në bodrum.

Në vendngjarje kanë dalë edhe hetimet rajonale dhe inspektorët e punës derisa për të gjitha veprimet policore është njoftuar prokurori i shtetit.

Ferizaj

Siguria juaj fillon me zgjedhjen e duhur të sigurimit

Published

5 days ago

09 October, 2026

Redaksia

Në jetën e përditshme përballemi me situata të papritura – në rrugë, gjatë udhëtimeve, në punë apo edhe në shtëpi. Pikërisht për këtë arsye, sigurimi është një nga investimet më të mençura që mund të bëni për veten, familjen dhe biznesin tuaj.

Selim Shabani B.I., bashkëpunëtori kompanisë së sigurimeve PRISIG, ofron zgjidhje profesionale dhe të besueshme për të gjithë ata që kërkojnë siguri, stabilitet dhe mbrojtje financiare në çdo situatë.

Me një qasje të drejtpërdrejtë dhe këshillim profesional, ai ju ndihmon të zgjidhni paketën e sigurimit që i përshtatet më së miri nevojave tuaja – duke ju kursyer kohë dhe duke ju ofruar mbrojtje të plotë.

Shërbime të plota sigurimi për individë dhe biznese

Nëpërmjet bashkëpunimit me PRISIG, ofrohen një gamë e gjerë sigurimesh:Klientët mund të përfitojnë nga një gamë e gjerë shërbimesh sigurimi, duke përfshirë:

• Sigurim i shëndetit në udhëtim – për udhëtime të sigurta jashtë vendit

• Sigurim shëndetësor – kujdes dhe mbrojtje për shëndetin tuaj

• Sigurim i personave nga aksidentet – mbështetje financiare në rast të aksidenteve të papritura

• Sigurim TPL & TPL+ – sigurim i detyrueshëm dhe i zgjeruar për automjete

• Sigurim Kasko i automjeteve – mbrojtje e plotë për veturën tuaj

• Sigurim i pronës, banesës dhe shtëpisë – siguri për pronën dhe familjen tuaj

• Sigurim i ofertës (tenderit) – për kompani që marrin pjesë në tenderë

• Sigurim i kontratës (ekzekutimit) – garanci për realizimin e kontratave

Qasja profesionale, këshillimi i drejtë dhe shërbimi i shpejtë janë vlerat që e bëjnë Selim Shabanin një partner të besueshëm për çdo klient.

Për informata shtesë ose për të zgjedhur sigurimin që i përshtatet më së miri nevojave tuaja, mund të kontaktoni: Selim Shabani B.I.

Bashkëpunëtor i kompanisë së sigurimeve PRISIG

*Artikull i sponsorizuar